Hosea 2:3 - KITABU KITAKATIFU

³ gase nda mu navula a ve kyahonyo, na nda mu vika kuli mmadiku ga yivulwa, na nda mu kola kuli kyangalangwi, nokumuvika kuli kivala kyumu, nokumwiita nobuluhu.

Hosea 2:3 ပူးပေါင်းရင်းမြစ်များ

Kutwula 17:3

Na avandu va nyola yo ubuluhu; na avandu va monya Musa, ni va vola, Kigira ki wa kwanegiridza kutwula Egepeti kukwiita na avana vetu, nemitugu gyetu nobuluhu?

Isaya 33:9

Kivala ki syoma nokudengeya; Lebanon ki nyoye tsisoni nokuniala; Sharon ki gwiye kuli migendanyama; na Bashan na Karimeli vi haluluki.

Isaya 47:3

Kyahonyo kyikyo ki la lang'aminywa, yee, tsisoni tsitsyo tsi la loleka: ndevanzira kisalya, si nda bugirira mundu kali mulala.

Isaya 64:10

Madala matakatifu gogo ga gwiye kyangalangwi, Zioni li gwive kyangalangwi, Yerusalemi li gwiye hatswa.

Jeremia 12:10

Avayi vanyingi vononnyi milimi gwange gwemizabibu, va duvagi kidieli kyange isi wevirenge vyavo, va koli kidieli kyange kilahi kuva kyangalangwi ki ta li navandu.

Jeremia 13:22

Nu u va nu u teva mu mwoyo gugwo, Makuva yaga ga duka ku inze kigira ki? Kigira ubunene bwobudamano bubwo kitweya kikyo ki kunuliywe, na maki gogo ga saliranga.

Jeremia 13:26

Kigira yaga inze nda vimbula kitweya kikyo mmumoni mumwo, netsisoni tsitsyo tsi la lang'ama.

Jeremia 14:3

Avanene veve va tumi avake vavo va dahe madzi: va duka mu madavalia, na si va nyola madzi mba; virana neviju vyavo vikaya: va veye isoni, nokugenya nokukunika mitwe gyavo.

Jeremia 17:6

Kigira a la va kuli musala gwekyangalangwi a la vula kulola lwa bulahi bu duka, navutswa a la menya ahumu mu kyangalangwi, kivala kyomunyu kyavandu va ta menya mu.

Jeremia 2:31

O likula, mu lole likuva lya Yahova. Inze nda li ligendannyamak u Israeli? Kinga nda li kivala kyekisundi kinene? Kunangwa kigira ki avandu vange va volanga, Kwinye kwiruki; si ku lirana ku ive kandi mba?

Jeremia 2:6

Kandi si va vola, A veye haliha Yahova wa ku leta kwanegira kutwula mu kivala kya Egepeti; wa kwimirira mu kyangalangwi, hagati heligendanyama nobogo, hagati hekivala kyekimeyu na kyekiriri kyelikudza, hagati hekivala ki ta li nomundu u vitanga mukyo, kivala kyavandu va ta menya mu?

Jeremia 22:6

Kigira Yahova a vola amakuva yaga ku makuva genyumba yomwami wa Yuda: Ive ku inze u veye Gileadi, kandi u veye mutwe gwa Lebanon; ligali nda kola ive kuva kyangalangwi, amadala gavandu va ta menya mu.

Jeremia 4:26

Nda lola, henza, mulimi gwelyama ligali gwa li kyangalangwi, na madala gagwo gosi ga sambulanywa imbiri wommoni mwa Yahova, imbiri wobutima bwibwe bululu.

Jeremia 51:43

Amadala gege ga gwiye vyanyi, kivala kyumu, ligendanyama, kivala ki ta veye nomundu u menya mukyo, kandi si ha veye nomwana womundu u vitanga ahimbi nalyo.

Jeremia 51:5

Kigira Israeli si ya lekwa, kinga Yuda, na Nyasaye wewe, Yahova wa mahe; kali kivala kyavo kizuye ubwoni ku Mutakatifu wa Israeli.

Ezekieli 16:22

Nomu kivihiri kikyo kyosi nevindu vivyo vya malaya, wa vula kwidzulitsa amadiku gobusoleli bubwo, inyinga wa li kyahonyo, si wa li nengubo yokwefuma, na wa galagala mu masahi gogo.

Ezekieli 19:13

Na kalunu gu simikeywi mu kyangalangwi, mu kivala kyumu, nekyobuluhu.

Hosea 13:15

Kali na a veye wivulanga ligali mu vamwavo veve, imbuudza yevugwe i ladza, mwika gwa Yahova gu twulanga migendanyama; kisenukiru kikye kyamadzi ki la kama, nekidaho kikye ki la kama: kandi a la lanya akiba yosi yeviju vi yanzidzanga vyosi.

Hosea 2:10

Na kalunu nda lang'aminya vyetsisoni tsitsye imbiri we tsimoni tsyavayanze veve, na si ha la va na u nyala kumuhonnya ku mukono gwange.

Likunula 17:16

Kandi tsinziga likumi tsya wa lola, kandi uyu inyama, yava va la dunyira wamalaya, kandi va la mu dalidza, nokumukola mwere, kandi va la lia inyama yomubiri gwigwe, kandi va la mu samba ligali nomuliru.

Vakalagi 15:18

Naye ya li nobuluhu ligali, na yanira ku Yahova, na a vola, Ive u ku heye ubuhonywi yibu bunene ku mukono gwomutumekiri wowo; na kalunu nda kudza nobuluhu, nokugwa mmukono gwa yavo ava ta kevwa.