Hosea 4:15 - KITABU KITAKATIFU

¹⁵ Kali ive Israeli wekola wamalaya, Yuda a vule kwona; na mwinye mu la vula kuduka ha Gilgali; kandi mu tanegira Bethaven, kandi mu la vula kwisuha, ku vola, Kuli Yahova a veye mwoyo.

Hosea 4:15 ပူးပေါင်းရင်းမြစ်များ

2 Kyetsinyinga 17:4

navutswa yenya Nyasaye wa dada wewe, na a genda mu lila gana lilye, na si ga li kuli vikolwa vya Israeli.

2 Kyetsinyinga 21:11

Kuvita yaga ya lomba hadigu luku mu vigulu vya Buyuda, na ya vika netsingulu ava menya Yerusalemi mu buheyi, na a kyaminya Vayuda.

Isaya 48:1

Mu hulire yaga, avenyumba ya Yakobo, ava langangwa ku lieta lya Israeli, nokutwula mu madzi ga Yuda; mwinye avesuha ku lieta lya Yahova, nokutala lieta lya Nyasaye wa Israeli navutswa si ga veye mu geligali, kinga mu bulungi

Jeremia 44:26

Kigira yaga mu hulire likuva lya Yahova, mwinye Avayuda mwosi ava mu menyanga mu kivala kya Egepeti: Henza, nzisuhi ku lieta lyange linene, Yahova a vola, lieta lyange si li la talwa kandi mu munwa gwomundu kali mulala u veye wa Yuda mu kivala kyosi kya Egepeti, kuli livola, Kuli Mwami Yahova a veye mwoyo.

Jeremia 5:2

Kali ni va vola, Kuli Yahova a veye mwoyo; ligali visuhanga nobu behi.

Ezekieli 20:39

Ku makuva genyu, mwinye avenyumba ya Israeli, Mwami Nyasaye a vola: Mu tsie, sa mulala a tumekire vifwananyi vivye, nenyinga yenyima, ni mu vula kwenya kuhulira inze; navutswa lieta lyange litakatifu si mu la lyononnya kandi nevindu vyenyu vya mu haananga, nevifwananyi vyenyu.

Hosea 10:5

Avamenyi ba Samaria va la va nobutii kigira vimoli vya Bethaven; kigira avandu velidala yilyo va la lisyomera, avasalisi valyo ava sangala kulyo, kigira ubukumi bwalyo, kigira bu twuli kulyo nokulileka.

Hosea 10:8

Hadiguluku ha Aven, ubwoni bwa Israeli, ha lononnywa: amafwa na matagalu vi la mera ku bwali bwavo; na va la volera vigulu, Mu ku kunike; notugulu, Mu ku gwire.

Hosea 11:12

Efiraim u nkumbiridza namakuva gobubehi, nenyumba ya Israeli i nkumbiridza nobugadi, navutswa Yuda kuduka kalunu yamehanga halala na Nyasaye, naye a veye musuuvirifu ku uyu Mutakatifu.

Hosea 12:1

Efiraim yelihidzanga imbuudza, nokulonda imbuudza yevugwe: naye kazozo a medanga makuva gobubehi na gobudivi; na a lombanga lilagana na Asuria, na maguta ga hilwa kuduka Egepeti.

Hosea 12:11

Gileadi ki veye ubudamano? Yavo va veye mwika vutswa; ha Gilgali viitanga tsigiriki; yee, ubwali bwavo bu gwiye kuli vitumi mu amakindi gomulimi.

Hosea 12:12

Na Yakobo yiruka kutsia mu mulimi gwa Aram, na Israeli ya tumika a duke kunyola mukali, na yaya ma gondi a nyole mukali zana.

Hosea 4:12

Avandu vange va teva likuva ku kigenga kyavo, nempimbo yavo ya vilwadzira; kigira mwoyo gwamalaya gwa va kyaminya, na va kola malaya kutloula isi wa Nyasaye wavo.

Hosea 5:8

Mu kupe kisiliva mu Gibea, mu kupe imbuumi mu Rama: mu kupe kyokutihidza ha Bethaven; ha inyima hoho, O Benjamini.

Hosea 9:15

Budamano bwavo bwosi bu veye mu Gilgali; kigira nda va dunyi'ra yo: kigira ubudamano bwelikola lyavo nda va kunga va twule mu inyumba yange: si nda va yanza kandi mba; avanene vavo vosi va veye avatingu.

Amosi 4:4

Hamba ha Betheli, mu kole mahyolo; hambi Gilgali, mu mede mahyolo; na mu lete tsisadaka tsyenyu mugamba nornugamba, netsizaka tsyenyu mu lete ku lidiku li kola gavaka;

Amosi 5:5

navutswa mu tenya Betheli, kandi mu tingira mu Gilgali, na mu ta vita kutsia Beer sheba: kigira ligali Gilgali li la tsia mu butugwa, na Betheli li la va mwika vutswa.

Amosi 6:10

Na lwa mifwa womundu u li mbu gula, kali uyu u mu sambanga, kuvugula vigumba kutsia navyo kyova wenyumba, na a la teva uyu u veye mu inyumba, A ve yo wundi halala nive? Naye a la vola, Auwa, si a re ho; hene yaho a la vola, Kiring'ana; kigira si ku veye nomunwa kutala lieta lya Yahova.

Amosi 8:14

Yavo avesuhanga ku bwoni bwa Samaria, nokuvola, Kuli nyasaye wowo, O Dan, a veye mwoyo; kandi, Kuli inzira ya Beersheba i veye mwoyo; va la gwa, na si va la vuka kandi mba madiku gosi.

Vafeso 5:11

Kandi mu ta va nelisanga nemiyinzi gyekisundi gyi tivanga, navutswa nubulahi mu gyi kyaye;

Joshua 5:9

Na Yahova ya volera Joshua, Lidiku lya lero yili mmali kugomagominya tsisoni tsya Egepeti tsi twuli ku mwinye. Kigira yaga lieta lya ha zana lya langwa Gilgali, kuduka lero.

Joshua 7:2

Na Joshua ya tuma avandu kutwula Yeriko kutsia Ai, li veye himbi Bethaven, ku luvega lwevugwe we Betheli, na ya va volera, na a vola, Mu tsie mu lute kivala yikyo. Na avandu zana va tsia ni va luta lidala lya Ai.