Hosea 2:13 - KITABU KITAKATIFU

¹³ Na nda leta kuye amadiku ga Vabaal, va ya sambira kimuli kuvo, lwa yesyaha tsimingiri tsyommatu neviju vivye vyevyuma, nokulonderera avayanze veve, nokwivirira inze, Yahova a vola.

Hosea 2:13 ပူးပေါင်းရင်းမြစ်များ

2 Avami 1:2

Na Ahazia yagulukira mu lidirisha lyenyumba yeye yegulu mu lidala lya Samaria, na a lwala: na ya tuma ava tumwa, na a va volera, Mu tsie kuteva ku Baalzebubu, munyasaye wa Ekiron, ni mba ni mbona ubulwaye yibu, kinga ni nta hona.

2 Avami 10:28

Na ndiyo Jehu ya twulidza ligali Baal mu Israeli.

2 Avami 21:3

Kigira yombaka kandi hadiguluku ha dada wewe Hezekia ya sambula; naye yombakira Baal ubwali, na a lomba misala gyemisambwa, kuli Ahabu mwami wa Israeli ya kola, na a sigamira lihe lyosi lyomigulu, nokulitumekira.

Ayubu 8:13

Ni ndiyo tsinzira tsya yavo vosi aviviriranga Nyasaye; Nelisuuviridzwa lyomundu wa vula kutia Nyasaye li la diva:

Zaburi 106:13

Kandi bwangu vivirira miyinzi gyigye; Si va lindirira livola lilye,

Zaburi 106:21

Vivirira Nyasaye Muhonyi wavo Uyu wa va kolera vindu vinene mu Egepeti,

Zaburi 78:11

Na vivirira vikolwa vivye, Na vyokugenya vya ya va mannya.

Kutwula 32:34

Kunangwa kalunu u tsie, kwimirira avandu va duke ha nda ku voleye: henza, ingelosi wange a limira imbiri wowo; navutswa mu lidiku lya ndi va kalagira, nda va kalagira kigira ubwoni bwavo.

Isaya 17:10

Kigira wivireye Nyasaye wobuhonyi bubwo, na si widzulitsa lwanda lwetsingulu tsitsyo; kigira yaga wa simiki misala gyo kuyanzidza, nokusimika visebu vi geni.

Isaya 65:7

ubudamano bwenyu avene, nobudamano bwa va dada venyu halala, Yahova a vola, mwinye ava vuyidzi kimuli ku vigulu, nokunyegera mu tugulu: kunangwa kigira yaga nda tanga kuvagerera miyinzi gyavo mu viritu vyavo.

Jeremia 11:13

Kigira kuli livalidza lyamadala gogo li veye, ni ndiyo livalidza lyavanyasaye vovo li veye, O Yuda; na kuli livalidza lyetsinzira tsya Yerusalemi ni ndiyo mu singeridzi ubwali ku kindu kyetsisoni, ubwali bwokuvuyidzira Baal kimuli.

Jeremia 18:15

Kigira avandu vange va nziviriye, va vuyidzi vimuli ku vya vutswa; na vikigitalidzangwa mu tsinzira tsyavo, nokugenda mu tsinzira tsya haluvega, ku inzira ya vula kulombwa;

Jeremia 2:32

Mukana a nyala kwivirira vyokwisyaha vivye, naho mwiha a nyala kwivirira ingubo yeye yolwiha? Navutswa avandu vange viviriye inze ku amadiku ga ta li nelivalidzwa.

Jeremia 23:2

Kunangwa Yahova Nyasaye wa Israeli, a vola ndi, ku avayi avayanga avandu vange: Mu salannyi kyayo kwange, nokugakunga, na si mu tsiye kugo; henza, nda leta ku mwinye ubudamano bwevikolwa vyenyu, Yahova a vola.

Jeremia 7:34

Inyinga yeyo nda heridza mu madala ga Yuda, nomu tsinzira tsye Yerusalemi, mwoyo gwobusangali, mwoyo gwesango, nomwoyo gwosereye, nomwoyo gwo mwiha; kigira kivala ki la va vutswa.

Jeremia 7:9

Mu liba, nokwiita, nokuheya, nokwisuha ku bubehi, nokuvuyidze vimuli ku Baal, nokulonda vanyasaye vandi ava mu ta manya,

Lisyoma lya Jeremia 1:4

Tsinzira tsya Zioni tsi syomanga, kigira si ha veye nomundu udza mu lisavo lyelidiku linene; Viribwa vivye vyosi vi gwiye hatswa, avasalisi veve va kenyanga Avakana vagima veve va verereridzeywi, na mwene a veye mu litsunwa.

Lisyoma lya Jeremia 5:14

Avakulundu va leka kutsia ha kiribwa, Avasoleli va honga kutsia kukina.

Ezekieli 16:12

Na nda ku vika inono ku molo gogo, na tsimingiri mu matu gogo, netaji indahi ku mutwe gugwo.

