Haggai 1:13 - KITABU KITAKATIFU

¹³ Hene yaho Haggai, wa li mutu mwa wa Yahova, ya volera avandu, mu makuva ga Yahova, na a vola Inze mbeye halala nemwinye, Yahova a vola.

Haggai 1:13 ပူးပေါင်းရင်းမြစ်များ

1 Kyetsinyinga 28:20

Na Daudi ya volera Solomoni mwana wewe, U ve mugulu nokwele minya, nokugakola; u ta tia mba kinga kukudza mwoyo; kigira Yahova Nyasaye, uyu Nyasaye wange, a veye halala nive, si a la geha ku ive mba, kandi si a la ku leka mba, kuduka miyinzi yigyi gyosi gyobu tumiki bwenyumba ya Yahova gyi tweki.

2 Kyetsinyinga 15:2

naye ya twula kutsia kwagana na Asa, na a mu volera, U mbulire, Asa, na vosi va Yuda na Benjamini: Yahova a veye halala na mwinye, lwa mwinye mu veye halala naye; ni mu va ni mu mwenya, a la loleka na mwinye; navutswa ni mu va ni mu mu leka, a la leka mwinye.

2 Kyetsinyinga 20:17

Mu bulwani yibu si mu la va nelyenya kulwana: mu dinye, mu singire, mu lola ubuhonyi bwa Yahova bu veye halala nemwinye, mwinye O Yuda na Yerusalemi; mu ta tia mba, kandi mu ta kudza mwoyo: mugamba mu va twulire; kigira Yahova a veye halala nemwinye.

2 Kyetsinyinga 32:8

kuye ha veye nomukono gwekinyama; na vutswa ku kwinye ha veye na Yahova Nyasaye wetu, wokukonya kwinye, nokukulwanira ubulwani bwetu. Na vandu vesedema ku makuva ga Hezekia mwami wa Yuda.

Zaburi 46:11

Yahova wa amahe a veye halala nekwinye; Nyasaye wa Yakobo a veye kyo kwivisa mu kyetu. [Selaha

Zaburi 46:7

Yahova wa amahe a veye halala nekwinye; Nyasaye wa Yakobo a veye kyo kwivisa mu kyetu. [Selaha

Isaya 41:10

u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Isaya 42:19

Ni bwaha u veye mboku, na a ta li uyu mutumwa wange? Kandi ni bwaha wa hana amatu, kuli mutumwa wange wa ntumanga? Ni bwaha u veye mboku kuli uyu u veye nemirembe ku inze, a veye mboku kuli mutume kiri wa Yahova?

Isaya 43:2

Lwa u vita mmadzi manene, nda va halala nive; nomumigera, gyi la vula kukwina; lwa u genda mmuliru, u la vula kuhya; kandi ulumemo lwomuliru si lu laaka ku ive.

Isaya 44:26

u dinyiridzanga likuva lyomutumekiri wewe, nokudukidza makuva gavatumwa veve; u voleranga ku makuva ga Yerusalemi, Li la menywa: noku madala ga Yuda, Ga lombakwa, nda singeridza tsing'anye;

Jeremia 15:20

Nda kola ive u ve lidigi lyolugaga lwomugasa ku vandu yava; navo va la lwana nive, navutswa va la vula kukuguuta: kigira mbeye halala nive kukutungira nokukuhonnya, Yahova a vola.

Jeremia 20:11

Navutswa Yahova a veye halala ninze kuli wetsingulu wokutihidza: kigira yaga ava dambidzanga inze va lekigitala, navo va la vula kunguuta; va la va isoni ligali, kigira si va kola nobugeeri kali kwegugunnya mihiga nemihiga gi vula kwivirirwa.

Jeremia 30:11

Kigira inze mbe halala nive, Yahova a vola, kukuhonya: kigira nda heridza ligali tsihiri yitsyo tsyosi ha nda ku salannya, navutswa si nda heridza ive mba; navutswa nda ku ha mageli nelikalaga, kandi si nda ku leka bugira kukuha mageli kali hakuzu mba.

Ezekieli 3:17

Ive mwana womundu, mmali kuvika ive u ve mulindi wenyumba ya Israeli: kigira yaga u hulire likuva mu munwa gwange, na u va gerehidze ni lieta lyange.

Haggai 2:4

Navutswa kalunu u ve mugulu, O Zerubabeli, Yahova a vola; kandi i ve ive mugulu, O Joshua, mwana wa Jehozadaku, musalisi munene; na mwinye avandu avekivala mwosi mu ve avagulu, Yahova a vola, mu kole miyinzi: kigira inze mbeye halala nemwinye, Yahova wa mahe a vola,

Malaki 2:7

Kigira ga dukira minwa gyomusalisi kulinda limanya, kandi ga va dukira kwenya lilaga mu munwa gwigwe: kigira a veye mutumwa wa Yahova wa mahe.

Malaki 3:1

Henza, ntuma mutumwa wange naye a la lungikidza inzira mbir; wange: na Yahova wa mwenyanga, a ladza ku litempeli lilye nonoho; nomutumwa welilagana, wa mwenyanga, henza, yadzanga, Yahova wa mahe a vola.

Matayo 1:23

Henza, mkana mgima a la vereka, na a livula mwana muyai, Na va gulike lieta lilye Imanueli; li veye kuvola, Nyasaye a veye halala ne kwinye.

Matayo 18:20

Kigira ha vaviri va vugani kinga vavaka ku lieta lyange, inze mbeye hagati havo.

Matayo 28:20

mu vegidze kugumira vyosi vya nda mu laga: kandi, henza, inze mbeye haiala nemwinye madiku gosi, kali kuduka ku kiheri kyenyinga.

Varumi 8:31

Kunangwa ku vola ndi ku vindu yivi? Nyasaye na a reve ku luvega lwetu, ibwaha a veye musigu wetu?

2 Vakorintho 5:20

Kunangwa ku veye avatumwa kigira Kristo, kuli Nyasaye a goonyanga neminwa gyetu: ku goonya mwinye kigira Kristo, mu hambannywe na Nyasaye..

2 Timoteo 4:17

Navutswa Mwami ya singira halala na inze, nokumpa tsingulu; nduke kugamba lilwadza nobudukiru bwalyo, avandu vosi ve Tsihiri va duke kuhulira: na inze nda honnywa mu munwa mweking'ang'a.

2 Timoteo 4:22

Mwami a ve na roho gugwo. Tsimbabasi tsi ve na ive.

Vakalagi 2:1

Ma, ingelosi wa Yahova yanegira kutwula Gilgali kutsia Bokim. Naye ya vola, Nda mwanegiridza kutwula mkivala kya Egepeti, na mali kumuleta kuduka mu kivala kya ndisuhira avaguga venyu; nda vola, Ligali si ndononnya lilagana lyange lya nda lagana nemwinye, mihiga nemihiga: