Ezara 9:6 - KITABU KITAKATIFU

⁶ na nda vola, O Nyasaye wange, mbeye isoni, tsisoni tsi ngumiye kali ni ng'inga mmoni mwange ku ive Nyasaye wa nge, kigira ubudamano bu medeki igulu ku mitwe gyetu, mahyolo gyetu ga viruki kuduka migulu.

Ezara 9:6 ပူးပေါင်းရင်းမြစ်များ

Litanga 13:13

Na avandu va Sodoma va li avadamano ligali, na va kola, ubwoni munonono imbiri wa Yahova.

1 Avami 8:47

navutswa ni virana mu myoyo gyavo mkivala ha va hilwa, ni virana, nokuhomba ive mu kivala kya yavo ava va hila, ni va vola, Ligali kwa hyola, kwa kola ubukyamu, kwa kola ubudamano;

2 Kyetsinyinga 28:9

Navutswa muprofeti wa Yahova ya li yo, lieta lilye lya langwa Odedi: naye ya twula kutsia kwagana nelihe lidzanga Samaria, na ya va volera, Henza, kigira Yahova, Nyasaye wavaguga venyu, ya vihirirwa Yuda, ya va vika mmukono gwenyu, na mwinye mu mali kuviita nobutima bwa duka migulu.

Ezara 9:13

Nenyima wa yaga aga ku gwira kigira vikolwa vyetu vidamano, na kigira mahyolo getu manene, kigira ive Nyasaye wetu wa ku ha mageli navutswa si ga li kuli ubudamano bwetu bu dukanga mba, na wa ku lekera ava tigala kuli yava,

Ezara 9:15

O Yahova, Nyasaye wa Israeli, ive u veye mulungi; kigira kwinye ku veye litigala li honi, kuli ga veye lero: henza, ku veye imbiri wowo mu mahyolo getu; kigira si ha veye nu u nyala kusingira imbiri wowo kigira inkuva yiyi.

Nehemia 1:6

ugutu gugwo gu tegidzwe, na tsimoni tsitsyo tsi kunuke, u duke kuhulira lisaala lyomutumekiri wowo, lya nsaalanga imbiri wowo inyinga yiyi, mbasu nobudiku, ku avana va Israeli ava tumekiri vovo, lwa nzeyama ubwoni bwavana va Israeli, ubwa ku koli ku ive. Yee, inze nenyumba ya dada wange ku koli ubwoni:

Ayubu 40:4

Henza inze si mbeye kindu ligali mba; nda ku tivulira ndi? Mbikanga mukono gwange ku munwa gwange.

Ayubu 42:6

Kunangwa kigira yaga inze nzedunyira Na nzeganira mu lugukyi nomu ligoke.

Zaburi 38:4

Kigira ubudamano bwange bu nkuniki kuduka ku mutwe gwange: Kuli musigo muliduhu bu mminan'ga kuvita.

Zaburi 38:5

Tsing'oma tsyange tsi funyanga na tsi gundanga; Kigira ubusiru bwange.

Kutwula 32:31

Kunangwa Musa yirana ku Yahova, na a vola, O, avandu yava va koli ubwoni bunene, na velombeye avanyasaye vethahabu.

Isaya 1:18

Kalunu hambi, ku lombe makuva, Yahova a vola: kali ubwoni bwenyu ni bu va ni bu veye bwakanyu ligali, bu la va ubulavu ligali kuli likonza; ni bu va ni bu veye bwakanyu kuli kibaara bu la va kuli pamba

Isaya 59:12

Kigira mahyolo getu ga medeka livalidzwa lyago imbiri wowo, na bwoni bwetu bu letanga lilolekidza ku kwinye; kigira mahyolo getu ku veye nago halala, noku budamano bwetu, ku bu manya:

Jeremia 3:3

Kigira yaga ulunyirira lwembula lu gaywi, nembula yitodzo i vule kukupa; navutswa wa li nobweni bwowamalaya, wa sula kuva netsisoni.

Jeremia 31:19

Ligali inyima weligirunkanywa lyange, ndeganira; nenyima weliyegidzwa lyange, ndekong'onda kwitango: na nda li netsisoni, yee, kali ku timuka inkolo, kigira nda li ni ng'ingi linyegwa lyobusoleli bwange.

Jeremia 51:9

Kwinye nkano kwa ka honnya Babuloni, navutswa si a hona mba: mu mu leke, ku tsie sa mulala mu kivala kikye: kigira likalaga lilye li duki kali migulu, na li gingeywi kuduka mmalesi.

Jeremia 6:15

Va lola tsisoni lwa va kola kivihiri? Auwa, si va lola tsisoni kali hakuzu, kandi si va nyala kuva isoni; kunangwa kigira yaga va la gwa mu yavo ava gwidzanga; lwa ndi duka kuvo va la tuulwa hasi, Yahova a vola.

Jeremia 8:12

Va lola tsisoni wa va kola kivihiri yiki? Auwa, si va lola tsisoni kali hakuzu, kandi si va nyala kuva soni: kigira yaga va la gwa hagati ha yavo ava gwa; inyinga yelidukirwa lyavo va la tsomwa hasi, Yahova a vola.

Lisyoma lya Jeremia 3:42

Ku siye lwako nokwebaala; ive si u sameha mba.

Ezekieli 16:63

u duke kwidzulitsa, nokutimuka enkolo, u vule kukunula munwa gugwo kandi, kigira tsisoni tsya u veye natsyo, lwa nku sameha yaga gosi aga wa kola, Mwami Nyasaye a vola.

Kyavalevi 26:40

Navo va leyama ubwoni bwavo, na ubwoni bwa vaguga vavo, mu lihyolo lya va hyola ku inze, na kandi kigira va genda mu lihing'ana ku inze,

Luka 15:21

Kandi mwana ya mu volera, Dada, nda yona ku ligulu nembiri wowo: si ndukana kandi kulangwa mwana wowo.

Luka 18:13

Navutswa musololi wobushutu, ya singira ihale si ya li nomwoyo gu duka kuhenza igulu, navutswa yiduya ku kiritu kikye, na a vola, Nyasaye, u mbere rere inze mwoni.

Varumi 6:21

Inyinga zana mwa li namakuyu ki mu vindu vya mu veye soni navyo kalunu? Kigira kiheri kyevindu yivyo ni likudza.

Likunula 18:5

kigira ubwoni bwalyo bu vungi kuduka migulu, kandi Nyasaye yidzuliye ubudamano bwalyo.