Hosea 11:10 - KITABU KITAKATIFU

¹⁰ Va la londa Yahova, a la fwuma kuli king'ang'a, kigira a la fwuma, navana va ladza kutwula imadioli ni va degera.

Hosea 11:10 ပူးပေါင်းရင်းမြစ်များ

Ayubu 37:1

Yee, mwoyo gwange gu degeranga ku yaga, Na gu twulidzwa mbugono bwagwo.

Zaburi 119:120

Mubiri gwange gu degeranga kigira ubutii bwokutia ive; Na mbeye nobutii ku likalaga lilyo.

Zaburi 2:11

Mu tumekire Yahova nobutii Mu sangale nelidegera.

Isaya 11:11

Ga la va ku lidiku yilyo, Yahova a la hila mukono gwigwe hali kaviri a duke kandi kunyola avandu veve va tigala, kutwula Asuria, nokutwula Egepeti, nokutwula Pathrosi, nokutwula Kushi, nokutwula Elam, nokutwula Shinaru, nokutwula Hamathu, nokutwula mu visulu vyomu inyanza.

Isaya 2:5

O inyumba ya Yakobo, hambi, ku gende mu bulavu bwa Yahova.

Isaya 31:4

Kigira Yahova a mbolera likuva yili, Kuli king'ang'a neking'ang'a kisoleli vi fwumanga ku lihima lyavyo, ni va langwa avayi vanyingi kutsia kukikuya, si ki la tia myoyo gyavo, kandi si ki legehidza ku luku lwavo: ga la va ndiyo Yahova wa mahe a la sulunguta ku kigulu kya Zioni kulwana, nomu kagulu kakyo.

Isaya 42:13

Yahova a la twula kuli mundu wanyala: a la vukidza ubugulu kuli mundu wobulwani: a la hanzuka, yee, a la kupa lwanga; a la kola vindu vyetsingulu ku vasigu veve.

Isaya 49:10

Si va la lola inzala kandi si va la va nobuluhu; kandi uluya kinga liuva si i la va samba: kigira uyu wa va vemrera a la vimirira, na a la va hila himbi visenukiru vyamadzi.

Isaya 64:2

kuli lwa muliru gu sambanga luvonga lwomu mulitu, na muliru gu viridzanga amadzi; kuduka kuvuulira avasigu vovo lieta lilyo avetsihiri va duke kudegera imbiri wowo

Isaya 66:2

Kigira makono gange ga lombi vindu yivi vyosi, ni ndiyo vya li ho vindu yivi vyosi. Yahova a vola: navutswa nda henza ku mundu uyu, yee, uyu u veye mudaka na womwoyo gwelyeganira, welidegera kigira likuva lyange.

Isaya 66:5

Mu hulire makuva ga Yahova, mwinye ava degeranga kigira makuva gege: Avamwavo venyu ava dunyira mwinye, ava syuva mwinye kyova kigira lieta lyange, va voye, Yahova a kuminywe, kuduke kulola ubuyanzi bwenyu; navutswa ni yavo va la va isoni.

Jeremia 2:2

Tsia, u hanzuke mu amatu ga Yerusalemi, kuvola, Yahova a volanga he, Ndzi dzulitsanga ku makuva gogo amalahi agobusoleli bubwo, nobuyanzi bweli kwebwa lilyo; kuli wa nonda mu kyangalangwi, mu kivala ki ta tagangwa mu ubugutsa.

Jeremia 25:30

Kunangwa kigira yaga u profete makuva yaga gosi kuvo, u va volere, Yahova a la fwuma kutwula igulu, a la twulidza mwoyo gwigwe kutwula ha bumenyo bwibwe butakatifu; a la fwuma ligali ku kego kikye; a la hanzuka, kuli yavo ava duvaganga mazabibu, ku yavo vosi ava menyanga mu lirova.

Jeremia 31:9

Va ladza nelilira; na nda vimirira nelisaala: nda va gendidza himbi nemigera gyamadzi, ku inzira inungi ya va la vula kwikigitala ku; kigira inze mbeye dada wa Israeli, na Efiraim a veye wokutanga kwivulwa wange.

Jeremia 33:9

Lidala yili li la va lieta lyobuyanzi ku inze, kuva lidzominya nobukumi irnbiri wavetsihiri tsyosi tsyomu lirova, yitsi tsi li hulira amakuva gobulahi yibwo bwosi bwa mba kolera, va la tia nokudegera kigira ubulahi yibwo bwosi, kandi kigira mirembe yigyo gyosi gya ndi nyolera lidala yilt.

Jeremia 5:22

Si mu tia inze? Yahova a vola: si mu degera imbiri wommoni mwange, inze wa vika muyeke kuva lwako lwenyanza, ku lilaga li singiranga madiku gosi, i vule kunyala kuvita? Kali viguvuli vyayo ni vyehinula, si vi nyala kuguuta; kali ni vi luuma, si vi nyala kuvita kulwo.

Jeremia 50:4

Mu madiku yago, inyinga yeyo, avana va Israeli va ladza, Yahova a vola, yavo navana va Yuda halala; va la tsia ku inzira yavo nelilira, nokwenya Yahova Nyasaye wavo

Jeremia 7:6

mu vule kudambidza umugeni, nomubisandu, nomukunzakali, kinga kutahidza masahi ga ta li nekindu hang'o hano, kinga kulonda vanyasaye vandi ku busaliri bwenyu avene:

Jeremia 7:9

Mu liba, nokwiita, nokuheya, nokwisuha ku bubehi, nokuvuyidze vimuli ku Baal, nokulonda vanyasaye vandi ava mu ta manya,

Ezekieli 26:16

Inyinga yeyo avanene vosi avenyanza va lika ku tsintebe tsyavo tsyobukumi, na va la vika ha haluvega tsinjoho tsyavo na va la navula tsingubo tsyavo tsyobung'olang'ole: va levika lidegera; va likala hasi, nokudegera idagika sa indala, nokuge nyera ive.

Hosea 3:5

na lwenyima avana va Israeli va la galuka, nokwenya Yahova Nyasaye wavo, na Daudi mwami wavo, na va ladza nobutii ku Yahova noku bulahi bwibwe mmadiku gekiheri.

Joeli 3:16

Na Yahova a la huuma kutwula mu Zioni, na a la vola kutwula Yerusalemi, na ligulu na li rova li la degera: navutswa Yahova a la va ubuhaliru bwa avandu veve, na a la va lugaga lwa avana va Israeli.

Amosi 1:2

Na ya vola, Yahova a la fwuma mu Zioni, na a la kupa lwanga mu Yerusalemi; na vyayiru vyavayi vi la syoma, na isonga ya Karimeli i la niala.

Amosi 3:4

King'ang'a ki la fwuma mmulitu lwa ki ta veye mu lihima? King'ang'a kisoleli ki la loka ha bumenya bwakyo bugira kugumira kindu?

Amosi 3:8

King'ang'a ki mali kufwuma; ni bwaha u ta tia? Mwami Nyasaye a voye, ni bwaha u nyala kuvula ku profeta?

Mika 4:5

Kigira avandu vosi va genda sa mulala mu lieta lyomunya saye wewe; navutswa kwinye ku la genda mu lieta lya Yahova Nyasaye wetu mihiga nemihiga.

Habakuk 3:16

Inze nda hulira, na mubiri gwange gwa degera, Minwa gyange gya degera kigira mwoyo gwigwe; Ubugundu bwingira mu vigumba vyange, na nda degera mbugono bwange; Nduke kusosa mu lidiku lyekivi, Inyinga yelyanegira lyavandu va ku twulira nelihe.

Zekaria 10:10

Kandi nda va leta kutwula mkivala kya Egepeti, nokuvavungidza kutwula mkivala kya Asuria; na nda va vika mu hivala kya Gileadi na Lebanon; nobuiyangu si bu la loleka bwokuvaduka.

Zekaria 10:12

Nda va vika tingulu mus Yahova; na va la genda yiyi na yiyi mu lieta lilye, Yahova a vola.

Zekaria 8:7

Yahova wa mahe a vola: Henza, nda honnya avandu vange va twule mu kivala kyoluvega lwevugwe, na kivala kyoluvega lwe madioli;

Yohana 8:12

Kunangwa Yesu ya va volera kandi, na a vola, Inze nibwo ubulavu bwavomkivala: u nondanga si a li genda mu kisundi, navutswa a la va nobulavu bweliva mwoyo.

Vikolwa 24:25

Paulo lwa yilwadza ku bulungi, kandi ku kwelinda bulahi, nelikalaga lidzanga, ubutii bunyingi bwa gumira Felike, kandi ya tivula na a vola, Kalunu u tsie; na inze lwa na ndole ubwiyangu na nku lange.

Varumi 8:1

Kunangwa kigira yaga kalunu si ha veye nelikalagirwa lidamano ku yavo ava veye mu Kristo Yesu, ava ta genda kuli liva lyomubiri, navutswa kuli liva lya Roho.

2 Petro 2:10

navutswa kuvita ni yavo ava londanga mu mubiri mu likayirwa lyekifwabwi, nokulega ubwamehi. Avobuluviriri mu budamano, avahingi, ava vula kudegera ku livola amanyego ku ga kuminyangwa:

Likunula 10:3

kandi ya hanzuka nomwoyo munene, kuli king'ang'a ki fwumanga: lwa ya hanzuka tsinkupa tsitano na tsiviri tsya vola myoyo gyatsyo.