Hosea 14:7 - KITABU KITAKATIFU

⁷ Ava menyanga mu kiriri kikye va lirana; va la simuguka kuli ingdno, nokulavidza vimuli kuli muzabibu: amalusu gege ga la va kuli iwaini ya Lebanon.

Hosea 14:7 ပူးပေါင်းရင်းမြစ်များ

Zaburi 138:7

Ni mba ni ngenda hagati hekivi, u la linda livamwoyo lyange; U la nyira mukono gugwo ku butima bwavasigu vange, Na mukono gugwo mulungi gu la mbonnya.

Zaburi 85:6

Si u lirana kukuwkidza, Avandu vovo va duke kusangala mu ive?

Zaburi 91:1

Uyu u menyanga mu likingwa lya Weigulu Ligali A la menya mu kiriri kya Wanyala Vyosi.

Lwimbu lwa Solomoni 2:3

Kuli muchungwa gu veye mu misala gyommulitu, Ni ndiyo muyanze wange a veye mu vayai. Ndikala hasi mu kiriri kikye nobusangali bunene, Na makuyu gege ga nda tsatsama ga li amanolu ligali.

Lwimbu lwa Solomoni 4:11

Minwa gyigyo, O mukana mugima wange, gyi tonyatonyanga kuli kemenye kyobwuki: Ubwuki namaveere vi veye isi wolulimi lulwo; Na malusu getsingubo tsitsyo ga veye kuli amalusu ga Lebanon.

Lwimbu lwa Solomoni 6:11

Nda sulunguta kwingira mu mulimi gwemisala gyamakuyu, Nduke kulola vyamera vivisi vyomivona, Ndole muzabibu ni gu va ni gu sibukanga, Kandi mikomamanga ni gyi va ni gyi veye nevimuli.

Isaya 61:11

Kigira kuli lirova li sebukanga musoga gwekimuli, na kuli mulimi gu virukidzanga vindu vya tagwa mu; ni ndiyo Mwami Nyasaye a li virukidza ubulungi nelidzominywa kuviruka imbiri wetsihiri tsyosi.

Ezekieli 17:23

ku kigulu kya hadiguluku ha Israeli niho ha nda lu simika: na lu la sebuka tsisya nokwama makuyu, nalwo lu la gwa mutaragwa mulahi: namanyonyi gosi agetsimbaha tsing'ano tsyosi, ga la menya isi wagwo; nago ga la menya mu kiriri kyetsisya tsyagwo.

Hosea 14:5

Nda va kuli lime ku Israeli; a la lavidza vimuli kuli vimuli vyelidanya, nokulandidza imiri gyigye kuli Le banon.

Hosea 2:21

Na ga la duka mu lidiku yilyo Nda tivula, Yahova a vola, Nda tivulira ligulu, neligulu li la tivulira lirova;

Hosea 2:22

nelirova li la tivulira ubuswage, newaini impya, namaguta na yivi vyosi vi la tivulira Jezireeli.

Hosea 6:2

Inyima welidiku lyakaviri a la ku simugukidza: ku lidiku lya kavaka a la ku vukidza ku singire, ku la va mwoyo imbiri wewe.

Zekaria 8:12

Kigira bu la va ho bugutsa bwemirembe; muzabibu gu la leta makuyu gagwo, na marova ga lama limedeka lyago, na ligulu li la leta lime lyalyo; nda ha vandu va tigala miyandu gyevindu yivi vyosi.

Yohana 11:25

Yesu ya mu volera, Inze mbeye lisimuguka, kandi mbeye livamwoyo: u suuvira inze, kaliva na a kudza, a la va mwoyo;

Yohana 12:24

Ligali, ligali, mmu volera, inzoli yengano ni i vula kugwa mu marova ni i kudza i la tigala yeng'ine; navutswa ni i kudza i lama lyama linyingi.