Hosea 10:13 - KITABU KITAKATIFU

¹³ Mu mali kulima budamano, mu gesi budamano; mu liye makuyu gobubehi; kigira wa suuvira inzira yoyo, ku bunyingi bwavandu vovo avo bunyali.

Hosea 10:13 ပူးပေါင်းရင်းမြစ်များ

Ayubu 4:8

Kuli inze ndolanga, yavo ava limanga ubudamano, Noku midza kivi, va gesanga kya zana.

Zaburi 33:16

Si ha veye nomwami u honnywa nobunyingi bwelihe: Kandi wetsingulu si yehonnya netsingulu tsitsye tsinene.

Zaburi 52:7

Henza, uyu a veye mundu wa vula kukola Nyasaye lugaga lwilwe, Navutswa ya suuvira ubunyingi bwobutugi bwibwe, Na yesingeridza mwene mu ubudamano bwibwe.

Zaburi 62:10

Mu ta suuvira lidambidza, Mu tegingira ku lilanya lyenyu: Ubutugi ni bu medeka, u ta bu vika mu mwoyo gugwo.

Tsing'ano 1:31

Kunangwa va la lia makuyu genzira yavo avene, Na va lizula makuva gavo avene.

Tsing'ano 12:19

Munwa gweligali gu la dinyiridzwa mihiga nemihiga; Navutswa ululimi lwobubehi lu veye lwedagika indala vutswa.

Tsing'ano 13:2

Mundu a la lia bulahi kigira makuyu gomunwa gwigwe; Navutswa mwoyo gwavetsimbemba gu la lia kirage.

Tsing'ano 19:5

Umuloli u volanga ububehi si a la vula kukalagirwa mba; Na uyu u volanga ububehi si a la hona mba.

Tsing'ano 22:8

Uyu u midza ubugutsa bwobudamano a la gesa ligesa lyobudivi; Na impimbo yobutima bwibwe i la hera.

Kohelethu 9:11

Na ndirana, nokulola isi weliuva, si va li yavo avetsimbiru ava guutanga mu ligerana, kinga mubulwani si va li avetsingulu ava guutanga, kandi si va li avobugeeri ava nyolanga vyokulia, kandi si va li avelimanya ava nyolanga ubutugi kandi si va li avasidza ava nyolanga liyanzidzwa; navutswa mundu sa mulala a veye ne inyinga yeye na inkavi yeye.

Isaya 17:11

Mu lidiku yilyo lya wa simika wa kumbiridza nolwevo, na mugamba wa lomba bugutsa bubwo bu lavidze vimuli; navutswa ligesa liruka mu lidiku lyobuvereri nelyobusaliri ubunene.

Hosea 11:12

Efiraim u nkumbiridza namakuva gobubehi, nenyumba ya Israeli i nkumbiridza nobugadi, navutswa Yuda kuduka kalunu yamehanga halala na Nyasaye, naye a veye musuuvirifu ku uyu Mutakatifu.

Hosea 4:2

Si ha veye nekindu ni li ta li lyesuha, nobubehi nokwiita, nokwiba, nobuheyi; va twulira namasahi ga dira masahi.

Hosea 4:8

Avene velihidzanga mu ubwoni bwavandu vange, na va vikanga mu myoyo gyavo ubudamano bwavo.

Hosea 7:3

Va yanzidzanga mwami nobudamano bwavo, na va yanzidzanga avanene namakuva gavo gobubehi.

Hosea 8:7

Kigira va midzanga imbuudza, na va la gesa kihudzudzi: si a veye nobuswage bu singiranga; limera lilye si li la leta ubusie; ni li va ni li leta, avageni va la bu mira.

1 Samweli 24:14

Mwami wa Israeli ya twula na a londerera bwaha? Na ive wa londerera bwaha? Wa londerera imbwa inkudzu, kinga kisiiri.