Haggai 2:5 - KITABU KITAKATIFU

⁵ kuli likuva lya nda lagana nemwinye lwa mwa twula mu kivala kya Egepeti, na Roho wange ya menya hagati henyu: mu ta tia mba.

Haggai 2:5 ပူးပေါင်းရင်းမြစ်များ

2 Kyetsinyinga 20:17

Mu bulwani yibu si mu la va nelyenya kulwana: mu dinye, mu singire, mu lola ubuhonyi bwa Yahova bu veye halala nemwinye, mwinye O Yuda na Yerusalemi; mu ta tia mba, kandi mu ta kudza mwoyo: mugamba mu va twulire; kigira Yahova a veye halala nemwinye.

Nehemia 9:20

Halala na yaga ive wa va ha Roho wowo mulahi kuvegidza, na si wa vima maana gogo kuminwa gyavo mba, wa va ha amadzi ga ve gobuluhu bwavo.

Nehemia 9:30

Navutswa wekudzira kuvo mihiga minyingi, na wa lolekidza kuvo na Roho wowo ku vaprofeti vovo: navutswa si va yanza ku tegidza amatu: kigira yaga wa va vika mmakono gavandu vevivala yivyo.

Kutwula 19:4

Mu loli aga nda kolera Avaegepeti, na kuli nda mu ginga ku tsimbaha tsyendidzu, na nda mu leta ku inze mwene.

Kutwula 19:6

na mwinye mu la va ku inze ubwami bwavasalisi, kandi ihiri intakatifu. Yaga namakuva ga u li volera avana va Israeli.

Kutwula 24:3

Na Musa yadza na a volera avandu makuva gosi ga Yahova, na malago gosi: na avandu vosi va tivula nomwoyo mulala, ni va vola, Makuva gosi ga Yahova a voye, ku la ga kola.

Kutwula 24:8

Kandi Musa ya vugula masahi na a guuha ku avandu, na a vola, Henza, masahi gelilagana, lya Yahova a lomba nemwinye ku makuva yaga gosi.

Kutwula 34:10

Naye ya vola, Henza, nombanga lilagana: na nda kola vyokugenya imbiri wa avandu vovo vosi, kuli vi kikiri kukolwa mu lirova lyosi, kinga mu ihiri kali indala; na avandu vosi ava u veye hagati havo, va la lola miyinzi gya Yahova; kigira ni inkuva yokutihidza ya nkola ku ive.

Kutwula 34:8

Na Musa ya kola bwangu, ni yinama mutwe gwigwe, nokusigamira.

Isaya 41:10

u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Isaya 41:13

Kigira inze, Yahova Nyasaye wowo, nda ku gumira mu kono gugwo mulungi, nokukuvolera, U ta tia mba; nda ku konya.

Zekaria 4:6

Ma ya ntivulira, nokumbolera, na a vola, Yili ni likuva lya Yahova ku Zerubabeli, kuvola, Si ga veye kigira ubunyali, kinga kigira tsingulu, navutswa ga veye kigira Roho wange, Yahova wa mahe a vola.

Zekaria 8:13

Kandi ga la va kuli mwa li neli laamwa mu tsihiri, O inyumba ya Yuda nenyumba ya Israeli, ni ndiyo ndi mu honnya, na mu la va ubugasu. Mu ta tia mba, navutswa makono genyu ga ve netsingulu.

Zekaria 8:15

ni ndiyo kandi kalunu nsaaviye kukolera Yeru salemi nenyumba ya Yuda ubulahi: mu ta tia mba.

Matayo 28:5

Ingelosi ya tivula na a volera avakali, Mu ta tia mba, mwinye; kigira mmanya mwenya Yesu wa bambwa.

Vikolwa 27:24

na a vola U ta tia, Paulo; ga ku dukira kusingira imbiri wa Kaisari: kandi henza Nyasaye u mali kukuha yava vosi ava genda halala nive.

Joshua 1:9

Si nda ku laga? U ve mugulu nomuluviriri; u ta tia, kandi u ta kudza mwoyo: kigira Yahova Nyasaye wowo a veye halala nive hosi ha u tsitsanga.

Joshua 8:1

Ma I anova ya volera Josnua, U ta tia mba, kinga u ta kudza mwoyo: vugula avandu vosi avelihe va tsie halala nive, na mu vuke mwanegire Ai; henza, mmali kuvika mmukono gugwo mwami wa Ai, na avandu veve, nelidala, nekivala kikye;

Likunula 1:17

Inyinga nda mu lola, nda gwa ha virenge vivye kuli u kudzi. Naye ya vika mukono gwigwe mulungi ku inze, na a vola, U ta tia mba; Mbeye wokutanga nowekiheri,

1 Samweli 12:20

Na Samweli ya va volera, Mu ta tia mba: ligali mu koli ubudamano yibu bwosi; navutswa mu ta leka Yahova, nokugirunkana kuvula kumulonda, navutswa mu tumekire Yahova nomwoyo gwenyu gwosi: