Ezara 9:8 - KITABU KITAKATIFU

⁸ Kalunu ku tsidagika tsinkekeke Yahova Nyasaye wetu u ku leminye mwoyo, u ku lekeye ava tigaye va hone, nokukuha kivambo mu hatakatifu hehe, Nyasaye wetu a duke kukuvikira ubulavu mu tsimoni tsyetu, nokukuha livuka likekeke mu libofwa lyetu.

Ezara 9:8 ပူးပေါင်းရင်းမြစ်များ

2 Avami 19:4

Namusya Yahova Nyasaye wowo a la hulira makuva yaga gosi aga Rabishake, wa mwami wa Asuria munene wewe a tumi kulega Nyasaye u veye mwoyo, namsya Nyasaye a la gondokira amakuva aga Yahova Nyasaye wowo a huliranga: kigira yaga ginga lisaala lilyo kigira litigala lya yavo avatigala.

Ezara 9:9

Kigira kwinye ku veye avatugwa; navutswa Nyasaye wetu si a ku leka ligali mu libofwa Ivetu, navutsvva u ku leminye mwoyo imbiri wommoni mwa avami va Persia, a duke kukuha livuka, ku duke kusingeridza inyumba ya Nyasaye wetu, nokudigulula vya nyi vyayo, nokukuha lidigi mu Yuda, nomu Yerusalemi.

Nehemia 1:11

O Yahova, mwadza, nku saala ligali, ugutu gugwo gu tegidzwe kuhulira lisaala lyomutumekiri wowo, na lisaala lya vatumekiri vovo, ava sangala mu litia lieta lilyo; na nku saala ligali, u ngasidze inze mutumekiri wowo lero, u mbe tsimbabasi imbiri wo mundu uyu. Kigira inze nda li munwehidze womwami.

Nehemia 9:31

Navutswa mu tsimbabasi tsitsyo tsinene si wa va mala ligali mba, kandi si wa va leka; kigira u veye Nyasaye wetsimbabasi tsinene.

Ayubu 33:30

Kwirannya mwoyo gwigwe kutwula mbogo, A duke kulavidza nobulavu bwa avelivamwoyo.

Zaburi 13:3

U henze u ntivulire, O Yahova Nyasaye wange: U lavidze tsimoni tsyange, gase nda gona tsindolo tsyelikudza;

Zaburi 13:4

Gase musigu wange a la vola, mmali kumuguuta; Gase avadambidzi vange va la sangala ku lidendeya lyange.

Zaburi 138:7

Ni mba ni ngenda hagati hekivi, u la linda livamwoyo lyange; U la nyira mukono gugwo ku butima bwavasigu vange, Na mukono gugwo mulungi gu la mbonnya.

Zaburi 34:5

Va mu henzera, ni va ng'ereng'anywa; Na mumoni mwavo si va li kuva netsisoni mihiga gyosi.

Zaburi 85:6

Si u lirana kukuwkidza, Avandu vovo va duke kusangala mu ive?

Tsing'ano 29:13

Mudaka na umudambidzi va vugana halala; Yahova niye u lavidzanga tsimoni tsyavo vombi.

Kohelethu 12:11

Makuva gavageeri ga veye kuli makangu; kandi kuli misumari gya kubangirirwa navanene vamavugano, ga twula ku mwayi mulala.

Isaya 1:9

Yahova wa mahe ni i va a vula kukulekera litigala likekeke ligali, nkano kwa ka va kuli Sodoma, nokufwanana na Gomora.

Isaya 14:3

Na ga la duka mu lidiku yilyo lya Yahova a ku sosidza ku liverera lilyo, noku litihidzwa lilyo, noku butumekiri budinyu bwa wa tumekirwa,

Isaya 56:5

Nda haana kuvo lidzulitsa na ameta mu inyumba yange, mu madigi gange ga li va malahi kuvita kuva navayai navakana; nda va ha lieta lyemihiga nemihiga, li la vula kutwulidzwa.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Isaya 6:13

Navutswa ni ki nyoleka kidieli kyelikumi mu kivala, ki la libwa kandi: kuli muvinde, na kuli mugandi gwekitinya kyagwo kya tigala, ha gwa temwani ndiyo kisukululwi kitakatifu ki veye kitinya muvo.

