Hosea 2:23 - KITABU KITAKATIFU

²³ Na nda mu simika mu lirova kigira inze; na nda vererera mukali uyu wa vula kuverererwa; na nda volera yava ava ta li avandu vange, Mwinye mu veye avandu vange; navo va la vola, Ive u veve Nyasaye wange.

Hosea 2:23 ပူးပေါင်းရင်းမြစ်များ

Zaburi 118:28

Ive u veye Nyasaye wange, na nda ku santidza: Ive u veye Nyasaye wange, na nda ku kuminya.

Zaburi 22:27

Viheri vyosi vyelirova vi lidzulitsa nokwirana ku Yahova; Kandi avetsinyumba tsyetsihiri tsyosi va la sigama imbiri wowo.

Zaburi 68:31

Avanene va la twula Egepeti; Ethiopia nonoho va la nyira ma kono gavo ku Nyasaye.

Zaburi 72:16

Ha la va nobuswage bunyingi mu lirova ku isonga ye vigulu; Makuyu galyo ga la dengeya kuli Lebanon: Na yavo avelidala va la gasidzwa kuli bunyasi bwelirova.

Lwimbu lwa Solomoni 2:16

Munyanze wange a veye wange, na inze ni wewe: Yayanga kyayo kikye kyamagondi mu bulavidzu.

Isaya 44:5

Mulala a la vola, Inze mbeye wa Yahova; nowu ndi a lelanga ku lieta lya Yakobo; nowundi a la ng'oda nomukono gwi gwe ku Yahova, na a legulika ku lieta lya Israeli.

Jeremia 16:19

O Yahova, tsingulu tsyange, impinga yange, na kyokwivisa mu kyange ku lidiku lyekivi, tsihiri tsi ladza ku ive kutwula ku tsintulu tsyelirova, na va la vola, Avaguga vetu si va nyola kindu mu miyandu navutswa ububehi bweng'ine, aga vutswa na vindu vi ta konya kindu.

Jeremia 30:22

Na mu la va avandu vange, na inze nda va Nyasaye wenyu.

Jeremia 31:27

Henza, madiku gadzanga, Yahova a vola, mu madiku yago, nda midza inyumba ya Israeli nenyumba ya Yuda ubugutsa bwomundu, nobugutsa bwemitugu.

Jeremia 32:38

Navo va la va avandu vange, na inze nda va Nyasaye wavo:

Jeremia 33:26

hene yaho nda ta kisukululwi kya Yakobo, nekya Daudi mutumekiri wange, nduhe mbule kuvugula ku kisukululwi kikye ava lyameha ku kisukululwi kikye kya Abrahamu, na Isaka, na Yakobo; kigira ndirannya lyadikidzwa lyavo, na nda va vererera.

Ezekieli 36:29

Na nda mu honnya ku bubi bwenyu bwosi: na nda langa ubuswage na nda bu meda, na si nda vika inzaia ku mwinye kandi mba.

Hosea 1:6

Na umukali uyu ya vereka kandi, ni yivula mwana mukana. Na Yahova ya mu volera, U mu gulike lieta lilye Loruhama; kigira si nda vererera inyumba ya Israeli kandi mba, mbule kuvasameha ligali.

Hosea 8:2

Va la nzanira nokuvola, O Nyasaye wange, kwinye Israeli ku ku manya.

Zekaria 10:9

Nda va midza hagati ha avandu; na va lidzulitsa inze mu vivala vyehale; na va la menya halala na avana vavo, na va la galuka.

Zekaria 13:9

Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.

Zekaria 14:16

Kandi ga la duka, sa mulala u tigala wetsihiri tsyosi tsya duka kulwana ne Yerusalemi a lanegira muhiga nomuhiga kusigamira Mwami, Y ahova wa mahe, nokulomba lilia lyamadiri.

Zekaria 14:9

Na Yahova a la va Mwami welirova lyosi: mu lidiku yilyo Yahova a la va mulala, na lieta lilye lilala.

Zekaria 2:11

Na ku lidiku yilyo tsihiri tsinyingi tsi lehambannya na Yahova, navo va la va avandu vange; na nda va hagati hoho, na u la manya Yahova wa mahe niye wa ntuma ku ive.

Malaki 1:11

Kigira kutwula ku litonga lyeliuva kuduka ku liyera lyalyo, lieta lyange li veye linene mu tsihiri: kandi hosi kimuli ki la sambangwa ku lieta lyange, na kihaanwa kilahi: kigira lieta lyange li veye linene mu vandu vetsihiri: Yahova wa mahe a vola.

Varumi 3:29

Nyasaye a ve wa Vayuda veng'ine naho? Si a li Nyasaye we Tsihiri kandi? Yee, nowe Tsihiri kandi:

Yakobo 1:1

Yakobo, mutugwa wa Nyasaye nowo Mwami Yesu Kristo, ibaruura yange yiyi, i dukire tsihiri likumi na tsiviri tsye Lisalana, mirembe.