Hosea 11:1 - KITABU KITAKATIFU

¹ Lwa Israeli ya li mwana, nda mu yanza, na nda langa mwana wange kutwula Egepeti.

Hosea 11:1 ပူးပေါင်းရင်းမြစ်များ

Zaburi 129:1

Hali kanyinga va nkupidzi kivi kutwula lwa nkikiri mwana Kalunu Avaisraeli va vole,

Kutwula 19:4

Mu loli aga nda kolera Avaegepeti, na kuli nda mu ginga ku tsimbaha tsyendidzu, na nda mu leta ku inze mwene.

Kutwula 4:22

Na ive u la volera Farao, Yahova a volanga ndi, Israeli a veye mwana wange, munene wange.

Kutwula 4:23

Kandi nku voleye, U he mwana wange munwa a tsie, a duke kuntumekira; na ive nu u suye kumuha munwa a tsie, henza, ndiita mwana wowo, munene wowo.

Isaya 43:4

Kigira ive u veye wobuguli budinyu mbiri wetsimoni tsyange, no welidzominywa, na nku yanzi; kunangwa kigira yaga nda haana avandu mu bugono bubwo, netsihiri nda haana mu bugono bwelivamwoyo lilyo.

Jeremia 12:7

Inze mmali kuleka inyumba yange, nteye miyandu gyange; na mukali muyanze womwoyo gwange mmu viki mu makono gavasigu veve.

Jeremia 2:2

Tsia, u hanzuke mu amatu ga Yerusalemi, kuvola, Yahova a volanga he, Ndzi dzulitsanga ku makuva gogo amalahi agobusoleli bubwo, nobuyanzi bweli kwebwa lilyo; kuli wa nonda mu kyangalangwi, mu kivala ki ta tagangwa mu ubugutsa.

Ezekieli 16:22

Nomu kivihiri kikyo kyosi nevindu vivyo vya malaya, wa vula kwidzulitsa amadiku gobusoleli bubwo, inyinga wa li kyahonyo, si wa li nengubo yokwefuma, na wa galagala mu masahi gogo.

Ezekieli 16:6

Na lwa nda vita himbi nive, nokukulola na u galagalanga mu masahi gogo, nda ku volera, Kali nu veye mu masahi gogo, u ve mwoyo; yee, nda ku volera, Kali nu veye mu masahi gogo, u ve mwoyo.

Hosea 10:15

Ni ndiyo Betheli li la kolera mwinye kigira ubudamano bwenyu bunene: inyinga ya bu kya mwami wa Israeli a la heridzwa.

Hosea 12:13

Kandi Yahova ya twulidza Israeli mu Egepeti nomukono gwomuprofeti, na ya lindwa nomukono gwomuprofeti.

Hosea 12:9

Navutswa inze mbeye Yahova Nyasaye wowo kutwula ku kivala kya Egepeti; inyinga yindi nda ku mennya mmahema kandi kuli mmadiku gelilia litakatifu.

Hosea 13:4

Navutswa inze mbeye Yahova Nyasaye wowo kutwula ku kivala kya Egepeti; na ive u la vula kumanya Nyasaye wundi kali mulala na a ta li inze, si ha veye nomuhonnyi wundi u meda ku inze.

Hosea 2:15

Na nda mu ha milimi gyigye gyemizabibu kutwula ha zana, nelivona lya Akori kuva muhango gwelisuuviridza; naye a la tivulira yo, kuli ya kola mu madiku gobusoleli bwibwe, kandi kuli ya kola ku lidiku lya yanegira kutwula mu kivala kya Egepeti.

Malaki 1:2

Inze nyanza mwinye, Yahova a vola. Navutswa mu vola, U ku yanzira kuliha? Esau si ya li amwavo Yakobo? Yahova a vola: navutswa nda yanza Yakobo;

Matayo 2:15

na a menya yo likudza lya Herodi ni li luha ni li duka: ga duke kukolwa ago Mwami ya vola nomunwa gwomprofeti, na a vola, Nda langa mwana wange kumtwulidza mu Egepeti.

Kwidzulitsa 33:3

Ligali a yanza tsihiri tsyavandu; Avatakatifu veve vosi va veye mmukono gugwo; Navo vikala ha virenge vivyo; Sa mulala va la vugula amakuva gogo.

Kwidzulitsa 7:7

Yahova si ya vika ubuyanzi bwibwe ku mwinye, kinga si ya mu tovola, kigira mwa vita ihiri yindi ku tsyosi nobunyingi; kigira mwa li vakekeke kuvita avandu vosi: