Hosea 11:6 - KITABU KITAKATIFU

⁶ Na kivavi ki la gwa ku madala gavo, nokusamba vihaniru vyago, nokuvalia, kigira makuva gavo avene.

Hosea 11:6 ပူးပေါင်းရင်းမြစ်များ

Zaburi 106:39

Na ndiyo va nyola ubudamano ku miyinzi gyavo, Na vekola avene kuva avamalaya ku vikolwa vyavo.

Zaburi 106:43

Hali kanyingi ya va honnya; Navutswa vali nobwebaali mu livola lyavo, Na va gehidzirwa ligali mu mahyolo gavo.

Isaya 18:5

Kigira imbiri weligesa li kikiri kuva ho, vimuli ni vi mali kuvunguluka, nevimuli ni vi gwiye mazabibu genga, a la kalaga visivu netsinkonono, na tsisya tsya tavalala a la tsi halula.

Isaya 27:10

Kigira lidala lyetsingulu li tigaye lyere, bumenyo bu lekwa hang'anye, kuli mwigendanyama: ha zana kimoli ki laya, ki la gona ha zana, nokulia tsisya tsyalyo.

Isaya 30:1

Ubudamano bu ve ku avana vobutingu, Yahova a vola, yavo avenyanga makuva, navutswa si venyanga agange; avekunika kikuniko, navutswa si ki veye kya Roho wange, va duke kumeda ubwoni ku bwoni;

Isaya 9:14

Kigira yaga Yahova a la kalaga mu Israeli mutwe nomukira, litu lyelikindu no mberani, mu lidiku lilala.

Jeremia 5:17

Va la lia ligesa lilyo, nobukima bubwo, ubwa, dukira ava na vovo vayai navakana kulagira; va la lia vyayo vivyo vyamagondi netsing'ombe; va la lia mizabibu gyigyo nemikuyu gyigyo: va la sambulannya madala gogo getsingaga, aga wa li ni wa suuvira, va la ga sambulannya nekivavi.

Jeremia 50:35

Kivavi ki veye ku Vakalidei, Yahova a vola, noku va menyanga Babuloni, noku vanene veve, noku avageeri veve.

Lisyoma lya Jeremia 2:9

Viribwa vivye vya sikira hasi; ya dividza nokuvunannya miluguyu gyavyo; Mwami wewe na vanene veve va veye mu tsihiri tsyelilaga li ta veye mutsyo; Yee, avaprofeti veve si va lolanga malola ga twulanga ku Yahova.

Ezekieli 20:47

u volere mulitu gwa Ku sini, Hulira likuva lya Yahova: Mwami Nyasaye a vola ndi, Henza, nda fwana muliru mu ive, na gu la samba misala gyosi mivisi mu ive na misala gyosi myumu: lumemo iwomuliru gwaakanga gu la vula ku siminywa, nommoni mwosi kutwula kusini kuduka kasikasini mu la sambwa nomuliru zana.

Hosea 10:14

Kunangwa liyoga li la twula hagati ha avandu vovo, na tsimpinga tsitsyo tsyosi tsi lononywa, kuli Shalimani yononnya Betharabeli mu lidiku lyobulwani: mama navana veve vosi va shonolanywa.

Hosea 10:6

Kandi ki la hilwa kuduka Asuria kuva kihaanwa kyokuha mwami Jarebu: Efiraim a la nyola tsisoni, na Israeli a la va isoni ku makuva gege mwene.

Hosea 13:16

Samaria li levika ama hyolo galyo; kigira litinguhi ku Nyasaye walyo: va la gwa ku kivavi; avana vadoto vavo va la shonolanywa, navakali vavo va veye inda va latanywa.

Hosea 4:16

Kigira Israeli u koli bwibaali, kuli iroli yobwibaali: kalunu Yahova a la va lihidza kuli mwana weligondi mu ubwiyangu bunene.

Hosea 4:17

Efiraim u hambannyeywi nevifwananyi; u mu leke a ve.

Kyavalevi 26:25

Na nda leta kivavi ku mwinye, ki li vanza kisalya kyelilagana; na mu la vuganywa halala mu madala genyu: na nda leta a lukudzo ludamano hagati henyu; na mwinye mu la vikwa mu mukono gwa avasigu venyu.

Kyavalevi 26:31

Na nda kola madala genyu ga gwe vyanyi, na hatakatifu henyu, nda kola hatswa, na si nda funyeridza lifunya lyomwayu gwenyu.

Kyavalevi 26:33

Na nda mu salanya hagati hetsihiri, na nda somola kivavi kumulonda: na kivala kyenyu ki la va kya vutswa, na amadala genyu ga la gwa vyanyi.

Amosi 6:8

Mwami Nyasaye wesuhira, Yahova, Nyasaye wa mahe, a vola: Mbihirirwa luyai lwa Yakobo, nokudunyira tsinyumba tsyobwami tsitsye; kunangwa nda twulidza lidala halala na vyosi vi veye mulyo.

Mika 5:11

na nda twulidza madala gekivala kikyo, netsimpinga tsitsyo tsyosi nda tsi tsoma hasi.

Malaki 4:1

Kigira, henza, lidiku lidzanga, lyaakanga kuli kisambiru; na vosi avoluyai, na vosi avakolanga miyinzi gyobudamano, va la va uluvuva; na lidiku lidzanga li la va samba, Yahova wa mahe a vola, kali li la vula kuvalekera kitinya kinga lusya.

Kwidzulitsa 28:52

Navo va la kwigalira mu viribwa vivyo vyosi kali madigi gogo amatambi getsingaga, aga wa suuvira, gike, mu kivala kikyo kyosi, tsimbega tsyosi na a la kwigalira mu viribwa vivyo vyosi tsimbega tsyosi mkivala kikyo kyosi, kya Yahova Nyasaye wowo ya ku ha.

Kwidzulitsa 32:25

Kyova kivavi ki la vononya, Mu inyumba litihidza; Vyononya mwana muyai nomwana mukana, U nunanga, halala nowetsimbudzi.