Haggai 2:9 - KITABU KITAKATIFU

⁹ Ubukumi bwe kiheri kyenyumba yiyi, bu la va ubunene kuvita bwokutanga, Yahova wa mahe a vola; na nda va ha mirembe ha zana, Yahova wa mahe a vola.

Haggai 2:9 ပူးပေါင်းရင်းမြစ်များ

Isaya 60:7

Vyayo vyosi vya magondi ga Kedari vi la vungidzwa ku ive, magondi makole aga Nebaio thu ga la tumekira ive; ga lanegira igulu ku bwali bwange bwokubugirirwa; na nda kuminya inyumba yo bu kumi bwange.

Isaya 66:12

Kigira Yahova a vola ndi, Henza, nda meda kuye mirembe kuli mugera, nobukumi bwa vetsihiri kuli mugera gwizuye: na mu la nuna kugwo; mu la hagatwa, nokukinywa ku magulu.

Ezekieli 43:5

Na Roho ya mbugula, ni ya mbika mmugidzi gwomugati; henza, ubukumi bwa Yahova bwizula inyumba.

Mika 5:5

Na mundu uyu a la va mirembe gyetu. Lwa Muasuria a lingira mu kivala kyetu, nokuduvaga mu tsinyumba tsyetu tsyobwami, hene yaho kulavukidza kuye avayi vatano na vaviri, navandu vanene vatano na vavaka.

Haggai 1:8

Mwanegire mu kigulu, mu lete misala, mwombake inyumba yiyi; na inze nda gi yanza, na nda kuminywa, Yahova a vola.

Haggai 2:3

Ni bwaha wa tigala hagati henyu wa lola inyumba yiyi inyinga yobukumi bwayo bwokutanga? Na mu gi lolanga ndi kalunu? Imbiri wetsimoni tsyenyu i veye kuli si i veye kindu, naho?

Zekaria 2:5

Kigira inze, Yahova a vola, inze nda va lidigi lyolugaga lwomuliru kulikumbiridza tsimbega tsyosi, na nda va ubukumi hagati halyo.

Luka 2:14

Ubukumi bu ve igulu migulu ku Nyasaye. Nemirembe ku kivala ku vandu ava ya yanza.

Yohana 1:14

Inkuva ya gwa mubiri, na a menya halala nekwinye (kandi kwinye kwa lola ubukumi bwibwe, ubukumi bwowivulwa muderwa wa Dada), wizuye tsimbabasi nageligali.

Yohana 14:27

Mirembe mmu lekera; mirembe gyange mmu hedza: si mmu ha kuli avomkivala va haana. Mu ta henda myoyo gyenyu, kandi gvi ta va nobu tii.

Vikolwa 10:36

Likuva lya ya hilira avana va Israeli, ni yilwadza ivangeli yemirembe i twula ku Yesu Kristo, (naye ni Mwami wa vosi)

1 Timoteo 3:16

Kandi ni likuva li ta li nelihayahayidzwa, liviswa lyelihulira Nyasaye li veye linene; Uyu ya lang'aminywa mmubiri, Nokuvolwa kuva mulungi mu roho, Nokuloleka ku tsingelosi Nokwilwadzwa mu Tsihiri Nokusuuvirwa mu lirova, Nokuvugulwa migulu mu bukumi.

Yakobo 2:1

Avamitu, mu ta va nelisuuvira lyo Mwami wetu Yesu Kristo uyu niye Mwami wobukumi, nelyeridza ku vandu.