Hosea 14:5 - KITABU KITAKATIFU

⁵ Nda va kuli lime ku Israeli; a la lavidza vimuli kuli vimuli vyelidanya, nokulandidza imiri gyigye kuli Le banon.

Hosea 14:5 ပူးပေါင်းရင်းမြစ်များ

2 Samweli 23:4

A la ra kuli ubulavu bwomugamba, lwa liuva li tonganga, Mugamba gu ta li namalesi, Lwa bunyasi budoto bu sebukanga mu kivala, Ku ling'ereng'ana lyabwo inyima yembula.

2 Avami 19:30

Na va tigala va hona avenyumba ya Yuda, va la hila imiri hasi kandi, noku luvega lwe igulu va laama makuyu.

Ayubu 29:19

Kitinya kyange ki tsitsagililanga kuduka mu madzi Na lime li menyanga ubudiku bei ku tsisya tsyange:

Zaburi 133:3

Kuli lime lya Herimon, Likanga ku vigulu vya Zioni: Kigira niho ha Yahova ya laga ubugasu bwibwe, Kali livamwoyo lyemihiga nemihiga

Zaburi 72:16

Ha la va nobuswage bunyingi mu lirova ku isonga ye vigulu; Makuyu galyo ga la dengeya kuli Lebanon: Na yavo avelidala va la gasidzwa kuli bunyasi bwelirova.

Zaburi 72:6

A lika ku lirova kuli imbula i kupanga ku ubulimu bu kalageywi, Kuli imbula yamadzi mavovo ku lirova.

Zaburi 80:9

Wa gu lombera ubwiyangu imbiri wagwo, Gwa vika imiri hasi nokwizulitsa kivala.

Zaburi 92:12

Wobulungi a la viruka kuli likindu: A la landa kuli mutaragwa ku Lebanon.

Zaburi 92:13

Va simikwa mu inyumba ya Yahova; Va la landa ha mugidzi gwa Nyasaye wetu.

Tsing'ano 19:12

Ubutima bwomwami bu veye kuli lifwuma lyeking'ang'a; Navutswa tsimbabasi tsitsye tsi veye kuli lime ku ubulimu

Lwimbu lwa Solomoni 2:16

Munyanze wange a veye wange, na inze ni wewe: Yayanga kyayo kikye kyamagondi mu bulavidzu.

Lwimbu lwa Solomoni 4:5

Tsimbeere tsitsyo tsyombi tsi veye kuli visusu visoleli, Vi veye visusu visoleli vivulwa malongo, Yayanga hagati ho bulavidzu.

Isaya 12:1

Na mu lidiku yilyo u la vola, Inze nda santidza ive, O li Yahova; kigira kali wa vihirirwa na inze, ubutima bubwo bu mali kugirunkanywa kutwula ku inze, na u neminyanga mwoyo gwange.

Isaya 18:4

Kigira Yahova ya mbolera likuva yili, Nda kiring'ana, na nda lola mu hokumenya hange, kuli masalira mu mbasu, kuli lilesi lyelime inyinga yeligesa.

Isaya 26:19

Avakudzu vovo va la va mwoyo; mibiri mikudzu gyange gyi la vuka. Mu vuke, mwimbe, mwinye avamenyanga mu marova; kigira lime lilyo li veye kuli lime lyetsingutsa, na lirova li la twulidza avakudzu.

Isaya 27:6

Mu madiku gadzanga Yakobo a likidza imiri; na Israeli a la lavidza kimuli nokusibuka: na va lizulitsa mmoni mwelirova makuyu.

Isaya 35:2

Ki la lavidza ubulavidzu bunyingi, ki la sangala kuduka litsantsalika nokwimba; ki la hebwa ubukumi bwa Lebanon, ubulahi bwa Karimeli na Sharon: va la lola ubukumi bwa Yahova, ubunene bwa Nyasaye wetu.

Isaya 44:3

Kigira nda tsuka amadzi ku uyu u veye nobuluhu, noku tsuka tugera mu kivala kyumu: nda tsuka Roho wange ku kisukululwi kikyo, nobugasu bwange nda tsuka ku yavo avolwivulu Iwulwo:

Isaya 45:8

Mu tonyatonya mwinye ligulu kutwula igulu, namalesi ga tsuke ubulungi hasi: kivala kyalame ki duke kuleta ubuhonnyi, na ki mere ubulungi halala; inze, Yahova, nda ki lomba.

Isaya 57:18

Ndoli tsinzira tsitsve, nda mu honnya: nda mwimirira kandi, nokumwirannyira vyokumuleminya noku yavo ava syomanga.

Isaya 57:19

Inze mbeye mulombi wa makuyu geminwa: Mirembe, mirembe, ku uyu u veye ihale noku uyu u veye ahimbi, Yahova a vola; nda mu honnya.

Jeremia 3:22

Mwirane, avana ava mwirani inyima, nda honnya lirana inyima lyenyu. Henza, kudzanga ku ive; kigira ive u veye Yahova Nyasaye wetu.

Jeremia 32:41

Yee, nda sangala kuvo nduke kuvakolera ubulahi, nda va simika mu kivala yiki ligali nomwoyo gwange gwosi neliva lyange lyosi.

Hosea 6:3

Hene yaho ku la manya, ni ku va ni ku londerera kumanya Yahova: litwula lilye li veye lyeligali kuli mugamba; naye a ladza ku kwinye kuli imbula, kuli imbula yamadzi mavovo i kupanga ku lirova.

Mika 5:7

Na avatigala va Yakobo va la va hagati ha avandu vanyingi kuli lime li twulanga ku Yahova, kuli lunyirira ku bunyasi, vi ta lindiriranga umundu, kinga kulindirira avana vavandu.

Mika 7:18

Ni bwaha a veye Nyasaye kuli ive, u samehanga ubudamano, na u vitanga ku mahyolo gavatigala vemiyandu gyigye? Si ya vihirirwa madiku gosi, kigira a yanza tsimbabasi.

Matayo 6:28

Kigira ki mu henda mwoyo ku tsingubo? Mu ganagane amadanya gemilimi, kuli ga viruka; si ga kola miyinzi, kandi si ga sita:

Luka 12:27

Mu henze amadanya, kuli ga viruka: si ga yinzira, kandi si ga sita; navutswa mmu volera, Kali Solomoni mu bukumi bwibwe bwosi, si ya li yavalwa kuli lilala kugo.

Vafeso 3:17

Kristo a duke kumenya mu myoyo gyenyu kigira lisuuvira; kuduka mu mali kuva nemiri nomuse mu buyanzi,

Kwidzulitsa 32:2

Amegidzo gange ga la sunduka kuli imbula; Namakuva gange ga la tonyatonya kuli lime, Kandi kuli lumanyangoko ku ubulimu buvisi, Na kuli ulunyirira ku tsingutsa.