Hosea 12:8 - KITABU KITAKATIFU

⁸ Na Efiraim ya vola, Ligali inze ngwiye mutugi, nyoye vindu vinyingi: mu miyinzi gyange gyosi si va la nyola ubukyamu mu inze bu veye ubwoni.

Hosea 12:8 ပူးပေါင်းရင်းမြစ်များ

Zaburi 49:6

Ava suuviranga ubutugi bwavo, Nokwigingira ku bunyingi bwobutugi bwavo;

Zaburi 52:7

Henza, uyu a veye mundu wa vula kukola Nyasaye lugaga lwilwe, Navutswa ya suuvira ubunyingi bwobutugi bwibwe, Na yesingeridza mwene mu ubudamano bwibwe.

Zaburi 62:10

Mu ta suuvira lidambidza, Mu tegingira ku lilanya lyenyu: Ubutugi ni bu medeka, u ta bu vika mu mwoyo gugwo.

Tsing'ano 11:1

Tsiratili tsyobugadi tsi veye livihiriridzwa ku Yahova; Navutswa kigero kyetsiratili tsi nungi ki mu yanzidza.

Tsing'ano 30:12

Ha veye nelikula lyelolanga avene kuva vanifu Navutswa si va singwa ubudamano bwavo.

Tsing'ano 30:20

Ni ndiyo inzira yomukali muheyi i veye; A litsanga, ma yeya munwa, Na vola, Si nkoli kindu kidamano.

Jeremia 2:23

U nyala ndi kuvola Inze si nda kolwa mudamano mba si nda londa Vabaal? Henza inzira yoyo ha livona, u manye aga wa kola: u veye ing'amia yetsimbiru i londanga tsinzira tsyalyo;

Jeremia 2:35

Ive wa vola, Si nda hyola mba; ligali ubutima bwibwe bu girunkamlyevwi bu vule kuva ku inze. Henza, ndingira mu likalagirwa halala nive, kigira ive u vola, Si nda kola bwoni mba.

Jeremia 5:27

Kuli lisera lizuye manyonyi, ni ndiyo tsinyumba tsyavo tsizuye ubugadi: na va gwiye avanene ku tsinzira yitsi, va nyoye ubutugi.

Ezekieli 28:5

u medi ubutugi bubwo kigira ubugeeri bubwo bunene na kigira likirannya, nomwoyo gugwo gu gingiywi kigira ubutugi bubwo;

Hosea 13:6

Kuli hokwaya havo ha veye, ni ndiyo viguti; viguti, nemyoyo gyavo gya nenehidzwa: kigira yaga vivirira inze.

Hosea 14:1

O Israeli, wirane ku Yahova Nyasaye wowo; kigira u gwiye mbudamano bubwo.

Hosea 4:8

Avene velihidzanga mu ubwoni bwavandu vange, na va vikanga mu myoyo gyavo ubudamano bwavo.

Amosi 8:5

ni mu vola, Mweli muhya yigu gu la hera inyinga ki, ku duke kugulidza ubu swage? Kandi lidiku lyelisahato li la vita inyinga ki, ku duke kulang'ami nya ingano, ku kole efa i ve inkekeke, na ishekeli ku gi kole i ve inene, noku kola ubugadi ku tsiratili tsyokugada;

Habakuk 1:16

Kigira yaga a lombera muluvu gwigwe kihaanwa, nokuvuyidzira kyokukwesa kikye kimuli; kigira a nyolanga kidieli kyobunolu ku vindu yivi, nevyokulia vivye vi nenehi.

Zekaria 11:5

ama, gondi ga yavo ava veye nago viita, navo velanga avene ava ta li neli, hyola ku kindu; na yavo ava ga gulidzanga va vola, Yahova a gasi dzwe, kigira inze mbeye mutugi; na yavo avayi vago avene si va ga vererera mba.

Malaki 2:17

Mu mali kuluhidza Yahova na makuva genyu. Navutswa mu volanga, Ku mu luhidza ku makuva ki? Ga veye ku livola lya mu volanga, Sa mulala u kolanga ubudamano a veye mulahi mu tsimoni tsya Yahova, naye a sangaliranga avandu yava; kinga Nyasaye welikalaga a veye haliha?

Malaki 3:13

Makuva genyu ga gwiye madinyu ku inze, Yahova a vola. Navutswa mwinye mu vola, Ku voye ki ku ive?

Luka 10:29

Navutswa uyu yenya kweha ubulungi ya volera Yesu, Kandi mutende wange ni bwaha?

Luka 12:19

Kandi nda volera mwoyo gwange, Mwoyo, u veye nevindu vinyingi vikeywi vyemihiga minyingi; u lie, u nwe, u sangale.

Luka 16:13

Si ha li nomutugwa womu inyumba u nyala kutumekira avami vaviri: kigira a la dunyira mulala, nowundi a la mu yanza; kinga a la hambana nomulala, nowundi a la mu lega. Si mu nyala kutumekira Nyasaye nobutugi.

Luka 16:15

Naye ya va volera, Mwinye mu veye avehedza ubulungi imbiri wavandu; navutswa Nyasaye a manya myoyo gyenyu: kigira kya vandu vidzominya ki veye kidamano ligali imbiri wa Nyasaye.

Kwidzulitsa 8:17

gase u la vola mmwoyo gugwo, Ubunyali bwange, netsingulu tsyomukono Kwange tsi nyoleye ubutugi yibu.

1 Timoteo 6:17

U lage ava veye avatugi mu tsinyinga tsya kalunu, va ta va nobwigingiri, kandi va ta vika lisuuvira lyavo ku ubutugi bu ta suuvirwa, nawtswa va suuvire Nyasaye, u ku hedzanga vindu vyosi nobuhinda ku duke kuvitumekira nobuyanzi;

1 Timoteo 6:5

nelihing'ana lyavandu, voneika ubugeeri navo va daki ageligali, va ganagana litibwa lya Nyasaye li veye inzira yevyambeti.

Likunula 3:17

Kigira u vola, Inze mbeye mutugi, kandi nyoye ubutugi, kandi si mbeye nelyenya kindu; kandi si u manya u veye mudambi, kandi u veye muyingu nomudaka nomuboku nomwere: