Habakuk 3:4 - KITABU KITAKATIFU

⁴ Ubung'ering'anu bwibwe bwa li kuli ubulavu; Ya li netsimemo tsya twula mmukono gwigwe; Na liviswa lyetsingulu tsitsye lya li ho.

Habakuk 3:4 ပူးပေါင်းရင်းမြစ်များ

Nehemia 9:12

Kandi wa vimirira mu munara gwelilesi inyinga yombasu; kandi mu munara gwomuliru inyinga yobudiku, kuvaha ubulavu ku inzira ya ga va dukira kutsia kuyo.

Ayubu 26:14

Henza, yitsi ni litanga vutswa lyetsinzira tsitsye: Navutswa nasindi limonya likekeke lya ku huliranga mmakuva gege Navutswa ni bwaha u nyala kumanya lihirigana lyetsingulu tsitsye?

Zaburi 104:2

Wivikanga ubulavu kuli ingubo; U vambulanga ligulu kuli ingubo yokukinga;

Zaburi 18:12

Malesi maliduhu ga vita mu bulavu bwa li imbiri wewe, Imbula ya magina na amandu gomuliru.

Kutwula 13:21

Na Yahova ya tsia imbiri wavo inyinga yombasu mu munara gwelilesi, kuvimirira ku inzira, na mu budiku mu munara gwomuliru, kuvaha ubulavu; va duke kugenda mu mbasu nomu budiku:

Kutwula 14:20

nagwo gwa li hagati helihe lya Egepeti na lihe lya Israeli; na lya li ho lilesi na kisundi, navutswa lya kola ubulavu mu budiku: na lilala si lyesunda himbi na lindi mba ubudiku bwosi.

Tsing'ano 18:10

Lieta lya Yahova li veye impinga yetsingulu; Mulungi yirukira muyo ma a hona.

Ezekieli 1:27

Na nda lola kuli ubwakanyu bwekivya, kuli liloleka lyomuliru mukyo kukumbiridza tsimbega tsyosi, kutwula ku liloleka lyekikenge kikye ku luvega lwegulu; nokutwula kuliloleka lyekikenge kikye ku luvega lwa isi nda lola kuli liloleka lyomuliru kandi ha li nobung'ering'anu bu mu kumbiridza.

Ezekieli 43:2

Na, henza, ubu kumi bwa Nyasaye wa Israeli bwa loleka ku inzira yevugwe: nomwoyo gwigwe gwa li kuli lihoola lyamadzi manene; nelirova lya ng'ering'ana kigira ubukumi bwibwe.

Matayo 17:2

na a girunkanywa ligo ndo imbiri wavo; mmoni mwimwe mwa ng'ereng'ana kuli liuva, netsi ngubo tsitsye tsya gwa tsindavu kuli ubulavu.

1 Timoteo 6:16

u veye neliwla kukudza yeng'ine, u menyanga mu bulaw obu tisundwa himbi; womundu a ta lola kali mulala, kandi si ha veye nomundu u nyala kumulola: kuye lidzominywa netsingulu tsi ve kuye mihiga nemihiga. Amini.

Likunula 21:23

Kandi lidala zana si li veye nelyenya liuva, kinga mweli, okwaaka kulyo: kigira ubukumi bwa Nyasaye bwa li lavidza, kandi itaya yalyo i veye Mwana Weligondi.

Likunula 22:5

Kandi ubudiku si bu la va ho kandi mba; kandi si va veye nelyenya ubulavu bwetaya, kinga ubulavu bweliuva; kigira Mwami Nyasaye a la va laviranga: kandi va lameha mihiga nemihiga.