Filemona 1:16 - KITABU KITAKATIFU

¹⁶ inyinga ya kalunu si ya li mutugwa, navutswa u viti mutugwa, amitu muyanze, ligali ku inze kuvita, navutswa ku ive ga kiri ligali mu mubiri nomu Mwami.

Filemona 1:16 ပူးပေါင်းရင်းမြစ်များ

Matayo 23:8

Navutswa mwinye mu ta langwa Rabi mba: kigira mulala a veye mwegidzi wenyu, na mwinye vosi mu veye avamwavo navamwavo.

Vikolwa 9:17

Na Anania ya tsia ni yingira mu inyumba, na a vika makono kuye na a mu volera, Saulo amitu, Mwami u ntumi, naye ni Yesu wa loleka ku ive ku inzira ya wa tsira ku, u duke kulola, nokwizula Roho Mutakatifu.

1 Vakorintho 7:22

Kigira uyu mutugwa wa langwa mu Mwami a veye muboholole wo Mwami: kandi ndiyo uyu wa langwa a veye muboholole, a veye mutugwa wa Kristo.

Vakolosai 3:22

Avatugwa, mu hulire avami venyu ku lugano lwomubiri, mu vindu vyosi; mu ta kola butugwa bwetsimoni, kuli ava yanzidza avandu, navutswa nomwoyo gu ta li nobugadi; nomu gwokutia Mwami:

1 Timoteo 6:2

Kandi yava ava veye navanene vavo ava suuviranga, va ta va lega mba, kigira va veye avamwavo; navutswa nu bulahi va va tumekire bulahi kigira avanene yava ava vugulanga ubulahi ku miyinzi gyavo va veye avasuuviri navayanze. Vindu yivi wegidze kandi u va tsuve.

Vahebraina 3:1

Kunangwa, avamitu avatakatifu, avasangi mu lilangwa lyomigulu, mu ganagane uyu Mutumwa, Musalisi Munene welyeyama lyetu, naye ni Yesu;

1 Yohana 5:1

Ku vosi u suuvira Yesu ni Kristo, yivulwa kutwula ku Nyasaye: kandi u yanza wa mwivula, a yanza kandi wivulwa kutwula kuye.