Hosea 10:4 - KITABU KITAKATIFU

⁴ Va volanga makuva ga vutswa, ni visuha ku bubehi mu likola lilagana: kigira yaga likalaga lisebukanga kuli musala gwobululu mu lutsira lwomulimi.

Hosea 10:4 ပူးပေါင်းရင်းမြစ်များ

Isaya 5:7

Kigira kizabibu kya Yahova wa mahe ki veye inyumba ya Israeli, navasatsa va Yuda va veye muzabibu mulahi; naye ya henzerera likalaga lilungi, navutswa ya lola lidambidzwa; na ya henzerera ubulungi, navutswa ya hulira lilira.

Hosea 4:2

Si ha veye nekindu ni li ta li lyesuha, nobubehi nokwiita, nokwiba, nobuheyi; va twulira namasahi ga dira masahi.

Hosea 6:7

Navutswa yavo va mali kwononnya lilagana kuli Adamu: va koli ubugeeri bwobugadi ku inze.

Amosi 5:7

Mwinye ava girunkannyanga likalaga kuva kilulu, nokutsoma hasi ubulungi;

Amosi 6:12

Tsiparasi tsi la nyagula ku lwanda? Mundu a la lima yo netsing'ombe? Mu duke kugirunkannya likalaga li ve indulwi, namakuyu gobulungi kuva vilulu,

Vikolwa 8:23

Kigira nku lola u veye mu bululu kuli indulwi, kandi u veye mu libofwa lyobudamano

Varumi 1:31

ava ta li nelimanya, avononnya lilagana, ava ta li nobuyanzi bu dukana, ava ta li netsimbabasi.

Kwidzulitsa 29:18

gase ha la va nomundu hagati henyu musatsa, kinga mukali, kinga venyumba, kinga ihiri, womwoyo gwigwe gu girunkana lero kutwula ku Yahova Nyasaye wetu, kutsia kutumekira avanyasaye vetsihiri yitsyo; gase ki la va hagati henyu kitinya kivulanga ubululu nabisintho,

Kwidzulitsa 31:16

Na Yahova ya volera Musa, Henza, ive u la gona navaguga vovo; navandu yava va la vuka, nokukola ubuheyi ku lilonda vanyasaye vageni avekivala, kya va tsitsanga yo kuva hagati havo, va la ndeka, nokwononya lilagana lyange lya nda kola halala navo.

Kwidzulitsa 31:17

Hene yaho ubutima bwange bu laaka kuvo lidiku yilyo, na nda va leka, na nda visa mmoni mwange kuvo, va duke kumirwa, nobudamano bunyingi nekivi vi la duka kuvo, kuduka va vole lidiku yilyo, Ubudamano bunyingi yibu bu duki ku kwinye si ga veye kigira Nyasaye wetu si a veye hagati hetu?

2 Timoteo 3:3

ava ta li nobuyanzi bu dukananga, na va ta huliridzana, navahudziridzi, ava tegaya, avalulu, ava ta yanza ubulahi,

Vahebraina 12:15

mu henze bulahi gase a la va ho mundu kali mulala u geheye tsimbabasi tsya Nyasaye; gase kitinya kyobululu ki la sibuka nokumunyangidza, na ku yiki vanyingi va kolwe vadamano;