Hosea 3:4 - KITABU KITAKATIFU

⁴ Kigira ayana va Israeli va la menya madiku manyingi bugira mwami, na bugira munene, na bugira kihaanwa, na bugira itiru, na bugira kisibao na bugira kifwananyi:

Hosea 3:4 ပူးပေါင်းရင်းမြစ်များ

Litanga 31:19

Inyinga zana, Labani ya li na a tsiye kukalaga ubwoya bwa magondi gege: na Raheli yiba vifwananyi vya dada wewe.

Litanga 31:34

Kunangwa Raheli ya vugula vifwananyi, nokuvivika mu kyokwikala ku ku ing'amia, ni yikala kuvyo. Na Labani ya havatidza mu lihema lyosi, navutswa si ya vi nyola mba.

Litanga 49:10

Impimbo yobwami si i la twula ku Yuda, Kandi impimbo yokwameha si i la twula hagati hevirenge vivye, Kuduka inyinga Shilo yadza; Na lihulira lyavandu li la va kuye.

2 Samweli 6:14

Na Daudi ya kina imbiri wa Yahova netsingulu tsitsye tsyosi; na Daudi ya li neyivika kisibao kyekatani.

2 Avami 23:24

Kandi yavo ava volerana ne myoyo mibi, navakumu, navanya saye, nevifwananyi, na vyokuvihiri ridza vyosi vya loleka mu kivala kya Yuda nomu Yerusalemi, Josia ya vi twulidza ligali, a duke kudinyeridza makuva gelilaga ago ng'odwa mu kitabu kya Hilikia musalisi ya nyola mu inyumba ya Yahova.

2 Kyetsinyinga 15:2

naye ya twula kutsia kwagana na Asa, na a mu volera, U mbulire, Asa, na vosi va Yuda na Benjamini: Yahova a veye halala na mwinye, lwa mwinye mu veye halala naye; ni mu va ni mu mwenya, a la loleka na mwinye; navutswa ni mu va ni mu mu leka, a la leka mwinye.

Kutwula 28:4

Na tsingubo tsya va la lomba ni yitsi; isalamba yomkiritu, na kisibao, na joho, na likoti li lombwa ku busalago, na igudwa, na musipi: navo va la lombera Haruni amwavo wowo na avana veve, tsingubo tsintakatifu, a ntumekire mu miyinzi gyomusalisi.

Kutwula 28:6

Na va la lomba kisibao, ne ithahabu, na iblue, na kiforosadi, na inzakanyu, na ikatani indahi, miyinzi gyomusidza weligali.

Lisyoma lya Jeremia 2:9

Viribwa vivye vya sikira hasi; ya dividza nokuvunannya miluguyu gyavyo; Mwami wewe na vanene veve va veye mu tsihiri tsyelilaga li ta veye mutsyo; Yee, avaprofeti veve si va lolanga malola ga twulanga ku Yahova.

Ezekieli 19:14

Na muliru gwa twula mu visala vyetsisya tsyagwo, gu sambi amakuyu gagwo, kuduka si ha veye kandi mu muzabibu yigwo kisala kyetsingulu ki dukana kuva impimbo yobwami wa meha. Yili li veye lisyoma, nalyo li la va lisyoma.

Ezekieli 20:32

na yaga gingiranga mu tsiganagani tsyenyu si ga la va ho mba, mu ga mu volanga Kwinye ku la va kuli tsihiri, kuii ubwiko bwevivala, kutumekira musala neligina.

Ezekieli 21:21

Kigira mwami wa Babuloni ya singira ha bwavukaniru bwetsinzira, ha mutwe gwetsinzira tsiviri, kutumekira ubusegetiri bwibwe: ya sung'usa mibano yiyi neyiyi, na a teva ku vifwananyi, ya henza ku likudumani.

Ezekieli 21:31

Nda tsuka ubutima bwange ku ive; nda ku huudza ku ive nomuliru gwobutima bwange; nda ku vika mu mukono gwavandu va veye kuli tsinyama, avasidza vokudividza.

Danyeli 11:31

Kandi vyuma vyobulwani vi la singira hu luvega lwilwe, nava va la vika ubudamano mu hatakatifu, kali mu lugaga, kandi va la twulidza kihaanwa kyokusambua kya kazozo, nokusingeridza livihiriridza li kolanga hatswa.

Danyeli 12:11

Kandi kutwula inyinga zana yesadaka yokusambwa kazozo i la twulidzwa, ne livihiridza lyokwononya li singeridzwa, ha la va namadiku elfu na tsimia tsiviri namakumi gatano na gane.

Danyeli 9:27

Na a la kola lilagana lidinyu na vanyingi ku inyinga yelisidza lilala: na ku inyinga yenusu yelisidza a la heridza isadaka na kihaanwa; na uyu u kolanga hatswa a ladza ku tsimbaha tsye livihiriridza; kuduka ku kiheri ligali, na yikyo kya saavirwa, ubutima bu la tsukwa ku yava va hatswa.