Jeremia 42:2

ni va volera Jeremia mu profeti, Mwadza, lisaala lyetu li bugirirwe imbiri wowo, na ive u ku saavire ku Yahova Nyasaye wowo, livola li veye ku yavo vosi avatigala: kigira ku tigala vakekeke mu va li avanyingi, kuli tsimoni tsitsyo tsi lolanga kwinye,

Jeremia 44:14

kali mu yavo avatigala mu Yuda, ava tsia mu kivala kya Egepeti va duke kumenya yo avageni, si ha veye nomundu kali mulala u li hona, kinga u li tigala, va luhe virane mu kivala kya Yuda, kivala kya va kayirangwa virane mukyo nokumenya mu: kigira si ha veye nomundu kali mulala u li duka kwirana ni va ta li yava ava li hona.

Ezekieli 14:22

Navutswa, henza, va la tigala yavo ava lihilwa kyova, avayai navakana: yava va li loleka ku mwinye, na mu la lola tsinzira tsyavo, nelikola lyavo; na mu la leminywa myoyo mu makuva gobudamano bwa nda leta ku Yerusa lemi, kali mu vyosi vya nda leta kuiyo.

Hosea 6:2

Inyima welidiku lyakaviri a la ku simugukidza: ku lidiku lya kavaka a la ku vukidza ku singire, ku la va mwoyo imbiri wewe.

Habakuk 3:2

O Yahova, mbuliye makuva gogo, na mbeye nobutii: O Yahova, u simugukidze miyinzi gyigyo hagati hemihiga; Hagati hemihiga landidza makuva Mu butima bubwo widzulitse tsimbabasi.

Zefania 3:12

Navutswa nda leka hagati hoho avadambidzwa navadaka, na va la suuvira lieta lya Yahova.

Zekaria 10:4

Ligina lyolwiga li la twula kuye, nomsumari, nobuta bwobulwani bu la twula kuye, ku vosi avamehanga va la twula kuye.

Zekaria 8:12

Kigira bu la va ho bugutsa bwemirembe; muzabibu gu la leta makuyu gagwo, na marova ga lama limedeka lyago, na ligulu li la leta lime lyalyo; nda ha vandu va tigala miyandu gyevindu yivi vyosi.

Zekaria 8:6

Yahova wa mahe a vola. Ni li va ni li veye likuva lyokugenya imbiri wetsimoni tsyavo avatigala ku avandu yavo mmadiku yago, ga dukanga kuva likuva lyokugenya imbiri wange? Yahova wa mahe a vola.

Varumi 9:27

Kandi Isaya a kupa lwanga ku Vaisraeli ndi, Hesabu ya vana va Israeli ni i va ni i veye kuli muyeke gwomu inyanza, li veye litigala lyavo li li honnywa:

Likunula 3:12

Uyu u guutanga nda mu kola itiru mu litempeli lya Nyasaye wange, kandi si a la tsia kyova kandi mba: kandi nda ng'oda kuye lieta lya Nyasaye wange, nelieta lyelidala lya Nyasaye wange, Yerusalemi lihya, liikanga kutwula migulu ku Nyasaye wange, kandi nda ng'oda kuye lieta lyange, inze mwene, lihya.

1 Samweli 14:27

Navutswa Jonathan si ya hulira lwa dada wewe yeganehidza avandu halala nelisuha: kunangwa ya nyira isonga ye impimbo ya li mmukono gwigwe, na a gi dira mu lisang'asa lyobwuki, na ya vika mukono gwigwe ku munwa; netsimoni tsitsye tsya kunuka.

1 Samweli 14:29

Hene yaho Jonathan ya vola, Dada wange ya dambidza kivala yiki: henzi, mwadza, mu lole kuli tsimoni tsyange tsya kunuka kigira ntsatsami ubwuki bukekeke yibu.