Habakuk 3:2 - KITABU KITAKATIFU

² O Yahova, mbuliye makuva gogo, na mbeye nobutii: O Yahova, u simugukidze miyinzi gyigyo hagati hemihiga; Hagati hemihiga landidza makuva Mu butima bubwo widzulitse tsimbabasi.

Habakuk 3:2 ပူးပေါင်းရင်းမြစ်များ

Ezara 9:8

Kalunu ku tsidagika tsinkekeke Yahova Nyasaye wetu u ku leminye mwoyo, u ku lekeye ava tigaye va hone, nokukuha kivambo mu hatakatifu hehe, Nyasaye wetu a duke kukuvikira ubulavu mu tsimoni tsyetu, nokukuha livuka likekeke mu libofwa lyetu.

Ayubu 42:5

Nda li ni mbuliranga makuva gogo nelihulira lyogutu; Navutswa kalunu imoni yange i lola ive:

Zaburi 119:120

Mubiri gwange gu degeranga kigira ubutii bwokutia ive; Na mbeye nobutii ku likalaga lilyo.

Zaburi 25:6

O Yahova, widzulitse tsimbabasi tsitsyo, na ubuyanzi bubwo Kigira vi veye ho kutwula kale.

Zaburi 38:1

Yahova u ta mbera amageli mu butima bubwo; Kinga kunkuyira mu butima bwoluya bubwo.

Zaburi 44:1

Ku huliye na amatu getu, O Nyasaye, Avaguga vetu va ku voleye, Vikolwa vya wa kola mu madiku gavo, Mu madiku ga kale.

Zaburi 71:20

Ive u ku mannyi kivi kinyingi na budamano, U la ku singeridza kandi, Nokukutwulidza kandi mu ng'ani.

Zaburi 78:38

Navutswa kigira a veye wetsimbabasi, ya sameha ubukyamu bu avo, na si ya vononnya mba: Yee, hali kanyingi ya twula ku ubutima bwibwe, Na si ya vukidza ubululu bwibwe bwosi.

Zaburi 85:6

Si u lirana kukuwkidza, Avandu vovo va duke kusangala mu ive?

Isaya 53:1

Ni bwaha u bugirira makuva getu? Na mukono gwa Yahova gwa vuulirwa bwaha?

Isaya 54:8

Ku livihirirwa lya vita kigero nda ku visa mmoni mwange ku idakika indala; navutswa ku bulahi bu hongeranga mihiga nemihiga nda ku vererera, Yahova Mutungiri wowo a vola.

Isaya 63:15

Henza hasi kutwula migulu ha u veye, u lole kufwula ubumenyo bwo butakatifu bubwo nobukumi bubwo: ubugulu bubwo nelikola lyetsingulu lilyo li veye haliha? Lyenya lyomwoyo gugwo nelivererera lilyo ku inze li gayeywi li vula kuduka ku inze.

Isaya 66:2

Kigira makono gange ga lombi vindu yivi vyosi, ni ndiyo vya li ho vindu yivi vyosi. Yahova a vola: navutswa nda henza ku mundu uyu, yee, uyu u veye mudaka na womwoyo gwelyeganira, welidegera kigira likuva lyange.

Jeremia 10:24

O Yahova, u mbe amageli, navutswa ku bulungi; ga ta va ku butima, gase u la ngehidza.

Jeremia 10:7

Ni bwaha u vula kutia ive, O Mwami wavetsihiri? Kigira ga ku dukira yaga: kigira mu vageeri vosi avetsihiri, nomu vindu vyavo vyosi vyobwami, si ha veye mulala u veye kuli ive.

Jeremia 29:10

Kigira Yahova a vola, Babuloni lwa li dukidzwa mihiga makumi gatano na gaviri, inze nda luuta mwinye, na nda mu dukidzira likuva lyange lilahi, kumwirannya hano.

Jeremia 46:28

Ive u ta tia mba, O Yakobo mutumekiri wange, Yahova a vola; kigira inze mbeye halala nive: kigira inze nda heridza ligali tsihiri yitsyo tsyosi tsya nda ku kunga kutsia mutsyo, navutswa si nda heridza ive mba, navutswa nda ku gondokera nelikalaga, kandi si nda ku leka bugira kukuha mageli kali hakuzu.

Lisyoma lya Jeremia 3:32

Kigira kali na a vereridza, naye kandi a la vera kuli ubunene bwetsimbabasi tsitsye.

Danyeli 8:17

Kunangwa yesunda himbi ha nda singira; na lwa ya duka himbi, nda li nobutii, na nda gwa hasi mammama: navutswa ya mbolera, U hulire, O ive mwana womundu; kigira malola yaga ga veye genyinga yekiheri.

Danyeli 9:2

mu muhiga gwokutanga gwelyameha lilye, inze, Danyeli, nda manya ku vitabu hesabu yemihiga ya makuva ga Yahova aga duka ku Jeremia muprofeti, ku litwekidza lyelyoneka lyelidala lya Yerusalemi, gyi veye mihiga makumi gatano na gaviri.

Habakuk 3:1

Yili ni lisaala lya Habakuk muprofeti, yimba ku Shigionothu.

Habakuk 3:16

Inze nda hulira, na mubiri gwange gwa degera, Minwa gyange gya degera kigira mwoyo gwigwe; Ubugundu bwingira mu vigumba vyange, na nda degera mbugono bwange; Nduke kusosa mu lidiku lyekivi, Inyinga yelyanegira lyavandu va ku twulira nelihe.

Zekaria 1:12

Hene yaho ingelosi wa Yahova ya tivula na a vola, O Yahova wa mahe, kuduka inyinga ki ive u la sula kuvererera Yerusalemi na madala ga Yuda, aga u veye nobutima kugo mihiga yigyi makumi gatano na gaviri?

Yohana 10:10

Mwivi si yadza bugira kwiva, nokwiita, nokwononnya: inze ndadza va nyola livamwoyo, kandi va li nyole linyingi.

Varumi 10:16

Navutswa si va li vosi ava bugirira ivangeli. Kigira Isaya a vola, Mwami, ibwaha u suuvira livola lyetu?

Vafilipi 1:6

nsuuvira kindu zana yiki, uyu wa tanga miyinzi milahi mu mwinye a la gyi dukidza kuduka ku lidiku lya Yesu Kristo:

Vahebraina 11:7

Ku lisuuvira Nuhu, lwa Nyasaye ya mu mannya amakuva gevindu vi kikiri kuloleka, ku litia lya ya tia Nyasaye, ya lomba liato a duke kuhonnya avenyumba yeye; ku yago ya kalagira avelirova va ve nekindu kuvo, kandi ya gwa wemiyandu gyobulungi bu veye ku lisuuvira.

Vahebraina 12:21

liloleka lya li nobutii kuduka Musa ya vola, Ubutii bu ng'umiye nelidegera.

Likunula 15:4

Ibwaha u vula kutia, O Mwami, nokwidzominya lieta lilyo? Kigira ive u veye mutakatifu weng'ine; kigira tsihiri tsyosi tsi ladza nokusigama imbiri wowo; kigira vikolwa vivyo vilungi vi lang'aminyeywi.