Habakuk 1:2 - KITABU KITAKATIFU

² O Yahova, ndanira ive kuduka inyinga ki, na ive nu u vula ku mbulira? Nyaniranga ive kigira kirage, na ive si wenya kukonya.

Habakuk 1:2 ပူးပေါင်းရင်းမြစ်များ

Ayubu 19:7

Henza, ndiranga kigira liginwa, navutswa si ha veye no u mbulira: Nkupanga lwanga nyole bukonyi, navutswa likalaga si li veye ho mba.

Zaburi 22:3

Navutswa ive u veye mutakatifu, O ive u menyanga mu lidzominya lya Israeli.

Zaburi 94:3

O Yahova, kuduka inyinga ki avekirage Tsinyinga tsyanga avadamano va la guuta?

Jeremia 14:9

Kigira ki ive u veye kuli mundu wa timuka enkolo, kuli mundu wetsingulu u ta nyala kuhonnya? Navutswa ive, O Yahova, u veye hagati hetu, na kwinye ku langangwa ku lieta lilyo; u ta ku leka mba.

Lisyoma lya Jeremia 3:8

Yee, ni nkupa lwanga nokwenya mukonyi, a haniranga kyova lisaala lyange.

Zekaria 1:12

Hene yaho ingelosi wa Yahova ya tivula na a vola, O Yahova wa mahe, kuduka inyinga ki ive u la sula kuvererera Yerusalemi na madala ga Yuda, aga u veye nobutima kugo mihiga yigyi makumi gatano na gaviri?

Likunula 6:10

navo va lira nomwoyo munene, ni va vola Mwami mutakatifu noweligali, kuduka inyinga ki, ive u vuli kukalaga nokuvanza kisalya kya masahi getu ku va menya mu lirova?