Hosea 1:6 - KITABU KITAKATIFU

⁶ Na umukali uyu ya vereka kandi, ni yivula mwana mukana. Na Yahova ya mu volera, U mu gulike lieta lilye Loruhama; kigira si nda vererera inyumba ya Israeli kandi mba, mbule kuvasameha ligali.

Hosea 1:6 ပူးပေါင်းရင်းမြစ်များ

2 Avami 17:20

Ma Yahova yambakana kisukululwi kyosi kya Israeli, na ya va dambidza, na ya va vika mu makono ga yavo ava va lanya, kuduka lwa ya mala kuvata va twule imbiri wewe.

2 Avami 17:6

Ku muhiga gwa kola gyitano na gyine gwelyameha lya Hoshea, mwami wa Asuria ya vugula Samaria, na ya hila Israeli avahambe kuduka Asuria, na ya va vika mu Hala, nomu Haboru, himbi na mugera gwa Gozan, nomu madala ga Vamedi.

Isaya 27:11

Tsisya tsyalyo lwa tsyuma, tsi la vunanywa; avakali va ladza, nokutsyaakidza umuliru; kigira va veye avandu ava ta li nelimanya: kigira yaga uyu wa va lomba si a la va vererera mba, uyu wa va longa si a la va vanza mba.

Hosea 1:8

Kunangwa mukali uyu lwa ya luguhidza Loruhama, ya vereka kandi, ni yivula mwana muyai.

Hosea 2:23

Na nda mu simika mu lirova kigira inze; na nda vererera mukali uyu wa vula kuverererwa; na nda volera yava ava ta li avandu vange, Mwinye mu veye avandu vange; navo va la vola, Ive u veve Nyasaye wange.

Hosea 2:4

Yee, si nda va netsimbabasi ku avana veve; kigira va veye avana vobuheyi;

Amosi 7:8

Na Yahova ya mbolera, Amosi, u lola ki? Na nda vola, Ndola mugoye gwe iplum. Hene yaho Yal hova ya vola, Henza, nda vika mugoye gwe iplum mu avandu vange Israeli; si nda va leka kandi mba;

Amosi 9:8

Henza, tsimoni tsyo Mwami Nyasaye tsi veye ku bwami bwobwoni, na nda bu dividza bu twule mmoni mwelirova; navutswa si ndononnya ligali inyumba ya Yakobo, Yahova a vola.

1 Petro 2:10

mwinye ava vula kuva vandu mu matsyambiri, navutswa kalunu mu veye avandu va Nyasaye: ava vula ku verererwa, navutswa kalunu mu verereywi.