Hosea 12:11 - KITABU KITAKATIFU

¹¹ Gileadi ki veye ubudamano? Yavo va veye mwika vutswa; ha Gilgali viitanga tsigiriki; yee, ubwali bwavo bu gwiye kuli vitumi mu amakindi gomulimi.

Hosea 12:11 ပူးပေါင်းရင်းမြစ်များ

1 Avami 17:1

Na Elija Mutishibi, wa li mu yavo va menya ha Gileadi, ya volera Ahabu, Kuli Yahova, Nyasaye wa Israeli, a veye mwoyo, wa inze singiye imbiri wewe, si ha la va nelime kinga imbula ku mihiga yigyi, ni ga ta li kuli likuva lyange.

2 Avami 17:13

Halala na yaga Yahova ya lolekidzira Israeli, na Yuda, na a va volera nomunwa gwomuprofeti sa mulala, na valoli sa mulala, na a vola, Mu girunkane mu leke tsinzira tsyenyu tsindamano, mu gumire malago ganga nemiima gyange, kuli lilaga ya nda laga vaguga venyu, nalya nda leta ku mwinye nomukono gwavatumekiri vange avaprofeti.

Jeremia 10:15

Vi veye vya vutswa, miyinzi gyobugotidzi: inyinga yelidukirwa lyavo vi la diva.

Jeremia 10:8

Navutswa va veye kuli tsinyama nobusiru halala: lyegidza lyevifwananyi li veye kitinya kyomusala vutswa.

Jeremia 2:20

Kigira inze mu madiku ga kale nda vunannya inira yoyo, nokukalanya vibohero vivyo; na ive wa vola, Si nda tumika mba; kigira winama, nokulonda ubuheyi ku kigulu sa kilala kitambi, na isi womusala sa mulala gwa matu mavisi.

Jeremia 2:28

Navutswa avanyasaye vovo va wa lomba va veye haliha? Va vuke, ni va va ni va nyala kukuhonnya inyinga yekivi kikyo: kigira avanyasaye vovo livalidzwa lyavo li leng'ana nelivali dzwa lyamadala gogo, O Yuda.

Ezekieli 17:2

Ivemwana womundu, kupa lugano, na u volera inyumba ya Israeli lugano;

Hosea 10:1

Israeli a veye muzabibu munetu, gwamanga makuyu: kuli ubunyingi bwamakuyu gagwo ni ndiyo kandi a medanga ubwali bwibwe; kuli ubulahi bwekivala kyavo bu veye va lombi ndiyo tsitiru tsindahi.

Hosea 10:2

Mwoyo gwavo gwavukani; kalunu va la loleka kuva avahyoli: a la duya ubwali bwavo, a lononnya tsitiru tsyavo.

Hosea 4:15

Kali ive Israeli wekola wamalaya, Yuda a vule kwona; na mwinye mu la vula kuduka ha Gilgali; kandi mu tanegira Bethaven, kandi mu la vula kwisuha, ku vola, Kuli Yahova a veye mwoyo.

Hosea 6:8

Gileadi li veye lidala lya yavo ava kolanga budamano, li vikeywi kilolero kyamasahi.

Hosea 8:11

Kigira Efiraim u medi bwali bu ve bwobwoni, bwali bu veye kuye bwobwoni.

Hosea 9:15

Budamano bwavo bwosi bu veye mu Gilgali; kigira nda va dunyi'ra yo: kigira ubudamano bwelikola lyavo nda va kunga va twule mu inyumba yange: si nda va yanza kandi mba; avanene vavo vosi va veye avatingu.

Amosi 4:4

Hamba ha Betheli, mu kole mahyolo; hambi Gilgali, mu mede mahyolo; na mu lete tsisadaka tsyenyu mugamba nornugamba, netsizaka tsyenyu mu lete ku lidiku li kola gavaka;

Amosi 5:5

navutswa mu tenya Betheli, kandi mu tingira mu Gilgali, na mu ta vita kutsia Beer sheba: kigira ligali Gilgali li la tsia mu butugwa, na Betheli li la va mwika vutswa.

Jona 2:8

Yava ava henza vyabutswa vyobubehi Veyahula neliverererwa lyavo avene.

Livalidza 12:6

Na ya va volera, Mu hulire kalunu makuva gange: na a va na a veye ho muprofeti hagati henyu, inze Yahova ndelolekidza kuye mu malola, na nda volerana naye mu maloto.