Haggai 2:22 - KITABU KITAKATIFU

²² na nda tung'aminya intebe yobwami, na nda dividza tsingulu tsyobwami bwetsihiri; na nda tung'aminya magari gobulwani, na yava avavikaye mugo; netsiparasi, na yava va ninanga kutsyo va la gwa hasi, sa mulala ku kivavi kyamwavo wewe.

Haggai 2:22 ပူးပေါင်းရင်းမြစ်များ

2 Kyetsinyinga 15:6

Na ihiri yononnya ihiri, nelidala lyononnya lidala; kigira Nyasaye ya va dambidza nelidambidza lyosi.

2 Kyetsinyinga 20:22

Na lwa va tanga kwimba nokwidzominya, Yahova ya vika avaseti ku avana va Amon, na Moabu, na veki gulu kya Seiru, avadza ku Yuda: navo va kuywa.

2 Kyetsinyinga 20:23

Kigira avana va Amon, na Moabu va vukira yavo ava menya mu kigulu kya Seiru, kuviita nokuvadividza ligali; na lwa va mala kudividza yavo avamenyi Seiru, va manya ni vekerukana avene sa mulala kudividza wakye.

Zaburi 46:9

A heridza ubulwani kuduka ku kiheri kyelirova; A vunanya ubuta, na a donyannya litimu; A samba magari gobulwani mu muliru.

Zaburi 76:6

Ku ligondoka lilyo, O Nyasaye wa Yakobo Ligari lyobulwani na iparasi vyombi vi tebwa mu tsindolo tsyelikudza.

Kutwula 14:17

Na inze nda dinyiridza myoyo gya Avaegepeti, navo va lingira inyima wavo, na inze nda nyola lidzominywa ku Farao, noku lihe lyosi, noku magari gelihe gege, noku avetsiparasi veve.

Kutwula 14:28

Na amadzi girana, na ga kunika magari gelihe, na avetsiparasi, kali lihe lyosi lya Farao lya va londerera mu inyanza; si ya tigala kali mulala kuvo.

Kutwula 15:19

Kigira tsiparasi tsya Farao halala na magari gege na avetsiparasi veve, vingira mu inyanza, na Yahova ya leta amadzi genyanza rirana kuvo; navutswa avana va Israeli va genda ku lirova liumu mu inyanza.

Kutwula 15:4

Magari ga Farao na lihe lilye, u va teye mu inyanza; Na avanyampara avatovole veve viiniki mu Inyanza Inzakayu.

Isaya 19:2

Na nda vukidza Avaegepeti kuhing'ana na Avaegepeti: na va la lwana sa mulala namwavo wewe, sa mulala na wakye; lidala nelidala, ubwami nobwami.

Isaya 60:12

Kigira ihiri yeyo nobwami yibwo bu vule kukutumekira bu la diva; yee, tsihiri yitsyo tsi la dividzwa ligali.

Isaya 9:19

Kivala yiki ki hidzanga ligali kigira ubutima bwa Yahova wa mahe: navandu va veye kuli tsinku tsyoku vikwa mrnuliru; si ha veye nomundu u verererera amwavo wewe.

Ezekieli 21:27

Inze nda tung'aminya, tung'ami nya, tung'aminya kya zana: yiki si ki la va ho mba, kuduka a luhe yadze uyu wa ki veye kikye; na nda ha uyu.

Ezekieli 26:16

Inyinga yeyo avanene vosi avenyanza va lika ku tsintebe tsyavo tsyobukumi, na va la vika ha haluvega tsinjoho tsyavo na va la navula tsingubo tsyavo tsyobung'olang'ole: va levika lidegera; va likala hasi, nokudegera idagika sa indala, nokuge nyera ive.

Ezekieli 38:21

Na nda langa kivavi kidze mu vigulu vyange vyosi ku uyu, Mwami Nyasaye a vola: mundu sa mulala kivavi kikye ki la va ku avamwavo veve.

Ezekieli 39:20

Na mu liguta ha meza yange tsiparasi namagari gobulwani, navobunyali, na vosi avobulwani Mwami Nyasaye a vola.

