Hosea 10:12 - KITABU KITAKATIFU

¹² Mwimidzere avene mbulungi, mu gese kuli tsimbabasi; mu lime mulimi gwenyu gu ta limangwa; kigira niyo inyinga yokwenya Yahova, a duke kukupidza ubulungi ku mwi nye.

Hosea 10:12 ပူးပေါင်းရင်းမြစ်များ

Zaburi 105:4

Mwenye Yahova netsingulu tsitsye; Mwenye mmoni mwimwe kazozo.

Zaburi 72:6

A lika ku lirova kuli imbula i kupanga ku ubulimu bu kalageywi, Kuli imbula yamadzi mavovo ku lirova.

Tsing'ano 11:18

Mudamano yenyolera madanyi gobugadi Navutswa uyu u midzanga bulungi a veye namadanyi geligali.

Tsing'ano 18:21

Likudza na livamwoyo vi veye mu tsingulu tsyolulimi; Navo ava lu yanza va la lia makuyu galwo.

Kohelethu 11:6

Inyinga yomugamba taga bugutsa bubwo, na inyinga yomgolova u tigalira mukono gugwo mba: kigira si u manyi nobuliha ubu gasidzwa, ni yibu naho ni yibu, naho bwosi bu la duka kuleng'anabulahi.

Isaya 30:23

Naye a la haanira bugutsa bubwo imbula, bwa u li taga mu mulimi gugwo, na ubukima bwelimeda lyelirova, bu la va bunolu nokwama bunyingi: mu lidiku yilyo tsing'ombe tsitsyo tsi laya mu kyayo kyobwiyangu.

Isaya 31:1

Ubudamano bu ve ku yavo ava sulunguta Egepeti kunyola likonywa ava suuvira tsiparasi na va suuvira magari gobulwani kigira ga veye manyingi, va suuvira avanina tsiparasi kigira va veye avetsingulu, navutswa va vula kuhenza ku Uyu Mutakatifu wa Israeli, kandi si venya Yahova

Isaya 32:20

Mu veye nobugasu mwinye ava midzanga bugutsa ku luginga lwa madzi gosi, mwinye ava kilanga virenge vyetsing'ombe netsisukiri ha zana.

Isaya 44:3

Kigira nda tsuka amadzi ku uyu u veye nobuluhu, noku tsuka tugera mu kivala kyumu: nda tsuka Roho wange ku kisukululwi kikyo, nobugasu bwange nda tsuka ku yavo avolwivulu Iwulwo:

Isaya 45:8

Mu tonyatonya mwinye ligulu kutwula igulu, namalesi ga tsuke ubulungi hasi: kivala kyalame ki duke kuleta ubuhonnyi, na ki mere ubulungi halala; inze, Yahova, nda ki lomba.

Isaya 48:18

Nkano wa ka hulira amalago gange hene yaho mirembe gyigyo nkano gya ka va kuli mugera, nobulungi bubwo kuli viguvuli vyenyanza:

Isaya 5:6

nda ki kola hatswa; ki la vula kusemberwa, kinga kulimwa; navutswa ki la mera amafwa nolutavati: kandi nda laga malesi ga vuli kukupidza imbula kukyo.

Isaya 54:14

U la dinyeridzwa mu bulungi: u la va ihale ku lidambidza, kigira si u la tia mba; na ihale ku litihidza, kigira li la vula kwisunda himbi ku ive.

Isaya 55:6

Mwenye Yahova inyinga a nyoleka; mu mwanire lwa a veye ahimbi:

Jeremia 50:4

Mu madiku yago, inyinga yeyo, avana va Israeli va ladza, Yahova a vola, yavo navana va Yuda halala; va la tsia ku inzira yavo nelilira, nokwenya Yahova Nyasaye wavo

Ezekieli 34:26

Na nda va kola, halala na hosi ha kumbiridza kigulu kyange kuva ubugasu; nda leta ulunyirira ku inyinga yalwo; lu la va ho tsinyirira tsyobugasu.

Hosea 12:6

Kigira yaga girunkana u yeke ku Nyasaye wowo: u linde tsimbabasi nelikalaga, kandi u lindirire Nyasaye wowo kazozo.

Hosea 14:1

O Israeli, wirane ku Yahova Nyasaye wowo; kigira u gwiye mbudamano bubwo.

Hosea 6:3

Hene yaho ku la manya, ni ku va ni ku londerera kumanya Yahova: litwula lilye li veye lyeligali kuli mugamba; naye a ladza ku kwinye kuli imbula, kuli imbula yamadzi mavovo i kupanga ku lirova.

Hosea 8:7

Kigira va midzanga imbuudza, na va la gesa kihudzudzi: si a veye nobuswage bu singiranga; limera lilye si li la leta ubusie; ni li va ni li leta, avageni va la bu mira.

Amosi 5:15

Mu dunyire budamano, mu yanze ubulahi, nokusingeridza likalaga mu kiribwa: namusia Yahova, Nyasaye wa mahe, a la kolera yavo va tigala ku Yosefa, tsimbabasi.

Amosi 5:4

Kigira Yahova ya volera inyumba ya Israeli ndi, Mwenya inze, na mu la va mwoyo;

Amosi 5:6

Mwenye Yahova, na mu la va mwoyo; gase a laaka kuli muliru mu inyumba ya Yosefa, na gu la samba, na a la vula kuva ho u nyala kugusiminya mu Betheli.

Amosi 5:8

mwenye uyu wa lombanga tsing'ering'ani tsya Pleiades na Orion, na ya girunkannya kiriri kyelikudza ki ve umugamba, nokukola mbasu kuva kisundi kyobudiku; u langanga amadzi genyanza, nokuga tsuka ku kivala (lieta lilye ni Yahova);

Luka 13:24

Mu dinye kwingira mu kiliango kinye rere: kigira inze mmu volera, Vanyingi va lenya kwingira navutswa si va li nyala mba.

Vikolwa 2:18

Yee, ku vatugwa vange avayai navakana mu madiku yago Nda tsuka ku Roho wange; kandi va la profeta.

2 Vakorintho 9:10

Uyu u hedzanga mumidzi ubugutsa nobukima bwokulagira, a la ha mwinye bugutsa bwokumidza, kandi a la bu dasa, kandi a la kiridza makuyu gobulungi bwenyu:

Yakobo 3:18

Likuyu lyobulungi li midzeywi mu mirembe ku yavo ava kolanga mirembe.