Hosea 2:18 - KITABU KITAKATIFU

¹⁸ Na ku lidiku yilyo nda va kolera lilagana netsinyama tsyomwigendanyama, na manyonyi go mbwerefu, nevindu vi molanga hasi: na nda vunannya ubuta nekivavi nobulwani vi twule mu kivala yikyo, nda va kola va gone hasi nemirembe.

Hosea 2:18 ပူးပေါင်းရင်းမြစ်များ

Ayubu 5:22

Ive u la seka ku lidividza nenzala; Kandi si u la tia tsinyama tsindulu tsyelirova.

Ayubu 5:23

Kigira u la va nelihambana namagina gekivala; Netsinyama tsyombulimu tsi la va nemirembe ku ive.

Zaburi 148:10

Tsinyama ne imitugu gyosi; Vimolanga na manyonyi ga bulukanga;

Zaburi 23:2

A nzimirira ha ntsia kugona mirago A mbila kuduka himbi hamadzi ga lengeye.

Zaburi 46:9

A heridza ubulwani kuduka ku kiheri kyelirova; A vunanya ubuta, na a donyannya litimu; A samba magari gobulwani mu muliru.

Isaya 2:11

Tsimoni tsyavandu tsya diguluka tsi likidzwa hasi, noluyai iwavandu lu linaminywa, na Yahova yeng'ine a li diguluka mu lidiku yilyo.

Isaya 2:17

Noluyai lwomundu lu linaminywa, nekirage kyavandu ki likidzwa hasi; na Yahova yeng'ine mu lidiku yilyo a la kumi nywa.

Isaya 2:4

Naye a la kalaga hagati hetsihiri, nokuha tsihiri tsinyingi tsyavandu amageli; navo va la tuula vivavi vyavo kuvikola tsimbago, na matimu gavo va la ga lomba tsinkonono; ihiri yiyi i la vula kuginga kivavi ku ihiri yindi, kandi va la vula kwega ubulwani.

Isaya 26:1

Mu lidiku yilyo lwimbu yilu lulimbwa mu kivala kya Yuda: Ku veye nelidala lyetsingulu, a la laga ubuhonnyi kuva madigi nempinga.

Isaya 32:18

Navandu vange va la menya mu bumenyo bwemirembe, na homugidzi gwaliga, nomu lyelemeridza ha ta li nekivihiri

Isaya 54:5

Kigira Mulombi wowo a veye musatsa wowo; Yahova wa mahe ni lieta lilye: Mutakatifu wa Israeli a veye Mutu ngiri wowo; a la langwa Nyasaye welirova lyosi.

Isaya 65:25

Kisalang'ongo neligondi vi laya haiala, king'ang'a ki la lia bunyasi kuli ing'ombe yayanga; na lugukyi ga la va kyokulia kyenzoka. Si vi la saliridzana kandi si vi lononnyana mu kigulu kyange kitakatifu kyosi, Yahova a vola.

Jeremia 23:6

Mmadiku gege Yuda a la hona, na Israeli a menya mu mirembe; na lieta lilye lya a li gulikwa ni yili: YAHOVA BULUNGI BWETU.

Jeremia 30:10

Kunangwa kigira yaga u ta tia mba, ive mutumekiri wange Yakobo, Yahova a vola; kinga ive Israeli, u ta timuka enkoio: kigira, henza, nda ku honnya kutwula ihale, na kisukululwi kikyo ki twule mu kivala kyelyadikidzwa lyavo; Yakobo a lirana, na a la sosa, nokwelemeridza, kandi si ha la va nowokumutihidza.

Jeremia 33:16

Mmadiku yago Yuda a la honnywa, na Yerusalemi li la menye mmirembe: na lieta lilue lya a li langwa ni yili: YAHOVA ubulungi bwetu.

Ezekieli 34:25

Na nda kola lilagana lyemirembe halala navo, na nda heridza tsinyama tsindamano tsi vule kuva kandi mu kivala yikyo; va la menya nemirembe mwigendanyama, nokugona mmulitu.

Ezekieli 39:1

Na ive, mwana womundu, profeta ku Goga, u vole, Mwami Nyasaye a vola ndi: Henza, mbeye musigu ku ive, O Goga, munene wa Roshu, na Mesheki, na Tubali:

Zekaria 14:4

Kandi mu lidiku yilyo virenge vivye vi la singira ku kigulu kya Muzeituni, ki henza Yerusalemi ku luvega lwevugwe; kigulu kya Mu zeituni zana ki ladika hagati hakyo, kuhenza ivugwe ne madioli, livona li la va ho linene ligali; na luvega lulala lwekigulu lu la twula kutsia kasikasini, na luvega lundi kutsia kusini.

Zekaria 14:9

Na Yahova a la va Mwami welirova lyosi: mu lidiku yilyo Yahova a la va mulala, na lieta lilye lilala.

Zekaria 2:11

Na ku lidiku yilyo tsihiri tsinyingi tsi lehambannya na Yahova, navo va la va avandu vange; na nda va hagati hoho, na u la manya Yahova wa mahe niye wa ntuma ku ive.

Zekaria 3:10

Mu lidiku yilyo mu la langa sa mulala mutende wewe isi womuzabibu, na isi womukuyu, Yahova wa mahe a vola.

Zekaria 9:10

Na nda twulidza ligari lyobuiwani ku Efiraim, na iparasi ku Yerusalemi; na buta bwobulwani bu la twulidzwa: na a lilwadza mirembe ku vetsihiri: na lyameha lilye li la va kutwula ku inyanza yiyi ku duka ku inyanza yiyi, na kutwula ku Mugera ku duka ku kiheri kyelirova.