Hosea 10:10 - KITABU KITAKATIFU

¹⁰ Lwa nyenyanga, nda va ha mageli; navandu vetsihiri va la vugana halala kuvo, lwa va bofwa ku bwoni bwavo buviri.

Hosea 10:10 ပူးပေါင်းရင်းမြစ်များ

1 Avami 12:28

Kunangwa Jeroboam ya kola makuva, na a lomba vimoli viviri vyethahabu; na a va volera, Nobudinyu ku mwinye kutsia Yerusalemi: henzi avanyasaye vovo, O Israeli, va ku leta kwanegira kutwula mu kivala kya Egepeti.

Ayubu 39:10

U nyala kuboha imbogo nekiboheru kyayo mu tsinkumbi? Kinga i la ku limira mavona?

Isaya 1:24

Kigira yaga Yahova a vola, uyu Yahova wa amahe, uyu Wanyala wa Israeli, O, inze ndeyahula ku yavo avasigu vange, nokuvanza kisalya kuvo ava hing'ana ninze;

Jeremia 15:6

Ive u suye inze, Yahova a vola, wirane inyima: kigira yaga nyiye mukono gwange ku ive, nokukudividza; nduhi ku lyeganira.

Jeremia 16:16

Henza, nda tuma avandu kuleta avaluvi avanyingi, Yahova a vola, na va la va luva; na inyima wa yaga nda tuma avandu kuleta avahimi avanyingi, na va la va hima va twule mu vigulu vyosi, nomu tugulu twosi, nokutwula mu tsinkombe tsyamagina.

Jeremia 21:4

Yahova, Nyasaye wa Israeli, a ku volera, Henza, nda girunkannya vyuma vyobulwani vi veye mmakono genyu, vya mu lwaniranga nomwami wa Babuloni na Vakalidei ava mu kumbiridza kyova wa madigi getsingaga tsyenyu; nda va vungidza hagati helidala yili.

Ezekieli 16:37

kunangwa henza, nda vungidza halala avayanze vovo vosi, ava u sangalanga halala navo, na vosi ava wa yanza halala na yavo vosi ava wa vihirirwa, nda va vungidza halala vadze ku ive tsimbega tsyosi, na nda va vimbulira kyahonyo kikyo, va duke kulola kyahonyo kikyo kyosi.

Ezekieli 16:42

Ni ndiyo ndigutidza ubutima bwange ku ive, nelikendeka lyange li la twula ku ive, na nda sosa, si nda va nobutima kandi mba.

Ezekieli 23:46

Kigira Mwami Nyasaye a vola ndi: Nda leta ubunyingi bwavandu kuvo, nda va haana va hinulanywe yiyi neyiyi, nokunuulwa.

Ezekieli 23:9

Kunangwa inze nda mu vika mu makono ga vayanze veve, mu makono ga Asuria, ava ya yanza.

Ezekieli 5:13

Ni ndiyo ubutima bwange bu la dukidzwa, na nda malira ubutima bwange kuvo, na nda leminywa mwoyo: navo va la manya inze, Yahova, mbola mu likendeka lyange lwa ndi twekidza ubutima bwange kuvo.

Hosea 10:9

O Israeli, u koli ubwoni kutwula ku madiku ga Gibea: va singira yo; ubulwani ku avana vobwoni si bu va nyola ha Gibea.

Hosea 4:19

Imbuudza i mu bohi mu tsimbaha tsitsye, na va la va isoni kigira vihaanwa vyavo.

Hosea 4:9

Na ga la va kuli avandu va veye, avasalisi kandi va veye ndiyo; na nda va ha mageli kigira tsinzira tsyavo nokuvatunga likola lyavo.

Hosea 8:1

Vika kisiliva ku munwa gugwo. Kuli indidzu a twulira inyumba ya Yahova, kigira vononnyi lilagana lyange, nokuhyola ku malago gange.

Hosea 8:10

Yee, kali na a tunganga mu tsihiri, kalunu nda va vungidza halala; navo va tangi kugeha kigira umusigo gwomwami wavanene.

Matayo 22:7

Navutswa mwami ya vihirirwa; na a hila mahe gege kwononnya avalumindi yavo, na a samba lidala lyavo.

Kwidzulitsa 28:63

Kandi ga la va, kuli Yahova ya sangala ku mwinye kumukolera ubulahi, nokumukola avanyingi, na ndiyo kandi Yahova a la sangala ku mwinye kumugotidza, nokumudividza; na mu lifwa mu kivala kya mwingira mu kukigumira.