Hosea 2:8 - KITABU KITAKATIFU

⁸ Kigira uyu si a manya inze nda mu ha ubuswage, newaini, namagu ta, nokumeda kuye ifetha nethahabu, vya va tumekira Baal.

Hosea 2:8 ပူးပေါင်းရင်းမြစ်များ

1 Kyetsinyinga 29:16

O Yahova Nyasaye wetu, akiba yiyi yosi ya, kwa lomba ku duke kwombakira lieta lilyo litakitifu inyumba, yosi ya twula mmukono gugwo, nayo kandi ni yoyo yosi.

Ayubu 19:8

Wigaliye inzira yange mbule kuvita Nokuvika kisundi mu tsinzira tsyange.

Isaya 1:3

Ing'ombe i manyanga umwene yo, na isukiri i manyanga ligungi lyomwene yo; navutswa Israeli si a manyi mba, avandu vange si va ganagana mba.

Isaya 46:6

Ava twulidzanga ithahabu mmuya bugira kugera, nokugera ifetha ku tsiratili, va langanga mutuuli wethahabu, naye a tuula vindu zana nokuvikola munyasaye; va gwa hasi, yee va mu sigamira.

Jeremia 7:18

Avana ka tenyanga tsinku, na vadada vavo va fwananga muliru, navakali va luganga ubukima, va duke kulombera mwami wekikali womigulu mikati, nokutsuka vihaanwa vyokunwa ku vanyasaye vandi, va duke kumbihiriridza.

Ezekieli 23:41

nowikala ku kitali kyobukumi na ha zana imesa ya li ho ya tegekwa imbiri wewe, na wa vika kimuli kyange namaguta gange kuyo.

Danyeli 3:1

Nebukadinezaru mwami ya lomba kifwananyi kyethahabu, ubutambi bwakyo bwa li mikono amakumi gatano na mulala, nobugalamu bwakyo bwa li gyitano na mulala: na ya ki singeridza mu kereremo kya Dura, mu iprovinse ya Babuloni.

Danyeli 5:23

navutswa wegingiye ku Mwami womigulu; na va leti viju vyenyumba yeye imbiri wowo, na ive, navanene vovo, na avakali vovo na vasuria vovo, mu nwereye muvyo iwaini; na ive widzominyi avanyasaye vefetha navethahabu, na vomugasa, na vekivya, na vomusala, na veligina, ava vula kulola, nava ta hulira, nava ta manya; na u vuli kwidzominya Nyasaye womwika gugwo gu veye mu mukono gwigwe, na wetsinzira tsitsyo tsi veye tsitsye.

Hosea 10:1

Israeli a veye muzabibu munetu, gwamanga makuyu: kuli ubunyingi bwamakuyu gagwo ni ndiyo kandi a medanga ubwali bwibwe; kuli ubulahi bwekivala kyavo bu veye va lombi ndiyo tsitiru tsindahi.

Hosea 13:1

Lwa Efiraim ya vola, lidegera lya li ho; yeyidzominya mwene mu Israeli; navutswa lwa ya kola mahyolo mu Baal, ya kudza.

Hosea 13:2

Na kalunu va kolanga ubwoni kuvita, na velombeye vifwananyi vyokulongwa vyefetha yavo kali vifwananyi zana vi veye kuli iimanya lyavo avene, vyosi vi veye likola lyavasidza: va volanga ku makuva gavyo, Avasatsa va haananga vihaanwa va buse vi moli.

Hosea 2:5

kigira mama wavo ya kola ubuheyi; uyu wa va vereka ya kola agetsisoni; kigira ya vola, Inze nda londa avayanze vange, ava mbedzanga vyokulia vyange namadzi gange, nobwoya bwamagondi bwange, nekatani yange, namaguta gange, nekyokunwa kyange.

Hosea 4:11

Likola malaya newaini namalwa vi twulidzanga limanya lyavandu.

Hosea 8:4

Va mali kusingeridza avami, navutswa si ga veye ku likuva lyange; velombeye avanene, na inze ni nta manyi: velombeye vifwananyi vyefetha yavo nethahabu yavo, va duke kukalagirwa.

Habakuk 1:16

Kigira yaga a lombera muluvu gwigwe kihaanwa, nokuvuyidzira kyokukwesa kikye kimuli; kigira a nyolanga kidieli kyobunolu ku vindu yivi, nevyokulia vivye vi nenehi.

Luka 15:13

Inyima yamadiku ga ta li manyingi, mke ya vungidza vyosi na a tsia lugendo mu kivala kyehale, na a salannyira yo ubutugi bwibwe mu liva lidamano.

Varumi 1:28

Kandi kuli va sula kuva na Nyasaye mu limanya lyavo, Nyasaye ya va leka nomwoyo gwokuvihiriridza, va kole vindu vi ta dukana.

Kwidzulitsa 8:18

Navutswa widzulitse Yahova Nyasaye wowo, kigira niye u ku hedzanga ubunyali bwokunyola ubutugi; a duke kudinyeridza lilagana lilye lya yesuhira avaguga vovo, kuli ga veye lero.

Vakalagi 9:27

Na va samula kutsia mmilimi, na va gera milimi gyavo gya mizabibu, na va mina muzabibu, ni va lomba lidiku linene, kandi vingira munyumba ya munyasaye wavo, ni va lia ni va nwa, nokulaama Abimeleku.