Habakuk 2:9 - KITABU KITAKATIFU

⁹ O bayaye ku uyu u nyoleranga inyumba yeye vyambeti vyobudamano, a duke kuvika inyumba yeye igulu, a duke kuhonywa ku mukono gwobudamano

Habakuk 2:9 ပူးပေါင်းရင်းမြစ်များ

Zaburi 49:11

Liganagana lyomu mwoyo li veye, tsinyumba tsyavo tsi la menya mihiga nemihiga, Na hokumenya havo ha la hindira kuduka ku visukululwi vyosi; Va gulika ameta gavo ku milimi gyavo avene.

Zaburi 52:7

Henza, uyu a veye mundu wa vula kukola Nyasaye lugaga lwilwe, Navutswa ya suuvira ubunyingi bwobutugi bwibwe, Na yesingeridza mwene mu ubudamano bwibwe.

Isaya 28:15

Kigiramwa vola, Kwinye ku koli lilagana nelikudza, na ku hambana ne Kihadisi; liduya lizulira lwa li la vita hagati si li la duka ku kwimze; kigira ku lombi ububehi kuva hokwivisa hetu, na kwivisi isi wobugadi:

Isaya 5:8

Ubudamano bu veye kuvo ava medanga inyumba ku inyumba yindi, na va hambannya mulimi ku mulimi gundi, ubwiyangu bu luhe bu dake, na mwinye ga mu dukiye kudalang'ana hagati hekivala

Jeremia 17:11

Kuli inkwari i goneranga mabuyu amasiru nokuvula kwalula, ni ndiyo a veye uyu u nyola ubutugi, navutswa si bu veye ku bulungi; bu la mu leka hagati ha madiku gege, na mu kiheri kikye a la va umusiru.

Jeremia 22:23

O ive u menyanga Lebanon, wombakanga kyaalira kikyo mu mitaragwa, kuli ga li ku dukira ku vereerwa lwa lilumwa li duka ku ive lilumwa kuli lyomukali wivulangai.

Jeremia 49:16

Ku makuva gelitihidzwa lilyo, luyai lwomwoyo gugwo lu ku gadanga, O ive u menyanga mu tsinkombe tsyamagina, u gumiranga hadiguluku hekigulu: kaliva nu u vika kyaalira kikyo igulu ligali kuli indidzu, nda kwikidza kutwula yo, Yahova a vola.

Jeremia 51:13

O ive u menyanga ku madzi manyingi wobunyingi bwelivikiru lya akiba kiheri kikyo ki duka, kigero kyeli kayirwa lilyo.

Jeremia 51:53

Kali Babuloni ni yanegira igulu kuduka miguiu, kandi kali ni yelombera lugaga ku budiguluku bwetsingulu tsitsye, navutswa avokudividza va ladza kuye kutwula ku inze, Yahova a vola.

Ezekieli 22:27

Avanene veve muye va gwiye kuli visalang'ongo vi tandu langa vihimwa, kuduka kutahidza masahi, nokudividza myoyo gyavandu, va duka kunyola vyambeti ku ga ta li bulungi.

Obadia 1:4

Kali ni weduda igulu kuli kihungu, kali inyumba yoyo ni ya vikwa mu tsing'ereng'ani, nda kwikidza hasi kutwula yo, Yahova a vola.

Yudasi 1:11

O bayaye bu ve kuvo kigira va londa inzira ya Kaini, nokunyagulira ligali lihyolo lya Balaam kigira madanyi, nokudiva mu bwebaali bwa Kora.