Hosea 1:7 - KITABU KITAKATIFU

⁷ Navutswa nda vererera inyumba ya Yuda, nda va honnya ku Yahova Nyasaye wavo, na si nda va honnya nobuta, kinga nekivavi, kinga nobulwani, kinga netsiparasi, kinga navanina ku tsiparasi.

Hosea 1:7 ပူးပေါင်းရင်းမြစ်များ

2 Avami 19:29

Kandi likuva yili li la va kilolekidzu ku ive: muhiga yigu mu la lia kyemeranga kyene, nomuhiga gwa kaviri mu la lia kisibuku kyakyo; nomuhiga gwa kavaka, mu tage, mu gese, nokusimika milimi gya mazabibu, nokulia makuyu gagyo.

2 Avami 19:34

Kigira inze nda sola lidala yili li duke kubona, kigira inze, kandi kigira mutumekiri wange Daudi.

2 Avami 19:35

Na ga duka ku budiku zana yibu, ingelosi wa Yahova ya tsia, na a kuya avandu tsielfu mia na makumi gatano na gavaka na tsitano mu hokusosa ha Vaasuria: na lwa avandu va vuka mugamba tsuri, henza, yava va li avakudzu vosi.

2 Avami 6:18

Lwa va sulunguta kuye, Elisha ya saala Yahova, na a vola, Nku saala, u kuye avandu yava nelivakula lyetsimoni. Na ya va kuya nelivakula, kuli livola lya Elisha.

Zaburi 33:16

Si ha veye nomwami u honnywa nobunyingi bwelihe: Kandi wetsingulu si yehonnya netsingulu tsitsye tsinene.

Zaburi 44:7

Navutswa ive u ku honnyi ku vasigu vetu, Na u viki tsisoni ku yava ava ku dunyira.

Kutwula 14:13

Na Musa ya volera avandu, Mu ta tia mba, mu singire, na mu lole ubuhonyi bwa Yahova, bwa a li kolera mwinye lero: kigira Avaegepeti va mu lolanga lero, si mu la va lola kandi mihiga nemihiga.

Kutwula 14:30

Na ndiyo Yahova ya honya Israeli ku lidiku yilyo ku mukono gwa Avaegepeti; na Israeli va lola Avaegepeti avakudzu ku luginga lwenyanza.

Isaya 12:2

Henza, Nyasaye a veye lihonywa lyange; nda suuvira, si nda tia mba: kigira Mwami, Yahova a veye tsingulu tsyange nolwimbu lwange; naye u gwiye lihonywa lyange.

Isaya 30:18

Kigira yaga Yahova a la lindirira, a duke kumuvera tsimbabasi; kandi kigira yaga a la kuminywa, a duke kuvererera mwinye: kigira Yahova a veye Nyasaye welikalaga; va veye nobugasu vosi ava mu lindiriranga.

Isaya 49:6

yee, a vola, I veye inkuva inyangu ku ive u duke kuva mutumekiri wange kuvukidza tsihiri tsya Yakobo, nokwirannya avalindwa va Israeli: nda haana ive u ve ubulavu bwetsihiri, u duke kuva ubuhonnyi bwange kuduka ku tsindulu tsyelirova.

Isaya 7:14

Ki gira yaga Yahova mwene a la mu ha kilolekidzu; henza, mukana mugima a la vereka, na a livula mwana muyai, na a la mu gulika lieta lilye Imanueli.

Jeremia 25:5

kuvola, Mwirane kalunu sa mulala a leke inzira yeye indamano, mu leke ubudamano bwelikola lyenyu, mu menye mu kivala yiki kya Yahova ya ha mwinye navaguga venyu, kutwula ku madiku ga kale nokutsitsagil'la madiku gosi;

Jeremia 25:6

mu vule kutsia kulonda vanyasaye vandi kuvatumekira, nokuvasigamira, mu vule kumbihiriridza nemiyinzi gyamakono genyu; na inze si nda mu kupidza kivi nekindu kali kilala.

Jeremia 33:26

hene yaho nda ta kisukululwi kya Yakobo, nekya Daudi mutumekiri wange, nduhe mbule kuvugula ku kisukululwi kikye ava lyameha ku kisukululwi kikye kya Abrahamu, na Isaka, na Yakobo; kigira ndirannya lyadikidzwa lyavo, na nda va vererera.

Hosea 1:8

Kunangwa mukali uyu lwa ya luguhidza Loruhama, ya vereka kandi, ni yivula mwana muyai.

Hosea 11:12

Efiraim u nkumbiridza namakuva gobubehi, nenyumba ya Israeli i nkumbiridza nobugadi, navutswa Yuda kuduka kalunu yamehanga halala na Nyasaye, naye a veye musuuvirifu ku uyu Mutakatifu.

Zekaria 4:6

Ma ya ntivulira, nokumbolera, na a vola, Yili ni likuva lya Yahova ku Zerubabeli, kuvola, Si ga veye kigira ubunyali, kinga kigira tsingulu, navutswa ga veye kigira Roho wange, Yahova wa mahe a vola.

1 Samweli 17:47

neviduma yivi vyosi vi duke kumanya Yahova si a honnyanga nekivavi nelitimu: kigira bulwani nobwa Yahova, naye a la mu vika mu makono getu.