Haggai 1:6 - KITABU KITAKATIFU

⁶ Mu midzi bugutsa bunyingi, na mu letanga vikekeke vutswa; mu litsanga, navutswa si mwigutanga; mu nwedzanga, navutswa vyokunwa si vi mu dukanga; mwivikanga tsingubo, navutswa si ha veye na u nyolanga uluya; na uyu u tungangwa mshahara, a tungangwa kuguvika mu imuya ya huduka.

Haggai 1:6 ပူးပေါင်းရင်းမြစ်များ

2 Samweli 21:1

Mmadiku ga Daudi ya li ho inzala mihiga gyivaka, muhiga nomuhiga; na Daudi yenya mmoni mwa Yahova. Na Yahova ya vola, Ga veye kigira Saulo, na kigira inyu mba yeye ya masahi, kigira yiita Vagibeoni.

1 Avami 17:12

Naye ya tivula, Kuli Yahova Nyasaye wowo a veye mwoyo, inze si mbeye nobukima mba, navutswa vya mbeye navyo, nobusie uluhe lulala mu inyingu, na maguta makekeke mu kiseve: na, henza, inze ntenyanga tsinku tsiviri yitsi, ntsie kulugira inze mwene nomwana wange, ku lagire ma ku kudze.

Nehemia 5:2

Kigira va li ho avalala va vola, Kwinye na vana vetu avayai navakana, ku veye avanyingi: kwenyolere ubuswage, ku lagire kuva mwoyo.

Ayubu 20:22

Mu lizula ubudukiru bwibwe a la va mu kivi: Mukono gwomundu sa mulala u veye mu kivi gu la duka kuye.

Ayubu 20:28

Limedeka lyenyumba yeye li la twula, Neviju vivye vi la salika mu lidiku lyobutima bwibwe.

Zaburi 107:34

A girunkannya kivala kyamakuyu kuva kyangalangwi kyomu nyu, Kigira ubudamano bwa yavo ava menya mukyo.

Tsing'ano 11:24

Ha veye nowelisalannya, navutswa vivye vi medeka; Kandi ha veye na u kolanga ubwimani, navutswa bu leta ubudaka.

Isaya 5:10

Kigira kizabibu kyeligera lyevi renge tsimia tsine ki lama tsisiongo tsiviri, nobumwo bu duka mudiema bu lama ubuswage kihinda kilala.

Jeremia 12:13

Va tagi ingano, na va gesa amafwa; vesaliridza avene, si va nyolanga madanyi: va la va isoni mu makuyu genyu, kigira ubutima bululu bwa Yahova.

Jeremia 14:4

Kigira kivala kyadika, kigira imbula si i kupanga mkivala yikyo, avalimi va ve isoni va kunika mitwe gyavo.

Jeremia 44:18

Navutswa kutwula lwa kwa leka kuvuyidzira mwami wekikali womigulu vimuli nokumutsukira vihannwa vyevyokunwa, ku daki vindu yivi vyosi, na kwa dividzwa nekivavi, nenzala.

Hosea 4:10

Va la lia, na va la vula kwiguta; va lekola malaya, na si va la medeka; kigira va leka kulinda likuva lya Yahova.

Hosea 8:7

Kigira va midzanga imbuudza, na va la gesa kihudzudzi: si a veye nobuswage bu singiranga; limera lilye si li la leta ubusie; ni li va ni li leta, avageni va la bu mira.

Kyavalevi 26:20

na tsingulu tsyenyu tsi la gota vutswa; kigira kivala kyenyu si ki lama limedeka lyakyo, na misala gyekivala si gyi lama makuyu gagyo.

Kyavalevi 26:26

Lwa ndi yononya vyokulia vyenyu, avakali likumi va la lugira ubukima bwenyu mu mahiga malala, na va la mu ha ubukima bwenyu ne ligera ku tsiratili: na mu la lagira, navutswa si mu liguta mba.

Haggai 1:10

Kunangwa kigira mwinye ligulu ligalirwa li vule kuleta lime, nelirova li vule kwama makuyu.

Haggai 1:5

Kunangwa kalunu kigira yaga Yahova wa mahe a vola ndi: Mu vike myoyo gyenyu ku tsinzira tsyenyu.

Haggai 1:7

Yahova wa mahe a vola ndi: Mu vike myoyo Isu tsinzira tsyenyu.

Haggai 1:9

Mwinye mwa he nzerera vinyingi, na, henza, vya leta vikekeke vutswa; kandi lwa mwa vi leta mu nyumba, nda vi huudza. Kigira ki? Yahova wa mahe a teva. Ga veye kigira inyumba yange ya lekwa vutswa, lwa mwinye sa mulala a nyagula kutsia kunyumba yeye.

Haggai 2:16

Mu tsinyinga yitsi tsyosi, mundu lwa ya duka ku kitumi kye vigero makumi gaviri, li veye vutswa likumi, lwa a duka ha kyokumina iwaini kutwulidza viju makumi gatano, vi veye ho makumi gaviri vutswa.

Haggai 2:17

Nda mu kuya nekimeyu noluguku, nembula ya magina mu mi yinzi gyosi gya makono genyu; navutswa si mu yeka ku inze, Yahova a vola.

Zekaria 5:4

Nda ki leta, Yahova wa mahe a vola, na ki lingira mu inyumba yomwivi, nomu inyumba ya uyu wisuhanga ku lieta lyange nobubehi; na ki la menya hagati ha inyumba yeye, nokugisamba halala nemisala gyayo na magina gayo.

Zekaria 8:10

Kigira imbiri wa madiku yago si ha li nomundu wa langirwa miyinzi; kandi si ha li netsinyama tsi langirwa miyinzi; kandi si ha li nemirembe ku uyu u twulanga kinga wingiranga, kigira mudambidzi: kigira inze nda tindira nnya avandu vosi sa mulala na wakye.

Malaki 2:2

Ni mu va ni mu vula kuhulira, ni mu va ni mu vula kulivika mu myoyo gyenyu, kukuminya lieta lyange, Yahova wa mahe a vola, hene yaho nda leta lilaamwa ku mwinye, na nda laama ubugasu bwenyu; yee, mmali kubulaama, kigira si mwa li vika mu myoyo gyenyu.

Kwidzulitsa 28:17

U la laamwa mu kihinda kikyo, na u la laamwa mu kidera kikyo.