Hosea 10:6 - KITABU KITAKATIFU

⁶ Kandi ki la hilwa kuduka Asuria kuva kihaanwa kyokuha mwami Jarebu: Efiraim a la nyola tsisoni, na Israeli a la va isoni ku makuva gege mwene.

Hosea 10:6 ပူးပေါင်းရင်းမြစ်များ

2 Avami 17:3

Shalimanezeru mwami wa Asuria yanegira kulwana naye; na Hoshea ya gwa mutumekiri wewe, na ya mu hilira ubushutu.

Ayubu 18:7

Tsinduvatiru tsyetsingulu tsitsye tsi la vikwa mu kivi, Na makuva gege mwene ga la mu tsoma hasi.

Isaya 1:29

Kigira va la va netsisoni kigira misala gya mwa suuviranga, na mu la leganywa kigira milimi gya mwa tovola.

Isaya 30:3

Kigira yaga tsingulu tsya Farao tsi la va tsisoni tsyenyu, na lyevisa lyenyu mu kiriri kya Egepeti li la va kivihiri kyenyu.

Isaya 45:16

Va la va isoni, yee, va la genya vosi; yavo ava lombanga vifwananvi va lingira mu leganywa halala.

Jeremia 48:13

Na Moabu a la va soni ku Kemoshu, kuli inyumba ya Israeli ya li soni ku Betheli kisuuviri kyavo.

Jeremia 7:24

Navutswa si va hulira, kinga kutegidza amatu, navutswa va genda mu makuva gavo avene, na mu budinyu bwemyoyo gyavo midamano, na virana inyima, si va tsia imbiri mba.

Ezekieli 16:28

Kandi wa tumekira amalaya halala na Asuria, kigira si u nyala kwigutidzwa; yee, wa tumekira amalaya halala navo, navutswa kandi si wiguta.

Ezekieli 36:31

Hene yaho mu lidzulitsa tsinzira tsyenyu tsindamano, nevikolwa vyenyu vi ta li vilahi; na mu ledunyira avene mu tsimoni tsyenyu kigira budamano bwenyu kandi kigira kivihiri kyenyu.

Danyeli 11:8

Kandi avanyasaye vavo, na vifwananyi vyavo, vyelisalulwa, na viju vilahi vyavo vyefetha nevyethahabu, a la vi lanya nokuvihila mu Egepeti; kandi mihiga gyi duki, a legaya ku mwami wa kasikasini.

Hosea 4:19

Imbuudza i mu bohi mu tsimbaha tsitsye, na va la va isoni kigira vihaanwa vyavo.

Hosea 4:7

Kuli limedeka lyavo, ni ndiyo kandi mahyolo gavo ku inze ga leng'ana nalyo: nda girunkannya ubukumi bwavo bu duke kuva tsisoni.

Hosea 5:13

Lwa Efiraim a lola ubulwaye bwibwe, ka ndi Yuda lwa a lola litumite lilye, hene yaho Efiraim ya tsia Asuria, na ya tuma avandu ku mwami Jarebu: navutswa si a nyala kuhonnya mwinye, kandi si a nyala kuhonnya litumite lyenyu.

Hosea 8:6

Kigira kali mu Israeli inkuva yiyi i twulanga kuye; musidza ya ki lomba, si ki veye Nyasaye mba; yee, kimoli kya Samaria ki la vunannywa vidonye.

Mika 6:16

Kigira amalago ga Omri nigo ga gumirwa, nelikola lyosi lyenyumba ya Ahabu, na mu gendanga mu makuva ga yava: nduke kukukola hatswa, na yavo ava menyanga mu kukunukirwa: na mu la ginga linyegwa lyavandu vange.