Hosea 14:4 - KITABU KITAKATIFU

⁴ Inze nda honnya lirana inyima Ivavo, nda va yanza nomwoyo gwosi; kigira livihirirwa lyange li twuli kuye.

Hosea 14:4 ပူးပေါင်းရင်းမြစ်များ

Zaburi 10:14

Ive u ga loli; kigira ive u henzanga kivi na kivihiri, kuvitungira nomukono gugwo: Mudedekere wivika mwene ku Ive; Ive u veye mukonyi wa avabisandu.

Zaburi 20:8

Yavo vinaminywa ni va gwiye; Navutswa kwinye ku vuki nokusingira bulungi.

Zaburi 78:38

Navutswa kigira a veye wetsimbabasi, ya sameha ubukyamu bu avo, na si ya vononnya mba: Yee, hali kanyingi ya twula ku ubutima bwibwe, Na si ya vukidza ubululu bwibwe bwosi.

Kutwula 15:26

naye ya vola, nu u va nu u huliranga ligali mwoyo gwa Yahova Nyasaye wowo, nokukola aga veye malungi imbiri wewe, nokutegidza amatu gogo kuhulira malago gege, nokugumira miima gyigye, si nda vika ku ive ubulwaye kali bulala ku bwa nda vika ku Avaegepeti: kigira mbeye Yahova ku honnyanga.

Isaya 12:1

Na mu lidiku yilyo u la vola, Inze nda santidza ive, O li Yahova; kigira kali wa vihirirwa na inze, ubutima bubwo bu mali kugirunkanywa kutwula ku inze, na u neminyanga mwoyo gwange.

Isaya 55:1

O, mwinye sa mulala u veye nobuluhu, hambi ku madzi, na u veye bugira ifetha; hambi, mu gule, mu lie; yee, hambi, mu gule iwaini namaveere bugira ifetha, na bugira buguli.

Isaya 57:18

Ndoli tsinzira tsitsve, nda mu honnya: nda mwimirira kandi, nokumwirannyira vyokumuleminya noku yavo ava syomanga.

Jeremia 14:7

Kali ubudamano bwetu ni bu lolekidza ku kwinye, u kole miyinzi kigira lieta lilyo, O Yahova; k igira lirana inyima lyetu ni linyingi; ku koleye ive ubwoni.

Jeremia 17:14

U mbonnye, O Yahova, na nda hona; u mbonnye, na nda hona: kigira ive u veye lidzominywa lyange.

Jeremia 3:22

Mwirane, avana ava mwirani inyima, nda honnya lirana inyima lyenyu. Henza, kudzanga ku ive; kigira ive u veye Yahova Nyasaye wetu.

Jeremia 31:20

Efiraim a veye mwana wange muyanze? Aveye mwana wokuyanzidza? Kigira tsinyinga tsyosi lwa mmu gondokiranga, ma mbongera kumwidzulitsa: kunangwa ligali mmu vererera, Yahova a vola.

Jeremia 33:6

Henza, nda leta kulyo ubulamu nobuhonnyi, nda va honnya, nda va lang'aminyira ubunyingi bwemirembe nobwa geligali.

Jeremia 5:6

Kunangwa kigira yaga, king'ang'a ki twulanga mbulimu ki la viita, kisalang'ongo kyo mgolova ki la va dividza, ingo i la goneka madala gavo; mundu sa mulala u twula mu a la tandulwa; kigira mahyolo gavo ga veye manene, na lirana inyima lyavo li medeki.

Jeremia 8:22

Si ha veye nolu nyasi mu Gileadi? Si a veye yo mwahi? Kigira ki ubulamu bwomkana wavandu vange bu vuli kwiranywa?

Ezekieli 33:14

Kandi, lwa mbolera mudamano, Ive ligali u la kudza; ni yeganira nokuleka ubwoni bwibwe, na a kola aga dukana kukolwa, nagobulungi;

Ezekieli 36:36

Hene yaho tsihiri tsi li tigala himbi ku mwinye tsimbega tsyosi tsi la manya inze Yahova mmali kwombaka kandi ha li vyanyi, nokusimika aha li hatswa: inze, Yahova, mmali kuvola yaga, na nda ga kola.

Hosea 11:7

Navandu vange va kayirangwa kwirana inyima nokuleka inze: kali ni va va langa va tsie ku uyu u veye igulu, si ha veye nomulala u nyala kumwidzominya.

Hosea 2:19

Na nda ku kwa nelikwa lyemihiga nemihiga; yee, nda ku kwa mbulungi, nomu likalaga, nomu vikolwa vilahi nomu tsimbabasi.

Hosea 6:1

Hambi, kwirane ku Yahova: kigira ya tandula, naye a la ku honnya; ya duya, naye a la ku boherera.

Zefania 3:17

Yahova Nyasaye wowo a veye hagati hoho, wobunyali a la honnya; a la yanza ku ive nelisangala linene; a la sosa mbuyanzi bwibwe; a la sangala ku ive nelyimba.

Livalidza 25:11

Finehasi, mwana wa Eleazaru, mwana wa Haruni musalisi, u girunkanyi ubutima bwange bu twulidzwe ku avana va Israeli, kigira ya kendekidzwa nelikendeka lyange hagati havo, kuduka inze mbule kudividza avana va Israeli mu likendeka lyange.

Livalidza 25:4

Na Yahova ya volera Musa, U vugule avanene vosi va avandu, na u va sunge imbiri wa Yahova, imbiri weliuva, ubutima bululu bwa Yahova bwiranywe kutwulidzwa ku Israeli.

Varumi 3:24

ni va kolwa ava lungi vutswa netsimbabasi tsitsye kigira buhonnyi obu veye mu Kristo Yesu:

Vafeso 1:6

kuduka ku lidzominya lyobukumi bwetsimbabasi tsitsye, tsya ya ku kululira mu Muyanze

2 Timoteo 1:9

wa honnya kwinye na a ku langa nelilanga litakatifu, si ga li kuli miyinzi gyetu navutswa kuli ubulaliri bwibwe nelivererera lilye lya kwa hebwa mu Kristo Yesu imbiri wetsinyinga tsya kale,

Tito 3:4

Navutswa ubulahi bwa Nyasaye Muhonnyi wetu nobuyanzi bwibwe bwa a yanza avandu lwa bwa lang'ama,