Ezara 9:5 - KITABU KITAKATIFU

⁵ Inyinga yokuhaana kihaanwa kyomgolova nda singira kutwula ku lyegehidzira lyange, kali nengubo yange nejoho yange tsi tanduki; na nda gwa ku masigamo gange, noku nyira makono gange ku Yahova Nyasaye wange;

Ezara 9:5 ပူးပေါင်းရင်းမြစ်များ

1 Avami 8:22

Na Solomoni ya singira imbiri wobwali bwa Yahova, imbiri weli vugana lyosi lya Israeli, na a nyira makono gege ku migulu;

1 Avami 8:38

lisaala ku lyosi kinga lihomba ku lyosi li kolwa nomundu ku vosi, kinga navandu vovo Israeli vosi, ava manya umundu sa mulala liduywa lyomwoyo gwigwe, na a nyira makono gege kuhenzidza ku inyumba yiyi:

1 Avami 8:54

Na ga duka, lwa Solomoni ya mala kusaala lisaala yili lyosi nelihomba Yahova, ya singira na a twu la imbiri wobwali bwa Yahova, ha ya sigama namakono gege ni ga nyirwa kuhenza migulu.

2 Kyetsinyinga 6:13

(kigira Solomoni ya lomba kitaradzi kyomugasa, amakono ga tano butambi bwakyo, namakono gatano bugalamu bwakyo, namakono gavaka budiguluku bwakyo, na a ki vika ho mugidzi; na a singira ku, na a sigama ku masigamo gege imbiri welivugana lyosi lya Israeli, na a nyira makono gege kuhenzidza migulu);

Nehemia 1:4

Kunangwa, lwa nda hulira makuva yaga, ndikala nokulira, noku syoma madiku aga duki; na nda honga lilia nokusaala imbiri wa Nyasaye womigulu,

Zaburi 141:2

Lisaala lyange li ve kuli kimuli imbiri wowo; Liginga makono gange li ve kuli kihaanwa kya mgolova.

Zaburi 143:6

Nyira makono gange ku ive: Mwoyo gwange gu veye na maholu ku ive kuli kivala kyumu. Selaha

Zaburi 95:6

Hambi, ku kole miluka nokwinama; Ku sigame imbiri wa Yahova wa ku lomba:

Kutwula 9:29

Na Musa ya mu volera, Nonoho lwa ndi twula mu lidala, nda nyira makono gange ku Yahova; na lihirigana li la hera, kandi imbula yamagina i la vula kukupa; ive u duke kumanya lirova li veye lya Yahova.

Kutwula 9:33

Na Musa ya twula mu lidala ku Farao, na a nyira makono gege ku Yahova: na lihirigana na imbula yamagina ya hera, na imbula si ya kupa mu kivala mba.

Isaya 1:15

Lwa mu nyira makono genyu, nda visa tsimoni tsyange mbule kumulola; yee, lwa mu saala lisaala linyingi, si nda li hulira mba; makono genyu gizuye masahi.

Danyeli 10:2

Mu madiku yago inze, Danyeli, nda li ni nsyomanga masidza gavaka gosi bei.

Luka 22:41

Mwene yavukana navo kuli ha u nyala kulasa ligina; na a sigama na a aala,

Vikolwa 21:5

Kandi lwa kwa mala madiku, kwa twula ni ku tsia ulugendo lwetu; navo vosi halala navakali navana vavo, va ku hereka kali kuduka kyova welidala: ni ku sigama ku luginga ni ku saala ni ku siivulana;

Vafeso 3:14

Kigira yaga nsigamanga imbiri wa Dada,