Hosea 13:10

Mwami wowo a veye haliha, a duke kukuhonnya mmadala gogo gosi? Na vakalagi vovo va veye haliha, ava wa vola kuvo, Nyenya u mpe mwami navanene.

Hosea 13:11

Inze mma li kukuheera mwami mu livihirirwa lyange, na nda mu twulidza mu butima bwange.

Hosea 2:11

Kandi nda kola ubusangali bwibwe bwosi bu duke kuhera, namasavo gege agokulonda mweli, na masabato gege, namavugano gege matakatifu.

Kyavalevi 8:7

Na ya vika kuye likoti, na a mu boha nomusipi, na a mu vika ijoho, na a mu vika kisibao, na a mu boha musipi gwekisibao gwemiyinzi gyomusidza.

Zekaria 10:2

Kigira vifwananyi vi volanga vutswa, na vagimba va lolanga bubehi; na va volanga vya maloto gobubehi, lileminya mwoyo lyavo li veye lya vutswa: kigira yaga va tsitsanga kuli magondi, va dambidzwa, kigira si ha veye nomwayi.

Zekaria 13:2

Na ga la duka mu lidiku yilyo, Yahova wa mahe a vola, nda twulidza ameta gevifwananyi mu kivala, nago ga la vula kwidzulitswa kandi; na nda twulidza avaprofeti na mwoyo mudamano vi twule mu kivala.

Luka 21:24

Kandi va la gwa ku bwogi bwekivavi, kandi va la hilwa avahambe mu tsihiri tsyosi: Tsihiri tsi la duvaga Yerusalemi, kuduka tsinyinga tsye Tsihiri tsi hera.

Yohana 19:15

Maku, va kola liyoga, Mhile, mhile, mbambe Pilatu ya va volera, Mbambe Mwami wenyu? Avasalisi vanene va tivula, Kwinye si ku veye nomwami navutswa Kaisari.

Vahebraina 10:26

Kigira ni ku va ni ku kola ubwoni ne litovola inyima wa ku vuguye limanya lyageligali, si ha tigala kisyuviriru kyobwoni,

Vakalagi 17:5

Nomundu uyu Mika ya li nenyumba ya vanyasaye, na ya lomba kisibao kilala, nevifwananyi, na ya vika mulala ku avana veve, a ve musalisi wewe.

Vakalagi 18:14

Hene yaho avandu vatano yavo, ava tsia kuluta kivala kya Laishi, va tivula ni va volera vamwavo vavo, Mwinye mu manya kisibao ki veye mu tsinyumba yitsi, nevifwananyi, nakifwananyi kyokuvadzwa, nekifwa nanyi kyokutulwa? Kalunu mu ganagane aga mu dukira kukola.

Vakalagi 8:27

Na Gideoni ya lomba kisibao, na ya ki vika mu lidala lilye, lidala lya Ofira: ma Israeli vosi va kola ubuheyi mulilonda lyakyo; nakyo kya duka kuva mutego ku Gideoni noku inyumba yeye.

1 Samweli 14:3

na Ahija, mwana wa Ahitubu, amwavo Ikabodu, mwana wa Finehasi, mwana wa Eli, wa li musalisi wa Yahova mu Shilo, naye ya li nekisibao. Navandu si va manya Jonathan u tsii.

1 Samweli 15:23

Kigira ubutingu bu veye kuli ubwoni bwobulogi, nobudinyu bwomwoyo bu veye kuli kusigamira misambwa nevifwananyi. Kigira ive wa sula likuva lya Yahova, naye u suye ive u vule kuva mwami.

1 Samweli 2:18

Navutswa Samweli ya tumekira imbiri wa Yahova, naye ya li mwana, wokwivika kisibao kyengubo yekatani.

1 Samweli 21:9

Nomusalisi ya mu volera, Kivavi kya Goliati Mufilisiti, wa wiitira mwivona lya Ela, henza ki veye hano ki boheywi mu ingubo inyima wekisibao: nu u va nu u yanza kukivugula, u ki vugule; kigira si ha veye nekindi ni ki ta li yiki kyeng'ine. Na Daudi ya vola, Si a veye nekindi kuli yiki, u mbe.

1 Samweli 22:18

Ma mwami ya volera Doegu, U girunkane, u gwire avasalisi yava. Ma Doegu Muedom ya girunkana, na a gwira avasalisi, na ya viita ku lidiku yilyo avandu makumi gatano nagavaka na vatano avevika kisibao kyengubo yekatani.

1 Samweli 23:6

Na ga duka, lwa Abiatharu mwana wa Ahimeleku, yirukira ku Daudi ha Keila, ya sulunguta ya li nekisibao mmukono gwigwe.

1 Samweli 23:9

Na Daudi ya manya Saulo u saaviye ubudamano kuye; na ya volera Abiatharu musalisi, Leta kisibao.

1 Samweli 30:7

Na Daudi ya volera Abiatharu musalisi, mwana wa Ahimeleku, Mwadza, u ndetere hano kisibao. Na Abiatharu ya letera Daudi kisibao.