Danyeli 8:25

Na ku miima gyigye a la kola ubugadi bu gase mu mukono gwigwe, na a lenenehidza mwene mu mwoyo gwigwe, na a la dividza avanyingi ava menyanga nelilemerwa: kandi a la singira kuhing'ana na Munene wa vanene; navutswa a la vunanywa bugira mukono.

Amosi 2:15

kandi wobuta si a la singira, kandi wetsimbiru si a lehonnya; kandi u ninanga iparasi si a lehonnya;

Mika 5:10

Na ga la duka mu lidiku yilyo, Yahova a vola, nda twulidza tsiparasi tsitsyo tsi twuli hagati hoho, na magari gogo gobulwani nda ga dividza:

Mika 5:15

Na nda tungira kisalya mu livihirirwa nobutima ku tsihiri tsya vula kuhulira.

Mika 5:8

Va tigala va Yakobo va la va hagati hetsihiri, hagati ha avandu vanyingi, kuli king'ang'a mu tsinyama tsyombulimu, kuli king'ang'a kisoleli mu kyayo kyamagondi; lwa ki vitanga hagati, ki duvaganga nokutandula, na si ha veye na u nyala kuhonnya.

Mika 5:9

Mukono gugwo gu gingwe igulu kuvita avadambidzi vovo, navasigu vovo vnsi va twulidzwe.

Mika 7:16

Vetsihiri va la lola, no kuva isoni ku bunyali bwavo bwosi; va la kunika minwa gyavo na makono gavo; amatu gavo ga la hana.

Zefania 3:8

Kunangwa mu lindirire inze, Yahova a vola, kuduka ku lidiku lya ndivukira lihima; kigira ndi saaviyi kuvungidza halala avetsihiri, nduke kuvugannya halala ubwami, ntsuke ubutima bwange kuvo, kali ubutima bwange ubululu bwosi; kigira lirova lyosi li la sambwa nomuliru gwelikendeka lyange.

Zekaria 10:11

Naye a la vita hagati henyanza yelidambidza, nokukuya viguvuli vyenyanza, noluliva lwosi lwomugera gwa Nile lu la kama; noluyai lwa Asuria lu likidzwa, na impimbo yobwami ya Egepeti i la gota.

Zekaria 10:5

Na va la va kuli avobunyali, va duvaga vasigu vavo mbudohi bwoku mahasi mbulwani; va la lwana kigira Yahova a veye halala navo; navo ava nina ku tsiparasi va la genya.

Zekaria 12:9

Na ga la duka ku lidiku yilyo, ndenya kudivi dza tsihiri tsyosi tsi vukira Yeru salemi.

Zekaria 14:3

Hene yaho Yahova a la twula, nokulwana netsihiri zana kuli lwa ya lwana mu lidiku lyobulwani.

Zekaria 4:6

Ma ya ntivulira, nokumbolera, na a vola, Yili ni likuva lya Yahova ku Zerubabeli, kuvola, Si ga veye kigira ubunyali, kinga kigira tsingulu, navutswa ga veye kigira Roho wange, Yahova wa mahe a vola.

Zekaria 9:10

Na nda twulidza ligari lyobuiwani ku Efiraim, na iparasi ku Yerusalemi; na buta bwobulwani bu la twulidzwa: na a lilwadza mirembe ku vetsihiri: na lyameha lilye li la va kutwula ku inyanza yiyi ku duka ku inyanza yiyi, na kutwula ku Mugera ku duka ku kiheri kyelirova.

Matayo 24:7

Kigira ihiri i la vukira ihiri, nobwami bu la vukira ubwami; kandi ha la va netsinzala nokudegera kwelirova hale ne hale.

Likunula 11:15

Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.

Vakalagi 7:22

Va kupa visiliva tsimia tsivaka, na Yahova ya kola kivavi kyomundu sa mulala kuva ku wakye, noku lihe lyosi: nelihe liruka kuduka Beth-shita ku luvega lwa Zerera, kuduka ku lwako lwa Abelimehola, himbi Tabathu.

1 Samweli 14:16

Navalindi va Saulo mu Gibea ya Benjamini va lola; na, henza, kiduma kya kama, na va tsia yiyi na yiyi.