Habakuk 2:2 - KITABU KITAKATIFU

² Yahova ya ntivulira, na a vola, Ng'oda malola yaga, u ga kole ga ve habulavu ku vibao, a nyale kunyagula uyu u ga soma.

Habakuk 2:2 ပူးပေါင်းရင်းမြစ်များ

Isaya 30:8

Kalunu u tsie, u ng'ode likuva yili ku kihao imbiri wavo, u li ng'ode mu kitabu, li duke kuva lye tsinyinga tsidzanga kuduka mihiga nemihiga.

Isaya 8:1

Na Yahova ya mbolera, Vugula kibao kinene, na u ng'ode ku nekalamu yomundu, Kigira Maherisha lali hashi-bazu;

Jeremia 30:2

Yahova, Nyasaye wa Israeli, a vola ndi, U ng'ode mu kitabu makuva gosi aga nku voleye.

Danyeli 12:4

Navutswa ive Danyeli, u kunike amakuva yaga nokuvika muhuri ku kitabu, kali kuduka ku inyinga ye kiheri: avanyingi va la nyagula yiyi na yiyi, na limanya li la medeka.

Danyeli 7:1

Mu muhiga gwokutanga gwe lyameha lya Belishazaru mwami wa Babuloni, Danyeli ya lota liloto na malola gomutwe gwigwe ku kitali kikye: ma va ng'oda liloto na a vola liduka lyevindu zana.

Varumi 15:4

Ki gira vindu vyosi vya tanga kung'odwa kale vya ng'odwa kigira lyegidzwa lyetu, ku lyekudzira kandi ku lilemeridza lyamang'oda ku duke kuva nelisuuviridzwa.

1 Vakorintho 14:19

navutswa mu livugana nyenya kuvola amakuva gatano nobugeeri bwange, nduke kwegidza avandi, kuvita livola netsinimi amakuva tsielfu likumi.

2 Vakorintho 3:12

Kunangwa kigira ku veye nelisuuviridzwa kuli yili, ku vola nobuluviriri ligali,

Kwidzulitsa 27:8

Na u ng'ode ku magina makuva gelilaga yili lyosi habulavu ligali.

Kwidzulitsa 31:19

Kunangwa kalunu mweng'odere ulwimbu yilu ive wegidze avana va Israeli: u va vikire mminwa gyavo, lwimbu yilu lu duke kuva umulolekidzi wange ku avana va Israeli.

Kwidzulitsa 31:22

Kunangwa Musa ya ng'oda ulwimbu yilu lidiku yilyo, ni yegidza avana va Israeli.

Likunula 14:13

Kandi nda hulira mwoyo gwa twula migulu, gu vola, U ng'ode, Va veye nobugasu avakudzu ava kudziranga mu Mwami kutwula kalunu: yee, Roho a volanga, va duke kusosa kutwula mu miyinzi gyavo; kigira miyinzi gyavo gyi londekana navo.

Likunula 19:9

Kandi ya mbolera, U ng'ode, Va veye nobugasu ava langeywi va tsie mu lilia lyekiserero kyo Mwana Weligondi. Kandi ya mbolera, Yaga ga veye amakuva ageligali ga Nyasaye.