Hosea 12:7 - KITABU KITAKATIFU

⁷ A veye mugulidzi, tsiratili tsyobugadi tsi veye mmukono gwigwe: a yanzanga kudambidza

Hosea 12:7 ပူးပေါင်းရင်းမြစ်များ

Litanga 49:18

Inze nindiriye ubuhonyi bwubwo, O Yahova.

Tsing'ano 11:1

Tsiratili tsyobugadi tsi veye livihiriridzwa ku Yahova; Navutswa kigero kyetsiratili tsi nungi ki mu yanzidza.

Tsing'ano 16:11

Tsiratili na vigero vyobulungi ni vya Yahova; Na vyokugera vyosi vyomu imuya vi veye miyinzi gyigye.

Isaya 3:5

Navandu va la dambidzwa, sa mulala nowakye, na sa mulala nomutende wewe: mwana a legingira imbiri womukulundu, nomu nyaaviru a legingira imbiri womma nyekanu.

Isaya 56:1

Yahova a vola ndi, Mu linde likalaga, mu kole ubulungi; kigira ubuhonnyi bwange bu ve himbi, nobulungi bwange lilang'aminya lyabwo li veye himbi.

Ezekieli 16:3

u va volere, Mwami Nyasaye a volera lidala lya Yerusalemi likuva yili: Litanga lilyo nelivulwa lilyo li veye lyekivala kya Mukanani; dada wowo ya li Muamori, na mama wowo ya li Muhiti.

Ezekieli 22:29

Avandu vekivala va tumekiranga lidambidza, nelinuula nobululu: yee, va lugutanga avadaka navadambi, nokudambidza ava menya ku ga ta li amalahi.

Ezekieli 28:5

u medi ubutugi bubwo kigira ubugeeri bubwo bunene na kigira likirannya, nomwoyo gugwo gu gingiywi kigira ubutugi bubwo;

Hosea 14:2

Vugula ma kuva, u tsie nago, wirane ku Yahova: u mu volere, Twulidza budamano bwosi, u bugirire amalahi: ku la haana ndiyo vihaanwa vyeminwa gyetu kuli kuhaana tsigiriki.

Joeli 2:12

Navutswa kali kalunu, Yahova a vola, Mu girunkane, mu yeke ku inze nomwoyo gwenyu gwosi, kandi nelihonga lilia, nelilira, nelisyoma:

Amosi 2:7

yavo ava heraniranga ulugukyi lwelirova lu veye ku mitwe gyavadaka, nokukyaminya inzira yomuhooma: na muyai na dada wewe vingira kuva nomkana mulala, kuvika budamano ku lieta lyange litakatifu:

Amosi 3:9

Mu landidze mu tsinyumba tsyobwami tsya Ashidodi, nomu tsinyumba tsyobwami mu kivala kya Egepeti, mu vole, Mu vugane ku vigulu vya Samaria, mu lole liyoga linene kuli ndi li veye muvyo, nelidambidzwa hagati havyo.

Amosi 4:1

Hulira likuva yili, mwinye tsing'ombe tsya Bashan, ava veye mu kigulu kya Samaria, ava dambidza avadaka, na va duvaganga avadambi, mwinye ava voleranga vanene vavo, Mu lete, ku nwe.

Amosi 5:11

Kunangwa kigira mwa duvaga avadaka, nokuvatungidza ingano: mwombaki tsinyumba tsya magina ga vadzwa, navutswa si mu la menya mutsyomu simiki malimiru gemizabibu malahi, navutswa si mu la nwa iwaini yago mba.

Mika 2:1

O bayaye ku yavo ava saaviranga vidamano nokukola budamano ku vitali vyavo lwa bu kyedzanga, va bu tumekiranga, kigira bu veye mu bunyali bwa makono gavo.

Mika 7:2

U veye mulungi u divi kutwula ku lirova, si ha veye nomulala u veye mulungi mu avandu: vosi va gonekanga ku tahidza masahi; sa mulala a himanga amwavo wewe nomuluvo.

Zekaria 14:21

Yee, ku viju vyosi mu Yerusalemi, nomu Buyuda vi la va vitakatifu ku Yahova wa mahe; na vosi ava haananga vihaanwa va ladza kuvivugula, nokudekera mu tsinyama: kandi mu lidiku yilyo si a la va ho Mukanani mu inyumba ya Yahova wa mahe.

Zekaria 5:8

Naye a vola, Uyu a veye Ubudamano: na ya mu sigisa hasi hagati ha efa; na ya sigisa ubuliduhu bwelisasi ku munwa gwa efa.

Zekaria 7:9

Yahova wa mahe a vola yaga, na a vola, Kalaga likalaga lyeligali, na mu ve netsimbabasi nelivererera mundu sa mulala na avamwavo veve:

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

Yohana 2:16

na a volera ava gula makuulu, Mu twulidze vindu yivu yimu; mu ta kola inyumba ya Dada, inyumba yokugulana.

Yakobo 5:4

Henzi, amadanyi gavayinziri avagesa milimi gyenyu, aga mwinye mwigalira ku linuula, ga kupa tsikwili: nelilira lya yavo avagesa lingiye mu matu go Mwami Wamahe.

1 Samweli 12:3

Mbe hano: mu lolekidze ku inze imbiri wa Yahova, na imbiri wombake wewe: neng'ombe ya bwaha ya nda vugula? Kinga nesukiri ya bwaha ya nda vugula? Kinga ni bwaha wa nda ganga? Nda dambidza bwaha? Nda vugula vikukula ku mukono gwa bwaha, kuduka ku vakulidza navyo tsimoni tsyange na nda virannye ku mwinye.