Hosea 12:6 - KITABU KITAKATIFU

⁶ Kigira yaga girunkana u yeke ku Nyasaye wowo: u linde tsimbabasi nelikalaga, kandi u lindirire Nyasaye wowo kazozo.

Hosea 12:6 ပူးပေါင်းရင်းမြစ်များ

Litanga 49:18

Inze nindiriye ubuhonyi bwubwo, O Yahova.

Zaburi 123:2

Henza, kuli tsimoni tsyavatugwa tsi yekanya ku mukono gwava nene wavo Na kuli tsimoni tsyomukana mutugwa tsi yekanga ku mukono gwa munene wewe wekikali; Ni ndiyo tsimoni tsyetu tsi yekanga ku Yahova Nyasaye wetu, A luhe a ku vere tsimbabasi

Zaburi 27:14

U lindirire Yahova: U ve mugulu, na u leme mwoyo; Yee, u lindirire Yahova.

Zaburi 37:7

Wehodzeridze mu Yahova, na u mu lindirire nelyekudzira: Mwoyo gu ta ku samba kigira uyu u nyolanga bulahi ku inzira yeye, Kigira mundu a dukidza tsiganagani tsindamano.

Kutwula 3:15

Kandi Nyasaye ya volera Musa, U la volera avana va Israeli inkuva yiyi, Yahova, Nyasaye wa avaguga venyu, Nyasaye wa Abrahamu, Nyasaye wa Isaka, na Nyasaye wa Yakobo, u ntumi ku mwinye: yili ni lieta lyange mihiga nemihiga, kandi ni lyokunzidzulitsira kuduka makula gosi.

Tsing'ano 1:23

Mwegirunkannye kigira ligondoka lyange: Henza, nda mu tsukira roho wange Nda mu mannya makuva gange.

Tsing'ano 21:3

Kukola agobulungi na agelikalaga Ga yanzidza Yahova kuvita kihaanwa.

Isaya 1:16

Mweyogidze, mwetakase; mu twulidze ubudamano bwelikola lyenyu imbiri wetsimoni tsyange; mu leke kukola ubudamano;

Isaya 30:18

Kigira yaga Yahova a la lindirira, a duke kumuvera tsimbabasi; kandi kigira yaga a la kuminywa, a duke kuvererera mwinye: kigira Yahova a veye Nyasaye welikalaga; va veye nobugasu vosi ava mu lindiriranga.

Isaya 31:6

Mu girunkane mu yeke ku uyu wa mu tinguhi ligali, O avana va Israeli.

Isaya 40:31

Navutswa yava ava lindiranga Yahova va lirannya ubuhya bwetsingulu tsyavo; va lanegira igulu netsimbaha kuli kihungu; va la nyagula bugira kuluha; va la genda na si va la kudza myoyo mba.

Isaya 58:6

Yili si li veye lihonga lya inze ntovola: kuboholola vibohero vyobudamano, kudendeyidza vibohero vyenira, kuleka yavo avadambidzangwa, va ve avaboholole, kandi mu vunannye tsinira tsyosi?

Isaya 8:17

Na nda lindirira Yahova, uyu u visanga mmoni mwi mwe ku inyumba ya Yakobo, na nda mhenzererera.

Jeremia 22:15

Ive u lameha, kigira u hing'ana kuduka kuguuta nemitaragwa? Dada wowo si ya lia nokunwa, nokulomba likalaga nobulungi? Kunangwa bwa li ubulahi kuye.

Ezekieli 18:30

Kunangwa kigira yaga, nda kalagira mwinye, O inyumba ya Israeli, sa mulala kuli tsinzira tsitsye, Mwami Nyasaye a vola. Mwirane, mu girunkane nokuleka amahyolo genyu gosi; na ndiyo ubwoneku bu la vula kuva ku mwinye.

Hosea 10:12

Mwimidzere avene mbulungi, mu gese kuli tsimbabasi; mu lime mulimi gwenyu gu ta limangwa; kigira niyo inyinga yokwenya Yahova, a duke kukupidza ubulungi ku mwi nye.

Hosea 14:1

O Israeli, wirane ku Yahova Nyasaye wowo; kigira u gwiye mbudamano bubwo.

