Hosea 1:10 - KITABU KITAKATIFU

¹⁰ Navutswa livalidzwa lyavana va Israeli li la duka kuva kuli muyeke gwomunyanza, gu ta nyala kugerwa kinga kuvalidzwa; kandi ga la va, ha makuva yaga ga volwa, Mwinye si mu veye avandu vange, va la volerwa ho, Mwinye mu veye avana va Nya saye welivamwoyo.

Hosea 1:10 ပူးပေါင်းရင်းမြစ်များ

Litanga 13:16

Kandi nda kola kisukululwi kikyo kuva kuli lugukyi lwelirova: Luduka ni i va mundu a nyala kuvalidza lugukyi lwelirova, na ndiyo kisukululwi kikyo ki nyala kuvalidzwa.

Litanga 22:17

mu ligasidza nda ku gasidza, nomu limeda nda meda kisukululwi kikyo vi ve kuli tsing'ereng'ani tsyomigulu, kandi kuli umuyeke gwoluginga lwenyanza; kandi kisukululwi ki lameha ku kiribwa kyavasigu vakyo;

Litanga 32:12

Kandi ive wa vola, Ligali nda ku kolera malahi, kandi nda kola kisukululwi kikyo kuva kuli umuyeke gwenyanza, gu ta validzwa kigira gu veye munyingi.

2 Samweli 7:24

Na wesingeridzira avandu vovo Israeli va ve avandu ku ive mihiga nemihiga; na ive, Yahova, wa duka kuva Nyasaye wavo.

Isaya 43:6

nda volera kasikasini, Haana; na kusini, U tigalira mba; leta avayai vange kutwula ihale, navakana vange kutwula ku kiheri kyelirova;

Isaya 48:19

lwivulu lulwo nkano lwa ka va kuli muyeke, na vivulwa vyomunda mumwo nkano va ka va kuli tsinzalo tsyomuyeke: lieta lilye nkano si lya twulidzwa imbiri wange.

Isaya 63:16

Kigira ive u veye Dada wetu, kali Abrahamu na a vula kukumanya, na Israeli na a vula kukubugirira: ive, O Yahova, u veye Dada wetu; Mutungiri wetu kutwula mihiga nemi higa li veye lieta lilyo.

Isaya 64:8

Navutswa, kalunu, O Yahova u veye Dada wetu; ku veye ubudohi na ive u veye Mulongi wetu; kwosi ku veye muyinzi gwamakono gogo.

Isaya 65:1

Avandu va vula kunyenya va nteva; nnyoleki ku yavo ava vula kunyenya: nehiri ya vula kulangwa ku lieta lyange, nda gi volera, Lola inze, lola inze.

Isaya 66:20

Va la leta avamwavo venyu vosi kutwula mu tsihiri tsyosi kuva kihaanwa kyokuhaana ku Yahova, ku tsiparasi, noku magari, noku luderu, noku tsinyumbu, noku inyama yetsimbiru ligali va duke ku kigulu kyange kitakatifu, Yerusalemi, Yahova a vola, kuli avana va Israeli va leta vihaanwa vyavo mu kiju kilahi mu inyumba ya Yahova.

Jeremia 33:22

Kuli amahe gomwigulu ga vula kunyala kuvalidzwa, kinga muyeke gwenyanza gu vula kugerwa; ni ndiyo ndi meda kisukululwi kya Daudi mutumekiri wange, na Avalevi ava tumekira inze.

Danyeli 6:26

Inze mbaana munwa, mu bwami bwange bwosi, avandu va degere nokutia imbiri wa Nyasaye wa Danyeli; kigira a veye Nyasaye u veye mwoyo, na a hindi ranga mihiga nemihiga, na ubwami bwibwe nibwo bu li vula kudividzwa; na ubwami bu la menya kuduka ku kiheri:

Hosea 1:9

Yahova ya vola, U mu gulike lieta lilye Loammi; kigira mwinye si mu veye avandu vange mba, na inze si nda va Nyasaye wenyu mba.

Hosea 2:23

Na nda mu simika mu lirova kigira inze; na nda vererera mukali uyu wa vula kuverererwa; na nda volera yava ava ta li avandu vange, Mwinye mu veye avandu vange; navo va la vola, Ive u veve Nyasaye wange.

Yohana 1:12

Navutswa vosi ava mu bugirira, ya va ha tsingulu kugwa avana va Nyasaye, va zana ava suuvira lieta lilye:

Varumi 8:19

Kigira lihenzerera lyevilombe li linda lila ng'aminywa lya avana va Nyasaye.

2 Vakorintho 6:18

Kandi nda va Dada wenyu, Na mwinye mu la va avana vange avayai navakana Mwami Wa Nyala Vyosi a vola.

Vahebraina 11:12

kigira yaga, vivulwa ku mulala wa li kuli mukudzu, vanyingi va leng'ana netsing'ereng'ani tsyomigulu, kandi kuli muyeke gu veye ku luginga lwenyanza, gu ta valika.