Hosea 11:3 - KITABU KITAKATIFU

³ Navutswa ndegidza Efiraim kugenda nevirenge; nda mu gingira mma kono gange; navutswa si va manya inze nda va honnya.

Hosea 11:3 ပူးပေါင်းရင်းမြစ်များ

Zaburi 107:20

A tuma likuva lilye, na a va honnya Kandi a va twulidza mu lidividzwa lyavo.

Kutwula 15:26

naye ya vola, nu u va nu u huliranga ligali mwoyo gwa Yahova Nyasaye wowo, nokukola aga veye malungi imbiri wewe, nokutegidza amatu gogo kuhulira malago gege, nokugumira miima gyigye, si nda vika ku ive ubulwaye kali bulala ku bwa nda vika ku Avaegepeti: kigira mbeye Yahova ku honnyanga.

Kutwula 19:4

Mu loli aga nda kolera Avaegepeti, na kuli nda mu ginga ku tsimbaha tsyendidzu, na nda mu leta ku inze mwene.

Kutwula 23:25

Na mu la tumekira Yahova Nyasaye wowo, naye a la ku gasidzira vyokulia vivyo na amadzi gogo; kandi nda twulidza ulukudzo iu ta va hagati hoho.

Isaya 1:2

Mu hulire, O migulu, na u tegidze ugutu, O lirova: kigira Yahova u voye: Inze mmali kulageridza nokukulidza avana, navo vebaaye ku inze

Isaya 30:26

Kuvita yaga ubulavu bwomweli bu la leng'ana nobulavu bweliuva, nobulavu bweliuva bu la medeka hali gatano na gaviri, kuli ubulavu bwa madiku gatano na gaviri, mu lidiku lya Yahova a boha maduya gavandu veve, nokuhonnya liduya lyobutumiti lyavo.

Isaya 46:3

Mu hulire inze, mwinye inyumba ya Yakobo, na va tigala vosi avenyumba ya Israeli, ava nda vugula kutwula mu livulwa lyavo, ava gingwa kutwula munda;

Isaya 63:9

Mu lidambi dzwa lyavo lyosi uyu ya dambidzwa, na ingelosi yommoni mwimwe ya va honnya: mbuyanzi bwibwe na mu tsimbabasi tsitsye ya va tungira; na ya va ginga, na ya va hila madiku gosi ga kale.

Jeremia 30:17

Kigira inze ndirannya ku ive ubulamu bubwo, nda ku honnya tsing'oma tsitsyo, Yahova a vola; kigira va ku langa wakungwa, ua rola, Liveye Zioni, li ta veye ho nomundu u lyenyanga.

Jeremia 8:22

Si ha veye nolu nyasi mu Gileadi? Si a veye yo mwahi? Kigira ki ubulamu bwomkana wavandu vange bu vuli kwiranywa?

Hosea 14:4

Inze nda honnya lirana inyima Ivavo, nda va yanza nomwoyo gwosi; kigira livihirirwa lyange li twuli kuye.

Hosea 2:8

Kigira uyu si a manya inze nda mu ha ubuswage, newaini, namagu ta, nokumeda kuye ifetha nethahabu, vya va tumekira Baal.

Hosea 7:1

Lwa nyanza kuhonnya Israeli, hene yaho ubudamano bwa Efiraim bu lang'aminyeywi, na ububi bwa Samaria; kigira va kola ububehi, nomwivi yingiranga mugati, nekiduma kyavanuli vononnyanga kyova.

Hosea 7:15

Kali inze ni nda vegidza nokuvavika tsingulu mu makono gavo, navutswa va saavira budamano ku inze.

Vikolwa 13:18

Kandi ya va ha vyokulia kuli ise a lera, kuduka mbula mihiga amakumi gane, mu kyangalangwi.

Kwidzulitsa 1:31

na mukyangalangwi, ha wa lola kuli Yahova Nyasaye wowo a ku ginga, kuli mundu a ginganga mwana wewe, ku inzira yosi ha mwa tsia, kuduka hano.

Kwidzulitsa 33:27

Nyasaye wemihiga nemihiga niye ubumenyo bubzoo, Namakono gemihiga nemihiga ga veye isi wowo. Naye ya twulidza musigu imbiri li wowo, Na a vola, Wononye.

Kwidzulitsa 8:2

Na u lidzulitsa inzira yosi ya Yahova Nyasaye wowo ya kwimirira mihiga makumi gane mu kyangalangwi, a duke kukugehidza, nokukugeridza, a manye aga veye mu mwoyo gugwo, kuli ni wenyanga kugumira amalago gege, naho mba.