hene yaho mwami ya volera Nathan muprofeti, Henza kalunu, inze mmenyi mu inyumba yemitaragwa, navutswa iisanduku lya Nyasaye li menyi mu tsingubo tsyokukinga.
Ya mu volera, Mwoyo gwange si gwa tsia halala nive, lwa mundu uyu ya girunkana kandi kutwula ku ligari lilye kulolana nive? I veye inyinga yokuvugula ifetha, nokuvugula tsingubo, nomulimi gyemizeituni, nemi limi gyemizabibu, na magondi, ne tsing'ombe, na vatugwa vayai na vatugwa vakana?
Mika Mumorashiti ya profeta mmadiku ga Hezekia, mwami wa Yuda; na ya volera avandu vosi va Yuda, na a vola, Yahova wa mahe a vola ndi: Zioni li la limwa kuli mulimi, na Yerusalemi li la va vitumi, na kigulu kyenyumba ki la leng'ana na hadiguiuku homulitu.
Yahova a vola ndi: Kali kandi ga la hulirwa hano, ha mu volanga Ha veye ahere, ha tsi ta veye nomundu kinga inyama, kali mu madala ga Yuda, nomu tsinzira tsya Yerusalemi, tsi veye hatswa, tsi ta li ku nomundu kinga avamenyi kinga inyama
Yahova wa mahe a vola ndi Kali ga la va ho kandi hano, aha veye hatswa, ha ta li nomundu kinga inyama, nommadala gaho gosi, ubumenyo bwa avayi ava gonnyanga mu kivala magondi gavo.
Yahova ya ta ubwali bwibwe, kandi ya ta hatakatifu hehe, Ya vika mmukono gwa avasigu madigi getsinyumba tsitsye tsyobwami: Va koli liyoga mu inyumba ya Yahova, kuli lya li ku lidiku lyelivugana.
U volere inyumba ya Israeli, Mwami Nyasaye a vola ndi: Henza, nda vika ubudamano hatakatifu hange, ubunene bwobunyali bwenyu, kitovole kyetsimoni tsyenyu, kyemyoyo gyenyu kya vererera; navana venyu avayai navakana ava mwa leka inyima va la gwa ku kivavi.
Mwinye mwa he nzerera vinyingi, na, henza, vya leta vikekeke vutswa; kandi lwa mwa vi leta mu nyumba, nda vi huudza. Kigira ki? Yahova wa mahe a teva. Ga veye kigira inyumba yange ya lekwa vutswa, lwa mwinye sa mulala a nyagula kutsia kunyumba yeye.