Hosea 4:1

Mu hulire likuva lya Yahova, mwinye avana va Israeli; kigira Yahova a veye nelihing'ana ku vamenyanga mkivala yikyo, kigira si ha veye na geligali, kinga tsimbabasi, kinga limanya Nyasaye mu kivala.

Joeli 2:12

Navutswa kali kalunu, Yahova a vola, Mu girunkane, mu yeke ku inze nomwoyo gwenyu gwosi, kandi nelihonga lilia, nelilira, nelisyoma:

Joeli 2:13

Mu tandule mwoyo, mu ta tandula tsingubo tsyenyu, mwirane ku Yahova Nyasaye wenyu; kigira uyu a veye netsimbabasi na livererera, si a vihirirangwa bwangu, a veye netsimbabasi tsinyingi, na yeganiranga ku kivi.

Amosi 4:13

Kigira, henza, uyu wa lomba vigulu, nokulomba imbuudza, nokutivulira mundu ga a ganagana: u kolanga mugamba kugwa kisundi, nokuduvaga ha diguluku helirova Yahova, Nyasaye wa mahe, li veye lieta lilye.

Amosi 5:24

Navutswa likalaga li sunduke kuli amadzi, nobulungi kuli mugera munene.

Mika 6:8

Uyu u vuuliranga ive, O mundu, aga veye malahi; na Yahova yenyanga kindu ki ku ive, ni ga ta li likola ubulungi, nokuyanza tsimbabasi, nokugenda nobuhooma halala na Nyasaye wowo?

Mika 7:7

Navutswa mu makuva gange, nda henza Yahova; nda lindirira Nyasaye wobuhonhyi bwange: Nyasaye wange a la mbulira.

Habakuk 2:3

Kigira malola yaga kali kalunu ga veye genyinga ya lagwa, na ga kolanga bwangu kuduka ku kiheri, na si ga la vola ububehi mba: kali ni ga lindagira, u ga lindirire; kigira ligali ga ladza, si ga la lindagira mba.

Zefania 3:8

Kunangwa mu lindirire inze, Yahova a vola, kuduka ku lidiku lya ndivukira lihima; kigira ndi saaviyi kuvungidza halala avetsihiri, nduke kuvugannya halala ubwami, ntsuke ubutima bwange kuvo, kali ubutima bwange ubululu bwosi; kigira lirova lyosi li la sambwa nomuliru gwelikendeka lyange.

Zekaria 1:3

Kunangwa u va volere, Yahova wa mahe a vola, Mu galuke ku inze, Yahova wa mahe a vola, na inze nda galuka ku mwinye, Yahova wa mahe a vola.

Zekaria 7:9

Yahova wa mahe a vola yaga, na a vola, Kalaga likalaga lyeligali, na mu ve netsimbabasi nelivererera mundu sa mulala na avamwavo veve:

Zekaria 8:16

Yaga namakuva ga mu li kola: Mu volerane samulala nomutende wewe makuva geligali; mu kalage likalaga lyeligali nemirembe mu viribwa vyenyu;

Vikolwa 2:38

Petro ya va rolera, Mweganire, mu batdziwe mwosi mu lieta lya Yesu Kristo, mu nyole ubusamehi bwobwoni bwenyu; kandi mu la vugula kihaanwa kya Roho Mutakatifu.

Vikolwa 26:20

navutswa ku matsyambiri ndilwadza ku va Damasko, kandi mu Yerusalemi nomu kivala kyosi kya Buyuda kyosi, kandi ku vandu ve Tsihiri, veganire, va yeke ku Nyasaye nokukola miyinzi gyi dukana nobweganiri.

Yakobo 1:27

Idini ya Nyasaye indahi i ta li nobudamano imbiri wa Nyasaye na Dada wetu ni yiyi, kutsia ku yavo avabisandu noku vakunzakali mu likupa kivi lyavo, nokwilinda ligali mwene a ve bugira imbala yevyelirova.

Yakobo 2:13

Kigira likalaga si li veye netsimbabasi ku uyu u ta li netsimbabasi: tsimbabasi tsiidzominyanga ku likalaga.