Hosea 4:1 - KITABU KITAKATIFU

¹ Mu hulire likuva lya Yahova, mwinye avana va Israeli; kigira Yahova a veye nelihing'ana ku vamenyanga mkivala yikyo, kigira si ha veye na geligali, kinga tsimbabasi, kinga limanya Nyasaye mu kivala.

Hosea 4:1 ပူးပေါင်းရင်းမြစ်များ

1 Avami 22:19

Na Mikaiya ya vola, U hulire likuva lya Yahova: nda lola Yahova wikaye ku intebe yeye yobwami, nelihe lyosi lyomigulu va singiye ha mukono mulungi gwigwe na ha mukono mmosi gwigwe.

Zaburi 81:9

Si u la va no munyasaye mugeni; Kandi u ta sigamira munyasaye wobugeni.

Isaya 1:10

Mu hulire likuva lya Yahova, mwinye avamehanga Sodoma; mu tegidze amatu, mu hulire malago ga Nyasaye wetu, mwinye avandu va Gomora.

Isaya 1:18

Kalunu hambi, ku lombe makuva, Yahova a vola: kali ubwoni bwenyu ni bu va ni bu veye bwakanyu ligali, bu la va ubulavu ligali kuli likonza; ni bu va ni bu veye bwakanyu kuli kibaara bu la va kuli pamba

Isaya 28:14

Kunangwa mu hulire likuva lya Yahova, mwinye avalegi, mwinye avamehanga ku avandu yava ava veyemu Yerusalemi:

Isaya 34:1

Mwisunde himbi, mwinye tsi hiri, kuhulira; mu hulire mwi nye avandu: lirova li hulire, halala na vyosi vizula kulyo; lirova nevindu vyosi vi twulanga mulyo.

Isaya 34:8

Kigira Yahova a veye nelidiku lyelivanza kisalya, muhiga gwokutunga mu lihing'ana lya Zioni.

Isaya 5:3

Kalunu, O, ave Yerusalemi navasatsa ave Buyuda, mwadza, mu kalage hagati hange nekizabibu kyange.

Isaya 59:4

Si ha veve nomulala wenyanga mu ubulungi, kinga mulala waniranga mu ageligali: va suuvira vya vutswa, ni va vola bubehi; va vereka inda yekivi, nokwivula ubudamano.

Isaya 59:8

Si va manya inzira yemirembe; si ha veye nelikalaga lilungi mu tsing'endo tsyavo: velombeye tsinzira tsyobukyamu; ku vosi u genda kutsyo si a manya mirembe mba.

Isaya 66:5

Mu hulire makuva ga Yahova, mwinye ava degeranga kigira makuva gege: Avamwavo venyu ava dunyira mwinye, ava syuva mwinye kyova kigira lieta lyange, va voye, Yahova a kuminywe, kuduke kulola ubuyanzi bwenyu; navutswa ni yavo va la va isoni.

Jeremia 11:7

Kigira nda lolekidza ligali ku vaguga venyu ku lidiku lya nda va leta kutwula mu kivala kya Egepeti, kali kuduka lero, nda vuka mabwebwe nokuvalolekidzira, kuvola, Mu hulire mwoyo gwange.

Jeremia 19:3

u vole, Mu hulire likuva lya Yahova, mwinye avami va Yuda, na va menyanga mu Yerusalemi: Yahova wa mahe, Nyasaye wa lsraeli a vola, Henza, nda leta budamano hano, ubwa uyu u hulira kubwo, amatu gege ga la mu tsuna.

Jeremia 2:4

Mu hulire likuva lya Yahova, O inyumba ya Yakobo, nobwiko bwosi bwenyumba ya Israeli:

Jeremia 2:9

Kigira yaga nda mu goonya, Yahova a vola, navana va avana venyu nda va goonya.

Jeremia 25:31

Lwanga lu la duka ku kiheri kyelirova; kigira Yahova a veye nelihing'ana netsihiri, a lingira mu likalaga navemibiri vosi: ku makuva gavadamano, a la va haana va ve ku kivavi, Yahova a vola.

Jeremia 34:4

Navutswa u hulire likuva lya Yahova, O Zedekia mwami wa Yuda: Yahova a vola ku makuva gogo, Ive si u la kudza nekivavi mba;

Jeremia 4:22

Kigira avandu vange va veye avasiru, si va manya inze; va veye avana avemitwe midinyu, si va veye nelimanya; va veye nobugeeri kukola budamano navutswa si va veye nelimanya kukola bulahi.

Jeremia 4:28

Kigira vindu yivi lirova li la syoma neligulu li la va limwamu; kigira mboye yaga, nsaaviye, si nzeganiye, si ndirana inyima ku inkuva yiyi.

