11 Va ladza ni va degera kuli linyonyi li twula Egepeti, na kuli likuulu li twula mu kivala kya Asuria; na nda vikalidza mu tsinyumba tsyavo Yahova a vola.
Ga la va ku lidiku yilyo, Yahova a la hila mukono gwigwe hali kaviri a duke kandi kunyola avandu veve va tigala, kutwula Asuria, nokutwula Egepeti, nokutwula Pathrosi, nokutwula Kushi, nokutwula Elam, nokutwula Shinaru, nokutwula Hamathu, nokutwula mu visulu vyomu inyanza.
Na va ladza nokwimba mu hadiguluku ha Zioni, na va la londekana halala va tsie ku bulahi bwa Yahova ubuswage, newaini, namaguta, noku avana vamagondi, noku vimoli: nomwoyo gwavo gu la va kuli mulimi gwa samwa; na si va la vererera kandi mba.
Na musala gwomulimi gu lama makuyu gagwo, nekivala ki lama limedeka lyakyo, na va la menya nemirembe mu kivala kyavo; na va la manya inze mbeye Yahova, lwa mbunannya miluguyu gyenira yavo, na nda va honnya va twule mmukono gwa yavo ava va tuga.
Na si va la va vilanye vyetsihiri kandi, kandi tsinyama tsyekivala si tsi la va lia kandi mba; navutswa va la menya nemirembe, na si ha la va no nyala kuvatihidza.
U va volere, Mwami Nyasaye a vola ndi: Henza, nda vugula avana va Israeli va twule hagati hetsihiri, tsya va tsia mu, na nda va vungidza tsimbega tsyosi, noku va leta nokuvavika mkivala kyavo avene:
Va la menya mu kivala kya nda ha mutumekiri wange Yakobo, kya vaguga venyu va menya mu; navo va la me nya mukyo, yava, na avana vavo, na visukulu vavo, kazozo: na mutumekiri wange Daudi a la va munene wavo madiku gosi, kuduka mihiga nemihiga.
na lwenyima avana va Israeli va la galuka, nokwenya Yahova Nyasaye wavo, na Daudi mwami wavo, na va ladza nobutii ku Yahova noku bulahi bwibwe mmadiku gekiheri.
Kandi nda va leta kutwula mkivala kya Egepeti, nokuvavungidza kutwula mkivala kya Asuria; na nda va vika mu hivala kya Gileadi na Lebanon; nobuiyangu si bu la loleka bwokuvaduka.