Hosea 13:16 - KITABU KITAKATIFU

¹⁶ Samaria li levika ama hyolo galyo; kigira litinguhi ku Nyasaye walyo: va la gwa ku kivavi; avana vadoto vavo va la shonolanywa, navakali vavo va veye inda va latanywa.

Hosea 13:16 ပူးပေါင်းရင်းမြစ်များ

2 Avami 15:16

Hene yaho Menahem ya kuya Tifisa, navandu vosi ava li mulyo, netsinzako tsyalyo, kutwula Tiriza: kigira va vula kumwigulira, kigira yaga ya li kuya; na avakali vosi va li mu ava li inda, ya vatannya.

2 Avami 17:18

Kigira yaga Yahova ya vihirirwa Israeli ligali, na a va twulidza va vule kuva imbiri wewe: si ha li no wa tigala navutswa ihiri ya Yuda yeng'ine.

2 Avami 17:5

Hene yaho mwami wa Asuria yanegira mu kivala kyosi, na a duka Samaria, nokulikumbiridza mihiga gyivaka.

2 Avami 17:6

Ku muhiga gwa kola gyitano na gyine gwelyameha lya Hoshea, mwami wa Asuria ya vugula Samaria, na ya hila Israeli avahambe kuduka Asuria, na ya va vika mu Hala, nomu Haboru, himbi na mugera gwa Gozan, nomu madala ga Vamedi.

2 Avami 8:12

Ha zaeli ya teva, Munene wange a lilira ki? Ya tivula, Kigira man, a ubu damano ubwa ive u la kolera avana va Israeli: u la samba tsimpinga tsyavo, na vasoleli vavo u la viita nekivavi, na u la shonolannya twana twavo, na vakali vavo ava veye inda u latannya.

Isaya 13:16

Avana vadoto vavo va la donyanywa imbiri wetsimoni tsyavo; netsinyumba tsyavo tsi la lanywa, navakali vavo va lononnywa.

Isaya 17:3

Na impinga i la hera mu Efiraim, nobwami bu la hera mu Damasko, na litigala lya Siria; va la va kuli ubukumi bwavana va Israeli, Yahova wa mahe a vola.

Isaya 8:4

Kigira lwa mwana uyu a kikiri kumanya kuvola, Dada wange, na Mama wange, ubutugi bwa Da masko, nevilanye vya Samaria vi la hilwa imbiri womwami wa Asuria.

Hosea 10:2

Mwoyo gwavo gwavukani; kalunu va la loleka kuva avahyoli: a la duya ubwali bwavo, a lononnya tsitiru tsyavo.

Hosea 11:6

Na kivavi ki la gwa ku madala gavo, nokusamba vihaniru vyago, nokuvalia, kigira makuva gavo avene.

Hosea 7:14

Na si vanira inze nemyoyo gyavo, navutswa va hanzuka nemyoyo gyobululu ku vitali vyavo: navutswa vevugannya avene kigira ubuswage newaini; na va tinguha inze.

Amosi 1:13

Yahova ya vola ndi: Kigira mahyolo gavaka gavana va Amon, yee, kigira gane, si nda girunkannyira lihebwa mageli lyalyo; kigira vatannya avakali ava veye inda ava Gileadi, va duke kumeda lwako lwavo.

Amosi 3:9

Mu landidze mu tsinyumba tsyobwami tsya Ashidodi, nomu tsinyumba tsyobwami mu kivala kya Egepeti, mu vole, Mu vugane ku vigulu vya Samaria, mu lole liyoga linene kuli ndi li veye muvyo, nelidambidzwa hagati havyo.

Amosi 9:1

Nda lola Yahova na a singiye himbi nobwali: na a vola, U kuye mitwe gyevigutu, maliva ga duke kudegera; na u ga vunannye vidonyi ku mitwe gyavo sa mulala; na ndiita muhereridzi nekivavi: kali mulala kuvo si a nyala kwiruka, kandi si ha ve kali malala kuvo u nyala kuhona.

Mika 1:4

Kandi vigulu vi la yinguka isi wewe, na mavona ga latanywa, kuli masang'asa imbiri womuliru, kuli amadzi ga sundulwa ku yongovera ku kisulungutu.

Mika 6:16

Kigira amalago ga Omri nigo ga gumirwa, nelikola lyosi lyenyumba ya Ahabu, na mu gendanga mu makuva ga yava: nduke kukukola hatswa, na yavo ava menyanga mu kukunukirwa: na mu la ginga linyegwa lyavandu vange.

Nahum 3:10

Na vutswa lya hilwa, ihale, lya tsia mbutugwa; avana vadoto veve va duvulwa vidonye ha mitwe gyamahasi gosi; na va kola ikura ku avandu veve vobukumi, navandu veve avanene va bofwa neminyororo.