Ezekieli 16:17

Kandi wa vugula vindu vivyo vyobulahi vya li vyethahabu yange nevyefetha yange, vindu vya nda ku ha, na welombera mu vindu yivyo vifwananyi vyavandu vasatsa, na wa tumekira amalaya halala navo;

Ezekieli 22:12

Mu ive va vugulanga vikukula kutahidza masahi; ive u vuguye vyambeti nevyamedeka, na u nyoye vyambeti ku ligada avakyo kuvadambidza, na u mali kwivirira inze, Mwami Nyasaye a vola.

Ezekieli 23:35

Kigira yaga Mwami Nyasaye a vola ndi: Kigira ive wiviriye inze, no kumbika inyima wowo, kigira yaga ive u ginge tsiganagani tsitsyo tsinda mano na malaya gogo.

Hosea 11:2

Kuli vaprofeti va va langa, ni ndiyo va kira kutwula kuvo: ni va lomba vi haanwa vya Vabaal, ni va vuyidza vimuli ku vifwananyi vya vadzwa.

Hosea 13:1

Lwa Efiraim ya vola, lidegera lya li ho; yeyidzominya mwene mu Israeli; navutswa lwa ya kola mahyolo mu Baal, ya kudza.

Hosea 13:6

Kuli hokwaya havo ha veye, ni ndiyo viguti; viguti, nemyoyo gyavo gya nenehidzwa: kigira yaga vivirira inze.

Hosea 2:5

kigira mama wavo ya kola ubuheyi; uyu wa va vereka ya kola agetsisoni; kigira ya vola, Inze nda londa avayanze vange, ava mbedzanga vyokulia vyange namadzi gange, nobwoya bwamagondi bwange, nekatani yange, namaguta gange, nekyokunwa kyange.

Hosea 2:7

Naye a la londerera avayanze veve, navutswa a la vula kuvanyola; na a la venya, navutswa a la vula kuvalola: hene yhho a la vola, Nda tsia nokugaluka ku mu satsa wange wokutanga; kigira inyinga yeyo bwa li bulahi ku inze kuvita kalunu.

Hosea 4:13

Viitanga tsisadaka tsyavo igulu wevigulu, nokusamba vimuli mu tugulu, isi wemisala tsing'ano tsinyingi, kigira viriri vyagyo vi veye vilahi: kigira yaga avakana venyu vekola malaya, na aviha venyu va kola ubuheyi.

Hosea 4:6

Avandu vange vononnywa kigira va daka limanya: kigira u suye limanya, na inze nda ku sula, ive u ta va musalisi ku inze mba: kigira wivirira lilaga lya Nyasaye wowo, inze ndivirira avana vovo.

Hosea 8:14

Kigira Israeli wiviriye Wamulomba, na vombaki tsinyumba tsyobwami; Yuda u medi amadala getsingaga: navutswa nda hila muliru ku madala gege, na gu la samba tsimpinga tsyago.

Hosea 9:7

Madiku gelidukirwa lyavo ga duki, madiku gelitunga ga duki; Israeli a la manya: muprofeti a veye musiru, umundu a veye na roho a veye mulalu, kigira ubunyingi bwobudamano bubwo, kandi kigira ubusigu bu veyebunyingi.

Amosi 8:10

Na nda girunkannya madiku manene genyu ga ve lisyoma; na tsinyimbu tsyenyu tsyosi tsi la va lilira; na nda vika tsingubo tsyamagunia mu vikenge vyosi, na kyavusu ku mitwe gyosi: na nda ga kola ga ve kuli lisyomera umwana muyai muderwa, na kiheri ki ve kuli lidiku lilulu.

Kwidzulitsa 32:18

U vuli kwidzulitsa Lwanda lwa kwivula Wiviriye Nyasaye wa kwivula.

Kwidzulitsa 6:12

kunangwa welinde gase u livirira Yahova, wa ku twulidza mu kivala kya Egepeti, mu inyumba yobutugwa.

Vakalagi 10:6

Navana va Israeli va kola ubudamano kandi imbiri wa Yahova, na va tumekira Vabaal, na Ashitarothu, navanyasaye va Siria, navanyasaye va Sidone, navanyasaye va Moabu, navanyasaye vavana va Amon, navanyasaye va Vafilisiti; na va leka Yahova, va vula kumutumekira.

Vakalagi 3:7

Navana va Israeli va kola ubudamano imbiri wa Yahova, ni vivirira Yahova Nyasaye wavo, na va tumekira Vabaal na Ashitarothu.

1 Samweli 12:9

Navutswa vivirira Yahova Nyasaye wavo; naye ya va gulidza na a va vika mmukono gwa Sisera, wa li munene welihe lya Hazoru, nommakono ga Vafilisiti, nommukono gwomwami wa Moabu; na va lwana navo.