Haggai 2:17 - KITABU KITAKATIFU

¹⁷ Nda mu kuya nekimeyu noluguku, nembula ya magina mu mi yinzi gyosi gya makono genyu; navutswa si mu yeka ku inze, Yahova a vola.

Haggai 2:17 ပူးပေါင်းရင်းမြစ်များ

Litanga 42:23

Navo si va manya Yosefa ya va hulira; kigira mugirunkanyi ya li hagati havo.

Litanga 42:27

Na mulala kuvo lwa ya kunula imuya yeye ha va gona kulihidza isukiri yeye, ya lola ifetha yeye; na henza, ya li mmunwa gwemuya yeye.

Litanga 42:6

Na Yosefa ya li mwami ku kivala; niye wa gulidza avandu vosi avekivala. Na avamwavo, va Yosefa va duka, na va mwinamira kudukidza mumoni mwavo hasi.

1 Avami 8:37

Inzala ni yingira mu kivala, kinga plegi, kinga kimeyi, kinga bu guku, kinga tsisiti, kinga tsinkungu; ni i va vasigu vavo va va kumbiridza mu madala gekivala kyavo; liduya ku gosi, nobulwaye ku bwosi, ubu duka kuva ho;

2 Kyetsinyinga 28:22

Nomu lidambidzwa lilye ya kira kuhyola imbiri wa Yahova, uyu mwami zana Ahazu.

2 Kyetsinyinga 6:28

Inzala ni yingira mu kivala, kinga iplegi, kinga kimeyi, kinga ulu guku, kinga tsisigi, kinga madede; kinga lwa va kumbiridzwa navasigu vavo mu kivala kyamadala gavo; mu maduya gosi, nobulwaye bwosi bu duka kuva ho;

Ayubu 36:13

Navutswa yavo ava vula kutia Nyasaye mu myoyo gyavo va vika akiba yo butima: Si vanira mukonyi lwa a va bohanga.

Zaburi 128:2

Kigira u la lia ku miyinzi gyamakono gogo: U la va nobusangali, na ubugasu bu la va ku ive.

Zaburi 78:46

Ya haana vyamera vyavo ku lisa, Na ya haana miyinzi gyavo ku tsisigi.

Isaya 28:2

Henza, Yahova a veye nomulala wobunyali nowetsingulu; kuli kihi kyembula ya magina, kihi kyononnyanga, kuli kihi kyamadzi manene gizulitsanga, a la tsoma hasi nomukono.

Isaya 37:27

Kigira yaga avandu yava va li netsingulu tsinke keke, va genya nokutia; va li kuli bunyasi bwombulimu, kuli tsingutsa tsimbisi, kuli bunyasi ku tsinyumba igulu, kuli mulimi gwengano ni kikikiri kuviruka.

Isaya 42:25

Kigira yaga ya tsuka kuye ubululu bwobu tima bwibwe, netsingulu tsyobulwani; navyo vya mu vikirira muliru tsi mbega tsyosi, navutswa si ya manya; na gwa mu samba, naye si ya vika ku mwoyo.

Isaya 62:8

Yahova wisuhi nomukono gwigwe mulungi, nomukono gwetsingulu tsitsye, Ligali inze si nda haana kandi ku vasigu vovo ubuswage bubwo kuva vyokulia vyavo; avageni si va la nwa iwaini yoyo, ya mwinye mwa yinzira:

Isaya 9:13

Navutswa avandu va vula kugi runkana ku uyu wa va kuya, kandi va vula kwenya Yahova wa mahe.

Jeremia 3:24

Navutswa kindu kyetsisoni ki mali kulia linyakana lyemiyinzi gyavaguga vetu kutwula busoleli bwetu, vyayo vyamagondi na vyetsing'ombe, avana vavo vayai navakana.

Jeremia 5:3

O Yahova, tsimoni tsitsyo si tsi henzanga ageligali? U va kuyi, navutswa si va vereranga mba; u va heridzi, navutswa va suye lihebwa mageli va kolanga mmoni mwavo kuva mudinyu kuvita lwanda; va suye kwirana kandi.

Amosi 4:6

Inze mmu heye ubusiye bwa amino mu madala genyu gosi, na ligeha lyobukima mu tsingo tsyenyu tsyosi; navutswa si mwirani ku inze, Yahova a vola.

Haggai 1:11

Na nda langa kimeyu ki duke ku kivala, noku vigulu, noku ubuswage, noku iwaini impya, noku maguta, noku vyamera, noku vandu, noku mitugu, noku mi yinzi gyosi gyamakono genyu.

Haggai 1:6

Mu midzi bugutsa bunyingi, na mu letanga vikekeke vutswa; mu litsanga, navutswa si mwigutanga; mu nwedzanga, navutswa vyokunwa si vi mu dukanga; mwivikanga tsingubo, navutswa si ha veye na u nyolanga uluya; na uyu u tungangwa mshahara, a tungangwa kuguvika mu imuya ya huduka.

Haggai 1:9

Mwinye mwa he nzerera vinyingi, na, henza, vya leta vikekeke vutswa; kandi lwa mwa vi leta mu nyumba, nda vi huudza. Kigira ki? Yahova wa mahe a teva. Ga veye kigira inyumba yange ya lekwa vutswa, lwa mwinye sa mulala a nyagula kutsia kunyumba yeye.

Haggai 2:16

Mu tsinyinga yitsi tsyosi, mundu lwa ya duka ku kitumi kye vigero makumi gaviri, li veye vutswa likumi, lwa a duka ha kyokumina iwaini kutwulidza viju makumi gatano, vi veye ho makumi gaviri vutswa.

Malaki 3:11

Kigira mwinye, nda gondokera uyu u litsanga, naye si a lononnya makuyu gekivala kyenyu; kandi mizabibu gyenyu si gyi la vungulula amakuyu gagyo mu mulimi imbiri wenyinga yagyo, Yahova wa mahe a vola.

Kwidzulitsa 28:22

Yahova a la ku duya namagero, noluhudza, nokuhiya, noluya, nekivavi, neliniala, nobuguku; navyo vi la kukunga u luhe u dive.

Likunula 2:21

Kandi nda mu ha inyinga a duke kweganira; naye si yenya kweganira nokuleka litsia mbakana.