Hosea 2:5 - KITABU KITAKATIFU

⁵ kigira mama wavo ya kola ubuheyi; uyu wa va vereka ya kola agetsisoni; kigira ya vola, Inze nda londa avayanze vange, ava mbedzanga vyokulia vyange namadzi gange, nobwoya bwamagondi bwange, nekatani yange, namaguta gange, nekyokunwa kyange.

Hosea 2:5 ပူးပေါင်းရင်းမြစ်များ

Isaya 1:21

Ga li ndi lidala lisuuvirifu li gwiye liheyi lya li nelizuye likalaga lyobulungi ubulungi bwa li ni bu gonanga mulyo, navutswa kalunu avalumindi.

Isaya 50:1

Yahova a vola ndi, I veye haliha ibaruwa yelikungwa lya mama wowo, ya nda mu kungira? Naho mu yavo avamagovi gange nu u li ha wa nda gulidza ive? Henza, mwa gulwa kigira budamano bwenyu, kandi mama wenyu ya kungwa kigira mahyolo genyu mwinye.

Jeremia 11:13

Kigira kuli livalidza lyamadala gogo li veye, ni ndiyo livalidza lyavanyasaye vovo li veye, O Yuda; na kuli livalidza lyetsinzira tsya Yerusalemi ni ndiyo mu singeridzi ubwali ku kindu kyetsisoni, ubwali bwokuvuyidzira Baal kimuli.

Jeremia 13:22

Nu u va nu u teva mu mwoyo gugwo, Makuva yaga ga duka ku inze kigira ki? Kigira ubunene bwobudamano bubwo kitweya kikyo ki kunuliywe, na maki gogo ga saliranga.

Jeremia 2:20

Kigira inze mu madiku ga kale nda vunannya inira yoyo, nokukalanya vibohero vivyo; na ive wa vola, Si nda tumika mba; kigira winama, nokulonda ubuheyi ku kigulu sa kilala kitambi, na isi womusala sa mulala gwa matu mavisi.

Jeremia 6:8

Wegidzwe, O Yerusalemi, gase mwoyo gwange gu lavukana nive ligali; gase nda kola ive kuva hatswa, kivala kyavandu va ta menya mu.

Ezekieli 16:35

Kunangwa, O wamalaya, hulira likuva lya Yahova:

Ezekieli 16:39

Kandi nda ku vika mmakono gavo, na va la sambula hango hoho hanene, na hadiguluku hoho va la sambula; na va la ku navula tsingubo tsitsyo, neviju vilahi vivyo vyesiaho va la vi vigula; na va la ku leka kyahonyo bugira ingubo.

Ezekieli 16:4

Noku makuva gelivulwa lilyo, ku lidiku lya wivulwa lulera lulwo si lwa kalwa mba, kandi si wa singwa namadzi u duke ku niha; si wa vakwa munyu kali hakuzu, kandi si wa vikwa mu tsingubo mba.

Hosea 1:2

Lwa Yahova ya tanga kuvola nomunwa gwa Hosea, Yahova ya volera Hosea, Tsia, u kwe mukali muheyi navana vobuheyi; kigira kivala ki kolanga ubuheyi ubunene, ku lileka Yahova.

Hosea 2:2

Mu hing'ane na mama wenyu mu hing'ane; kigira si a veye mukali wange, kandi si mbeye musatsa wewe; a vike ihale ubuheyi bwibwe bu twule imbiri wewe, namakuva gobuheyi a ga twulidze hagati he tsimbere tsitsye;

Hosea 2:8

Kigira uyu si a manya inze nda mu ha ubuswage, newaini, namagu ta, nokumeda kuye ifetha nethahabu, vya va tumekira Baal.

Hosea 3:1

Na Yahova ya mbolera, Tsia kandi, u yanze mukali wa valina veve va yanzanga, naye a veye muheyi, kuli Yahova a yanzanga avana va Israeli, kali ni va girunkana nokulonda avanyasaye vandi, nokuyanza ubukima bwemizabibu myumu.

Hosea 4:5

Na ive u likigitala mu inyi nga yombasu, na muprofeti kandi a likigitala halala nive mu inyinga yobudiku; na nda dividza mama wowo.

Hosea 8:9

Kigira vanegira kutsia Asuria, kuli isukiri yombulimu inderwa: Efiraim a tunganga avayanze.

Hosea 9:10

Nda nyola Israeli kuli mazabibu mwigendanyama; nda lola vaguga venyu kuli likuyu lyokutanga lyengi ku musala ku inyinga yalyo: navutswa va duka Baal-peoru, na vehaana avene ku kindu kyokuvihiriridza, navo va gwa avokuvihiriridza, kuli kindu kya va yanza.

Amosi 8:13

Mu lidiku yilyo avakana vagima avalahi na vavai va la kudza mwoyo kigira ubuluhu.

Vakalagi 16:23

Ma vanene va Vafilisiti vevungidza va duke kuhaana ku Dagon munyasaye wavo kihaanwa kinene, nokusangala; kigira va vola, Munyasaye wetu u viki Samsoni musigu wetu mmakono getu.