Hosea 2:11 - KITABU KITAKATIFU

¹¹ Kandi nda kola ubusangali bwibwe bwosi bu duke kuhera, namasavo gege agokulonda mweli, na masabato gege, namavugano gege matakatifu.

Hosea 2:11 ပူးပေါင်းရင်းမြစ်များ

1 Avami 12:32

Jeroboam ya vika lilia ku mweli gwegyitano na gyivaka, lidiku lyelikumi na gatano lyomweli, kuli lilia li veye mu Yuda, na yanegira kutsia ku bwali; ni ndiyo ya kola ha Betheli, na ya haana vihaanwa ku vimoli vya ya lomba: na ya vika ha Betheli avasalisi va hadiguluku ha ya lomba.,

Jeremia 16:9

Kigira Yahova wa mahe, Nyasaye wa Israeli, a vola: Henza, imbiri wetsimoni tsyenyu, nomu madiku genyu, inze nda heridza hano mwoyo gwobusangali, nomwoyo gwesango, mwoyo gwa u sereye nomwoyo gwomwiha.

Jeremia 25:10

Kandi kuvita yaga, nda va nuula mwoyo gwobusangali, nomwoyo gwobuyanzi, mwoyo gwa u seriye nomwoyo gwomwiha mwoyo gwetsing'ina, nobulavu bwolumuli.

Jeremia 7:34

Inyinga yeyo nda heridza mu madala ga Yuda, nomu tsinzira tsye Yerusalemi, mwoyo gwobusangali, mwoyo gwesango, nomwoyo gwosereye, nomwoyo gwo mwiha; kigira kivala ki la va vutswa.

Ezekieli 26:13

Na nda heridza myoyo gyetsinyimbu tsitsyo, na myoyo gyobukana bubwo si gyi la hulirwa kandi mba.

Hosea 3:4

Kigira ayana va Israeli va la menya madiku manyingi bugira mwami, na bugira munene, na bugira kihaanwa, na bugira itiru, na bugira kisibao na bugira kifwananyi:

Hosea 5:7

Va koli ubugeeri bwobugadi ku Yahova; vivuye avana vageni: kalunu mweli muhya gu la va mira halala nemilimi gyavo.

Kyavalevi 26:20

na tsingulu tsyenyu tsi la gota vutswa; kigira kivala kyenyu si ki lama limedeka lyakyo, na misala gyekivala si gyi lama makuyu gagyo.

Amosi 5:21

Inze ndunyiranga, nokulega madiku gelilia lyenyu, si nda sangalira mavugano genyu gobutakatifu.

Amosi 8:3

Na tsinyimbu tsyelitempeli tsi la va tsikwili mu lidiku lilyo, Mwami Yahova a vola: mibiri mikudzu gyi la va minyingi; va la gyi ta hosi makiriri.

Amosi 8:5

ni mu vola, Mweli muhya yigu gu la hera inyinga ki, ku duke kugulidza ubu swage? Kandi lidiku lyelisahato li la vita inyinga ki, ku duke kulang'ami nya ingano, ku kole efa i ve inkekeke, na ishekeli ku gi kole i ve inene, noku kola ubugadi ku tsiratili tsyokugada;

Nahum 1:10

Kigira kali ni va veye kuli amafwa ga di ndana, nokuhambika kuli mu linwa lyavo, va sambwa ligali kuli mavivi amumu.