Hosea 13:14 - KITABU KITAKATIFU

¹⁴ Inze nda va honnya kutwula ku tsingulu tsyekihadisi; nda va honnya kutwula ku likudza: O likudza, ma duya gogo ga veye haliha? O Kihadisi, lidividza lilyo li veye haliha? Lyeganira li la viswa ku tsimoni tsyange.

Hosea 13:14 ပူးပေါင်းရင်းမြစ်များ

Ayubu 33:24

Hene yaho Nyasaye a mbera tsimbabasi, na a vola, U mu konye a vule kwika mbogo, Nyoye litungirwa.

Ayubu 41:22

Mwigoti mwayo, tsingulu tsinyingi tsi menyi mu, Na litihidza li kinanga imbiri wayo.

Zaburi 16:10

Kigira si u li leka mwoyo gwange mu Kinadisi; Kandi si u li bugirira mutakatifu wowo kulola ligunduluka.

Zaburi 30:3

O Yahova, u twulidzi mwoyo gwange mu Kihadisi; U lindi livamwoyo lyange, mbule kutsia mbogo.

Zaburi 49:15

Navutswa Nyasaye a la tungira mwoyo gwange ntwule mu tsingulu tsyekilindwa Kigira a la mbugula. [Selaha

Zaburi 49:16

U ta tia lwa mulala a kolwa mutugi, Lwa ubukumi bwenyumba yeye bu medeka:

Zaburi 71:20

Ive u ku mannyi kivi kinyingi na budamano, U la ku singeridza kandi, Nokukutwulidza kandi mu ng'ani.

Zaburi 86:13

Kigira tsimbabasi tsitsyo tsi veye tsinene ku inze; Na u honnyi mwoyo gwange kutwula mu Kihadisi kya hasi ligali.

Isaya 25:8

Naye u mali kumira likudza li vule kuva ho kandi mihiga nemihiga; Yahova Nyasaye a leya maliga mu mmoni mwosi; nelinyegwa lyavandu veve a la li twulidza mu lirova lyosi: kigira Yahova a vola yaga.

Isaya 26:19

Avakudzu vovo va la va mwoyo; mibiri mikudzu gyange gyi la vuka. Mu vuke, mwimbe, mwinye avamenyanga mu marova; kigira lime lilyo li veye kuli lime lyetsingutsa, na lirova li la twulidza avakudzu.

Jeremia 15:6

Ive u suye inze, Yahova a vola, wirane inyima: kigira yaga nyiye mukono gwange ku ive, nokukudividza; nduhi ku lyeganira.

Jeremia 20:16

Mundu uyu a ve kuli amadala ga Yahova ya tung'aminya, na a vula kweganira: a hulire lilira mugamba, neliyoga lyekivihiri mbasu hagat;;

Jeremia 31:35

Yahova, u hedzanga avandu liuva kuva ubulavu inyinga yombasu, namalago gomweli nagetsing'ering'ani kuva ubulavu inyinga yobudiku, u duvulanga inyanza, kuduka viguvuli vyayo vi luumanga: Yahova wa mahe ni lieta lilye: a vola ndi,

Ezekieli 37:9

Ma ya mbolera, U profete ku imbuudza, u profete, ive mwana womundu, u gi volere, Mwami Nyasaye a ku volera: Hamba u twule ku tsimbega tsyetsimbuudza tsine, O mwika, u herane ku yava aviitwa, va duke kuva mwoyo.

Hosea 6:2

Inyima welidiku lyakaviri a la ku simugukidza: ku lidiku lya kavaka a la ku vukidza ku singire, ku la va mwoyo imbiri wewe.

Hosea 7:10

Na uluyai lwa Israeli lu lolekidzanga imbiri wetsimoni tsitsye: navutswa va kikiri kwirana ku Yahova Nyasaye wavo, kandi si va mwenyanga, ku yaga gosi.

Malaki 3:6

Kigira inze, Yahova, si ngirunkannyangwa mba; kigira yaga mwinye, avana va Yakobo, si mu sambwa mba.

Livalidza 23:19

Nyasaye si a veye mundu, a vole ububehi, Kandi si a veye mwana womundu, yeganire: A vole, ma a vule kukola? Kinga u tivuye likuva, na a la vula kulidukidza?

Varumi 11:15

Kigira lyeseganwa lyavo ni li va ni li veye kyokuhambanya lirova, libugirirwa lyavo li la va ki? Li la ra livamwoyo kutwula mu vakudzu.

Varumi 11:29

Kigira vihaanwa nelilanga lya Nyasaye si li veye neligirunkana.

2 Vakorintho 5:4

Kigira kwinye ligali ava ku veye mu lyombakwa yili ku kenyanga, kigira ku minika; si ga li kigira kwenya kunavulwa, navutswa kwenya kuvikwa ligali yigu gwelikudza, livamwoyo li duke kugumira.

Vafilipi 3:21

u li girunkannya mubiri gwobudamano bwetu, gu fwanane nomubiri gwobukumi bwibwe, kuli ikola lilye lya a nyalanga kugehidza vindu vyosi vi ve vike kuye.

1 Vatesalonike 4:14

Kigira ni ku va ni ku suuvira Yesu ya kudza ma na a simuguka, ga veye kandi ndiyo ava gonanga mu Yesu, Nyasaye a la va leta halala naye.

Yakobo 1:17

Vikululirwa vyosi vilahi kandi vihaanwa vyosi vilahi vi veye vidukiru vi twulanga migulu kwika hasi kutwula ku Dada wobulavu, weligirunkannya li ta veye kuye kali kiriri kyeligirunkana.

Likunula 20:13

Kandi inyanza ya twulidza avakudzu ava li muyo; kandi likudza na Kihadisi vya twulidza avakudzu ava li muvyo: kandi va kalagirwa sa mulala kuli miyinzi gyavo.

Likunula 21:4

kandi a leya vosi sa mulala amaliga mu tsimoni tsyavo; nelikudza si li la va ho kandi; kandi lisyoma, nelilira, nobusaliri, si vi la va ho kandi: vindu vyokutanga vi mali kuvita.

Likunula 6:8

Kandi nda lola, henza, iparasi idarinya: kandi uyu wikala kuyo, lieta lilye lya li Likudza; kandi Kihadisi kya mu londa. Kandi va hebwa tsingulu ku kidieli kilala ku vine vyelirova, viite nekivavi, nenzala, nelikudza, kandi netsinyama tsyomu mulitu tsyelirova.

1 Samweli 15:29

Na kandi kuvita yaga, Munyali wa Israeli si a la veha kinga si a leganira; kigira si a veye umundu, a duke kweganira.