Jeremia 5:4

Hene yaho nda vola, Ligali yava va veye vadaka; va veye avasiru; kigira si va manya inzira ya Yahova, kinga lilaga lya Nyasaye wavo:

Jeremia 51:5

Kigira Israeli si ya lekwa, kinga Yuda, na Nyasaye wewe, Yahova wa mahe; kali kivala kyavo kizuye ubwoni ku Mutakatifu wa Israeli.

Jeremia 6:13

Kigira kutwula ku muke keke wavo kuduka ku munene wavo sa mulala a londanga likayirwa; kandi kutwula ku muprofeti kuduka ku musalisi sa mulala a kolanga ubu gadi.

Jeremia 7:28

Na u la va volera, Yiyi ni ihiri i vuli kuhulira mwoyo gwa Yahova Nyasaye wavo kandi si va bugirira kuhebwa megidzo: ageligali ga goti, na ga kalageywi kutwulidzwa ku munwa gwavo.

Jeremia 9:20

Navutswa mu hulire likuva lya Yahova, Mwinye avakali, amatu genyu ga bugirire likuva lyomunwa gwigwe, mwegidze avakana venyu lisyoma, mukali sa mulala yegidze wakye lisyoma.

Jeremia 9:3

Va hingiranga tsinimi tsyavo, kuli ubuta, va duke kuvola bubehi; va gwiye avetsingulu mu kivala, navutswa si ga li ku geligali mba: kigira va tsitsagil'langa kutwula ku budamano kuduka ku budamano, si va manya inze, Yahova a vola.

Jeremia 9:7

Kigira yaga Yahova wa mahe a vola ndi, Henza, nda va salula, nokuvageridza; kigira ni mbula kukola yaga nkola ki, kigira mukana wavandu vange?

Ezekieli 16:35

Kunangwa, O wamalaya, hulira likuva lya Yahova:

Hosea 12:2

Yahova a veye nelihing'ana na Yuda, naye a la ha Yakobo amageli kuli tsinzira tsitsye; a la mu tunga kuli likola lilye.

Hosea 12:3

Mmunda mwa mama wewe ya gumira amwavo wewe liki; nombukulundu bwibwe ya li nobunyali na Nyasaye:

Hosea 5:1

Mu hulire yaga, O mwinye avasalisi, mu huliridze, O mwinye avenyumba ya Israeli, na mu tegidze amatu, O mwinye avenyumba yomwami; kigira likalaga li veye ku mwinye; kigira mwinye mwa li mutego ha Mizipa, nomuluvu gwa vikwa ha Taboru.

Hosea 5:4

Likola lyavo si li va leka kuduka va girunkane ku Nyasaye wavo; kigira mwoyo gwa malaya gu veye muvo, na si va manyi Yahova mba.

Joeli 1:2

Mu hulire yaga, mu inye avasakulu, mu tegidze amatu, mwinye vosi ava menyanga mu kivala yiki. Inkuva yiyi ya li mu madiku genyu, kinga mu madiku ga vaguga venyu?

Amosi 3:1

Huliri likuva yili lya Yahova a vola ku mwinye, O avana va Israeli, ku aviko vosi ava ndanegeridza mu kivala kya Egepeti, ni mbola

Amosi 7:16

Kunangwa kalunu u hulire likuva lya Yahova: Ive u mboleranga, U ta profeta ku Israeli, kandi u ta haana likuva lilyo ku inyumba ya Isaka;

Mika 6:2

Mu hulire mwinye vigulu, lihing'ana lya Yahova, na mwinye mise gyelirova gyi hindiranga; kigira Yahova a veye nelihing'ana na avandu veve, nelivanza ku Israeli.

Yohana 8:55

na mwinye si mwa mu manya: navutswa inze mmanyi, na inze ni mba ni mbola, Si mu manya nda va mbehi kuli mwinye: navutswa inze mmanya kandi ngumira likuva lilye.

Varumi 1:28

Kandi kuli va sula kuva na Nyasaye mu limanya lyavo, Nyasaye ya va leka nomwoyo gwokuvihiriridza, va kole vindu vi ta dukana.

1 Vakorintho 15:34

Vuki bulahi, mu ta va mu lihambika, mu ta kola ubwoni; kigira avandi si va veye nelimanya Nyasaye: mbola yaga kumulegannya.

Likunula 2:11

Uyu u veye nogutu, a hulire aga Raho a voleranga mavugano. Uyu u guutanga si a la nyola kivi kyelikudza lya kaviri.

Likunula 2:29

Uyu u veye nogutu, a hulire aga Roho a voleranga mavugano.