Hosea 4:12 - KITABU KITAKATIFU

¹² Avandu vange va teva likuva ku kigenga kyavo, nempimbo yavo ya vilwadzira; kigira mwoyo gwamalaya gwa va kyaminya, na va kola malaya kutloula isi wa Nyasaye wavo.

Hosea 4:12 ပူးပေါင်းရင်းမြစ်များ

2 Avami 17:7

Ga li ndiyo, kigira avana va Israeli va kola ubwoni ku Yahova Nyasaye wavo, wa va twulidza mu kivala kya Egepeti, kutwula isi womukono gwa Farao mwami wa Egepeti, na va tia vanyasaye vandi

2 Kyetsinyinga 21:13

navutswa u genda ku inzira yavami va Israeli, kandi u vike netsingulu Yuda nava menyi Yerusalemi mu buheyi, kuli inyumba ya Ahabu, kandi wiiti avamwavo vovo avenyumba ya dada wowo, ava li avalahi kuvita ive:

Zaburi 106:39

Na ndiyo va nyola ubudamano ku miyinzi gyavo, Na vekola avene kuva avamalaya ku vikolwa vyavo.

Zaburi 73:27

Kigira, henza, yava ava veye ihale ku ive, va la diva: Ive u lononnya vosi ava leka ive kutsia mmalaya.

Jeremia 10:8

Navutswa va veye kuli tsinyama nobusiru halala: lyegidza lyevifwananyi li veye kitinya kyomusala vutswa.

Jeremia 2:27

yavo ava voleranga kitinya kyomusala, Ive u veye dada wange; nokuvolera ligina, Ni ive wa nzivula: kigira va nkupi migongo gyavo, si va viki mmoni mwavo ku inze mba; navutswa ku inyinga yekivi kyavo va la vola, Vuka, u ku honnye.

Jeremia 23:13

Ndoli ubusiru ku vaprofeti va Samaria; va profeta na Baal, va kyaminya avandu vange Israeli.

Ezekieli 20:32

na yaga gingiranga mu tsiganagani tsyenyu si ga la va ho mba, mu ga mu volanga Kwinye ku la va kuli tsihiri, kuii ubwiko bwevivala, kutumekira musala neligina.

Ezekieli 21:21

Kigira mwami wa Babuloni ya singira ha bwavukaniru bwetsinzira, ha mutwe gwetsinzira tsiviri, kutumekira ubusegetiri bwibwe: ya sung'usa mibano yiyi neyiyi, na a teva ku vifwananyi, ya henza ku likudumani.

Hosea 14:3

Asuria si ki la ku honnya mba; si ku la nina ku tsiparasi; kandi si ku la volera miyinzi gyamakono getu, Mwinye mu ueye vanyasaye vetu; kigira avabisandu va nyolanga tsimbabasi ku ive.

Hosea 5:4

Likola lyavo si li va leka kuduka va girunkane ku Nyasaye wavo; kigira mwoyo gwa malaya gu veye muvo, na si va manyi Yahova mba.

Hosea 6:10

Ndoli kindu kidamano mu inyumba ya Israeli: ha zana malaya ga nyoleki mu Efiraim, na Israeli vononnyeywi.

Hosea 9:1

O Israeli, u ta sangala kigira busangali, kuli avetsihiri; kigira ive wa leka Nyasaye wowo, na wa tsia kulonda malaya, ive u yanzi madanyi ku tsindze tsyosi.

Kyavalevi 17:7

Va vule kwiitira amademone tsisadaka tsyavo, aga va kola ubuheyi nago ku ligota. Yili li la va lilaga lyemihiga nemihiga kuvo mu visukululwi vyavo vyosi.

Kyavalevi 20:5

hene yaho nda henzidza mumoni mwange ku mundu uyu, noku avenyumba yeye, na nda mu twulidza, halala na vosi ava mu londanga mu buheyi, kukola ubuheyi halala na Moleku, va twulidzwe mu avandu vavo.

Mika 2:11

Mundu na a va na a genda mu roho gwobugadi a veha, nokuvola, Nda profetera ive makuva gewaini, na gekyokunwa kilulu; uyu a la va muprofeti wavandu yava.

Habakuk 2:19

O bayaye ku uyu u volera musala, Yuka; nokuvolera ligina li veye idimbidi, Singira Yiki ki nyala kwegidza? Henza, kya kunikwa ithahabu nefetha, si ha veye nomwika kali hakudzu mukyo.

Livalidza 15:39

na bu la va ku mwinye buyusi, mu bu henze nokwidzulitsa malago gosi ga Yahova, nokugakola; na mu vule kugendagenda kulonda myoyo gyenyu avene, na tsimoni tsyenyu avene, vindu vya mwa li ni mu londanga ku matsyambiri kukola ubuheyi:

Kwidzulitsa 31:16

Na Yahova ya volera Musa, Henza, ive u la gona navaguga vovo; navandu yava va la vuka, nokukola ubuheyi ku lilonda vanyasaye vageni avekivala, kya va tsitsanga yo kuva hagati havo, va la ndeka, nokwononya lilagana lyange lya nda kola halala navo.

Vakalagi 18:5

Na va mu volera, Mwadza, u ku tevere likuva lya Nyasaye, ku duke kumanya inzira yetu ya ku tsia ku, i la gasidzwa.