Hosea 2:16 - KITABU KITAKATIFU

¹⁶ Na ga la va ku lidiku yili Yahova a vola, Ive u la nanga Ishi, na si u la nanga kandi Baal mba.

Hosea 2:16 ပူးပေါင်းရင်းမြစ်များ

Litanga 34:3

Na mwoyo gwigwe gwa hambana na Dina mukana wa Yakobo, naye ya yanza mukana uyu, na a volera mukana makuva malahi.

Isaya 40:2

Mu volere Yerusalemi agokuleminya; mu hanzuke kulyo, mu vole, ubulwani bwalyo bu heri, mahyolo gege ga sameheywi, u vuguye mu mukono gwa Yahova hali kaviri kigira ubwoni bwibwe bwosi.

Isaya 54:5

Kigira Mulombi wowo a veye musatsa wowo; Yahova wa mahe ni lieta lilye: Mutakatifu wa Israeli a veye Mutu ngiri wowo; a la langwa Nyasaye welirova lyosi.

Jeremia 3:14

Mwirane mwinye avana, avirani inyima, Yahova a vola; kigira mbeye musatsa wenyu: na nda vugula mulala welidala, na vaviri ku bwiko bulala, na nda leta mwinye Zioni.

Ezekieli 20:35

na nda mu leta nokumuvika mu kyangalangwi kyavandu, na nda mu kalagira ha zana munwa nomunwa.

Hosea 2:7

Naye a la londerera avayanze veve, navutswa a la vula kuvanyola; na a la venya, navutswa a la vula kuvalola: hene yhho a la vola, Nda tsia nokugaluka ku mu satsa wange wokutanga; kigira inyinga yeyo bwa li bulahi ku inze kuvita kalunu.

Yohana 3:29

U veye nomukana mwiha niye woserereywi: navutswa mulina woserereywi, u singira na a hulira mwoyo gwowoserereywi, a yanza muno kigira mwoyo gwowoserereywi: kunangwa ubuyanzi yibwo bwa mbeye nabwo bu duki.

2 Vakorintho 11:2

Kigira mbeye nelikendeka ku mwinye, nelikendeka lya Nyasaye: kigira mmu sereye ku musatsa mulala, nduke kuserera mwinye kuli mukana mugyima mulahi ku Kristo.

Likunula 19:7

Ku yanze nokusangala ligali, kandi ku mu kuminye: kigira kiserero kyo Mwana Weligondi ki duki, kandi mukali wewe wetegeki.

Vakalagi 19:3

Ma musatsa wewe ya singira, na a mu londerera, kumuvolera nobulina, a duke kumuleta kandi, na ya li nomutumekiri wewe halala, netsisukiri tsiviri: nomukali zana ya mwingeridza mu inyumba ya dada wewe; na dada womkana lwa ya mu lola, ya sangala kulolana naye.

Ruth 2:13

Ma ya vola, U ndeke nyole tsimbabasi imbiri wowo, mwami wange; kigira u leminyanga mwoyo gwange, kandi kigira u volera inze mukana mutugwa wowo makuva malahi, kali ni nta veye kuli mulala ku avakana vatugwa vovo.